Ба пиндошти Скворсова, ваксинаи БСЖ ба ҷараёни COVID-19 таъсир мерасонад
ДУШАНБЕ, 08.04.2020 /АМИТ «Ховар»/. Ваксинаи зидди сил (БСЖ) метавонад дар мубориза бо сирояти коронавирус нақши муайян иҷро намояд, гуфт роҳбари Агентии федералии тиббӣ-биологии Россия (АФТБ), собиқ сарвазири тандурустии ин кишвар Вероника Скворсова. Дар ин бора «РИА Новости» хабар медиҳад.
«Дар шарҳу тафсирҳои байналмилалӣ алҳол ин мавзӯъ ба таври васеъ муҳокима мешавад, ҳамзамон фарқият он ҷо ҳам аз ҷиҳати сироят ва ҳам аз ҷиҳати фавт дар натиҷаи коронавирус на ду баробар, балки даҳ маротиба зиёд аст. Ва тахминҳо дар бобати алоқаманд сохтани онҳо низ бисёранд. Шояд ин аҳамияти муайяне дошта бошад, вале ман фикр мекунам, ки ҳоло мо усулҳои навсозии низоми масуниятро муҳокима нахоҳем кард, ҳарчанд он то андозае таъсиррасон буда метавонад»,- гуфт Скворсова дар мусоҳиба бо шабакаи телевизионии «Россия 24», вақте ба суол дар бораи эми БСЖ дар маҳви сирояти коронавирус сухан меронд.
Ӯ бобати гуфтугузорҳои гуногун дар ҷомеа мисол оварда гуфт, ки мегӯянд дар кишварҳое, ба мисли Италия ва Голландия аз сабаби ба роҳ намондани эмкунӣ вазъияти сироят бо коронавирус вазнинтар аст. Скворсова тасдиқ намуд, ки ин хабар дурӯғ набуда, метавонад асоси илмӣ дошта бошад.
Қаблан вазири тандурустии Россия Михаил Мурашко иброз намуда буд, ки агар маълумот дар бораи он ки аҳолии бо БСЖ эмшуда метавонад коронавирусро сабуктар гузаронад, тасдиқ шавад, пас Россия дорои як зумра бартарият хоҳад буд.
Вероника Скворсова ҳамчунин авҷгирии коронавирусро дар Россия пешгӯӣ намуд. «Гирифторшавӣ ба коронавирус дар Россия метавонад баъд аз даҳ- чордаҳ рӯз ба авҷи аъло расад»,- гуфт роҳбари Агентии федаралии тиббӣ–биологӣ Вероника Скворсова дар мусоҳиба бо шабакаи телевизионии «Россия 24».
Тавре қаблан доктори илмҳои биологӣ, профессори Мактаби биологияи муназзами ИМА Анча Баранова ба «РИА Новости» иброз дошта буд, авҷи аъло маънои онро дорад, ки ҳар рӯзи минбаъда теъдоди тақрибан якхелаи беморони нав зиёд мешавад. Гирифторӣ ба беморӣ як муддат авҷ мегирад ва сипас сироят рӯ ба камшавӣ меорад.
Ёдрас мешавем, ки Созмони Умумиҷаҳонии Тандурустӣ 11 март хурӯҷи коронавируси COVID-19–ро пандемия эълон намуд. Мутобиқи маълумоти охирин дар ҷаҳон тақрибан 1,28 миллион ҳолати сироят тасдиқ гашта, зиёда аз 72 ҳазор нафар фавтидаанд.
АКСИ «РИА Новости»
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
