Иҷозатномаи ҶСДММ «Спитамен Суғурта» барои амалӣ намудани фаъолияти суғуртавӣ аз нав ба расмият дароварда шуд

ДУШАНБЕ, 08.04.2020 /АМИТ «Ховар»/.  Тибқи қарори раёсати Бонки миллии Тоҷикистон (БМТ) иҷозатномаи Ҷамъияти суғуртавии дорои масъулияти маҳдуди «Спитамен Суғурта» барои амалӣ намудани фаъолияти суғуртавӣ аз рӯи намудҳои суғуртаи ихтиёрӣ ба муҳлати то 5 сол аз нав ба расмият дароварда шуд. Дар ин бора ба хабарнигори АМИТ “Ховар” ба БМТ иттилоъ доданд.

Гуфта мешавад, ки раёсати БМТ  қарори мазкурро  6 апрели соли равон  дар асоси моддаҳои 6, 34 Қонуни Ҷумҳурии Тоҷикистон “Дар бораи фаъолияти суғуртавӣ”, моддаи 8 Қонуни Ҷумҳурии Тоҷикистон “Дар бораи иҷозатномадиҳӣ ба баъзе намудҳои фаъолият” ва бобҳои 11, 54 Низомнома дар бораи хусусиятҳои иҷозатномадиҳӣ ба баъзе намудҳои фаъолият, ки бо қарори Ҳукумати Ҷумҳурии Тоҷикистон аз 3 апрели соли 2007 тасдиқ шудааст,  ба тасвиб расонид.

Мутобиқи қарори мазкур, иҷозатномаи ҶСДМ “Спитамен Суғурта”  аз 7 апрели соли 2015 аз эътибор соқит дониста шуда, Идораи назорати суғуртавӣ уҳдадор гардидааст, ки дар Феҳристи ягонаи давлатии иштирокчиёни касбии бозори суғурта оид ба тағйироти мазкур сабти дахлдор ворид намояд.