Бонки миллӣ барои пешгирии таъсири пандемияи COVID-19 ба иқтисодиёти Тоҷикистон нақшаи чорабиниҳо таҳия намуд
ДУШАНБЕ, 28.04.2020 /АМИТ «Ховар»/. Бонки миллии Тоҷикистон дар ҳамкорӣ бо дигар ниҳодҳо ва блоки иқтисодию молиявии мамлакат дар шароити пандемия, ки бар асари хуруҷи бемории сироятии COVID-19 дар ҷаҳон эълон гардидааст, кадом тадбирҳои зиддибуҳронӣ меандешад?
Дар посух ба саволи хабарнигори АМИТ «Ховар» аз Бонки миллии Тоҷикистон иттилоъ доданд, ки бо мақсади пешгирӣ аз таъсири эҳтимолии пандемия Нақшаи чорабиниҳои Бонки миллии Тоҷикистон оид ба пешгирии таъсири эҳтимолии пандемияи COVID-19 ба иқтисодиёти миллӣ, низомҳои бонкӣ ва суғуртаи мамлакат таҳия гардидааст. Ҳамзамон оид ба пурзӯр намудани чораҳои зиддиэпидемикӣ барои пешгирии интиқол ва пайдоиши сирояти нави коронавирус дар Бонки миллии Тоҷикистон ситод таъсис дода шудааст.
Дар ин раванд ташкилотҳои қарзии молиявӣ ҷиҳати ҳифзи саломатии истеъмолкунандагони хизматрасониҳои молиявӣ, пешгирӣ аз эҳтимоли паҳншавии вируси сироятии COVID-19, инчунин кам кардани сарборӣ дар муомилоти пулии мамлакат вазифадор карда шуданд, ки чораҳои заруриро фавран амалӣ намоянд.
Ҳамзамон Бонки миллии Тоҷикистон ба Ҳукумати Ҷумҳурии Тоҷикистон, Сарвазири мамлакат ва вазорату идораҳои марбута пешниҳодҳоро оид ба пешгирии таъсири хавфҳои эҳтимолӣ ба иқтисодиёти ҷумҳурӣ ва низоми бонкӣ ирсол намуд
Алҳол Бонки миллии Тоҷикистон бо ташкилотҳои молиявии байналмилалӣ, назири Хазинаи Байналмилалии Асъор, Гурӯҳи Бонки ҷаҳонӣ, Бонки Аврупоии Таҷдид ва Рушд, Бонки Осиёии Рушд, Гурӯҳи Бонки Исломии Рушд, Бонки рушди АвруОсиё, Бонки байнидавлатӣ, Иттиҳод оид ба дастрасии молиявӣ, фондҳои байналмилалӣ, бонкҳои марказӣ (миллӣ) ва сохторҳои бонкии кишварҳои хориҷи наздику дур ҳамкории судманд роҳандозӣ намудааст.
Ширкати «IRS» 38 пулро навсозӣ намуд
Дар шаҳри Панҷакент ҷаласаи 7-уми Шурои ҳавзавии дарёи Зарафшон баргузор гардид
Вазорати нақлиёт дар ноҳияҳои Рӯдакию Восеъ ду ва дар Бадахшон сохтмони якчанд кӯпрукро ба нақша гирифтааст
ҚУРБИ АСЪОР: дар Тоҷикистон 1 рубли русӣ аз 0. 1353 то 0.1300 сомонӣ муқаррар шудааст
Дар Душанбе оид ба масъалаҳои содагардонии расмиёти савдо ҷаласа доир мешавад
CASA-1000. Ин лоиҳа ҳамчун пули энергетикӣ барои ҳамгироии иқтисодӣ ва сиёсӣ замина фароҳам меорад
Ба боғдорону соҳибкорон равандҳои ҳамлу нақл ва логистикаи содироти хушкмева аз Тоҷикистон ба бозорҳои ҷаҳон омӯзонида шуд
Иштирокчиёни Форуми сайёҳии «Суғд — чорроҳаи Роҳи бузурги Абрешим» Қалъаи Хуҷандро тамошо намуданд
Тоҷикистон барои сохтмони марказҳои агрологистикӣ хостори ҷалби сармоя аз Арабистони Саудӣ мебошад
Масоили марбут ба бунёди иншооти муҳими стратегӣ дар Тоҷикистон бо ҷалби сармояи Корея баррасӣ шуд
Дар Палатаи ҳисоб бо иштироки роҳбарони мақомоти олии аудити давлатҳои аъзои СҲШ ҳамоиш доир шуд
