Дар Хатлон дар моҳҳои аввали соли 2020 истеҳсоли маҳсулоти кишоварзӣ афзудааст

БОХТАР, 14.04.2020 /АМИТ «Ховар»/. Дар вилояти Хатлон моҳҳои охир ҳаҷми исетҳсоли маҳсулоти кишоварзӣ зиёд шуда, маҷмӯи маҳсулоти умумӣ дар қиёс бо ҳамин давраи соли 2019  105,1% афзун  шудааст, иттилоъ медиҳад идораи омори вилоят.

Ҳаҷми истеҳсоли маҳсулоти кишоварзӣ дар семоҳаи аввали соли 2020 дар ҳамаи шаклҳои хоҷагидорӣ  565 миллиону 735 ҳазору 400 сомониро (бо нархҳои қиёсшаванда) ташкил дод. Аз ҷумла, дар соҳаи растанипарварӣ  он ба 12 миллиону  250 ҳазор сомонӣ, дар чорводорӣ  ба 553 миллиону  485 ҳазору 300 сомонӣ расидааст.

«Дар муддати се моҳ дар вилоят  дар  ҳамаи шаклҳои идоракунӣ 1967 тонна сабзавот истеҳсол шудааст, ки ин нисбат ба ҳамин давраи соли 2019  2,3 маротиба зиёд аст»,- гуфт  манбаъ.

То 1 апрел дар вилоят гармхонаҳо дар масоҳати 33,8 гектар  фаъолият намуданд, ки дар онҳо  истеҳсоли  336,9 тонна сабзавот, аз ҷумла, 231,1 тонна помидор, 34,7 тонна бодиринг, 89,1 тонна маҳсулоти дигари парвардахонаӣ ба роҳ монда шудааст.

«Бо мақсади татбиқи Барномаи рушди боғдорӣ дар соли 2020 бунёди боғу токзори нав дар масоҳати 1126,0 гектар пешбинӣ шудааст. Татбиқи  барнома  51,8% -ро ташкил дод, ки 376 гектари он  аз заминҳои лалмӣ иборат аст. Илова бар ин, 290,5 гектар боғу токзори кӯҳна  барқарор крада шуданд»,- хабар доданд аз Раёсати кишоварзии вилояти Хатлон.

АКС аз бойгонӣ