Дар Кумитаи ҳифзи муҳити зист доир ба пешгирии интиқоли сирояти коронавирус ҳамоиш баргузор гардид
ДУШАНБЕ, 15.04.2020 /АМИТ «Ховар»/. 14 апрел дар дастгоҳи марказии Кумитаи ҳифзи муҳити зисти назди Ҳукумати Ҷумҳурии Тоҷикистон вохӯрии кормандони мақомоти мазкур бо намояндагони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон доир ба пешгирии интиқоли сирояти коронавирус баргузор гардид.
Тавре аз Кумитаи ҳифзи муҳити зисти назди Ҳукумати Ҷумҳурии Тоҷикистон ба АМИТ «Ховар» иттилоъ доданд, дар вохӯрӣ мутахассисони шуъбаи профилактикии Муассисаи давлатии Маркази ташаккули тарзи ҳаёти солими Вазорати тандурустӣ ва ҳифзи иҷтимоии аҳолии мамлакат Музаффар Нарзуллев ва Бахтовар Комёбов дар мавзӯи «Худ ва дигаронро аз сирояти коронавирус ҳифз намоед» ибрози назар намуда, доир ба роҳҳои пешгирӣ аз бемории COVID-19 маълумот доданд.
Ҳамчунин зикр шуд, ки хушбахтона, то имрӯз дар Ҷумҳурии Тоҷикистон коронавирус ба қайд гирифта нашудааст, вале ин маънои онро надорад, ки мо нисбат ба ҳифзи саломатии худу атрофиён аз ин хатари глобалӣ бетарафӣ зоҳир намоем. Бояд мо ҳарчи бештар корҳои фаҳмондадиҳиро миёни аҳолӣ пурзӯр намоем, то шаҳрвандон ба ҳар гуна хабарҳои беасос дода нашаванд. Аз ин рӯ аҳолии ҷумҳуриро зарур аст, ки танҳо ба иттилооти расонаҳои давлатӣ ва Вазорати тандурустӣ ва ҳифзи иҷтимоии аҳолӣ такя намоянд.
Ёдовар мешавем, ки дар асоси супориши Ҳукумати Ҷумҳурии Тоҷикистон аз 1 апрели соли 2020 ҷиҳати амалӣ намудани Нақшаи ситоди ҷумҳуриявӣ оид ба пурзӯр намудани чораҳои эпидемикӣ дар давраи пандемияи сирояти коронавирус COVID-19 аз ҷониби Кумитаи ҳифзи муҳити зисти нақшаи чорабиниҳои ситоди идоравӣ ташкил шуда, дар ҳамкорӣ бо мақомоти дахлдор тадбирҳои зарурӣ ва саривақтӣ роҳандозӣ шуда истодаанд.
Намояндаи Тоҷикистон дар Конфронси шашуми вазирони меҳнати кишварҳои аъзои СҲИ иштирок намуд
КУМАКҲОИ УНВОНИИ ИҶТИМОӢ. Ба қишри осебпазири Тоҷикистон беш аз 917 миллион сомонӣ кумак расонида шуд
Дар Давҳа масъалаи омодасозии мутахассисон барои бозори меҳнат баррасӣ шуд
Дар Душанбе форуми минтақавӣ-ҷаласаи роҳбарони сохторҳои ҳолатҳои фавқулода аз давлатҳои Осиёи Марказӣ идома дорад
Дар Тоҷикистон ҷарроҳии мураккаби мағзи сар гузаронида шуд
Дурнамои рушди соҳаи таҳсилоти ибтидоӣ ва миёнаи касбӣ дар Тоҷикистон бо намояндагони Ассотсиатсияи кумак ва ёрии Ҷопон баррасӣ гардид
Ҳайати ҳокимияти судии Тоҷикистон дар Женева дар форуми байналмилалӣ иштирок намуд
«СОЛИМИИ ЗАН — СОЛИМИИ МИЛЛАТ». Дар шаҳри Гулистон беш аз 200 нафар занон бо муоинаи ройгон фаро гирифта шуданд
Дар Душанбе оид ба таҳкими ҳамкории минтақавӣ дар самти коҳиши хавфи офатҳо вохӯрӣ доир шуд
Маркази тадқиқоти стратегии Тоҷикистон бо Институти осиёии дипломатия ва муносибатҳои байналмилалии Непал Ёддошти тафоҳум ба имзо расонид
Муовини Сарвазири Тоҷикистон дар Конфронси минтақавии сатҳи баланд вобаста ба пешгирии зӯроварӣ нисбат ба кӯдакон иштирок намуд
Густариши ҳамкорӣ дар самти татбиқи системаҳои рақамӣ дар раванди таълим бо намояндагони Бунёди аврупоии маориф баррасӣ шуд
