Коронавирус дар гӯшаҳои мухталифи олам ба таври гуногун шакл иваз намудааст

ДУШАНБЕ, 13.04.2020 /АМИТ «Ховар»/. Олимон кашф кардаанд, ки коронавирус ҳадди ақал се шакли ивазшавӣ дорад, ки ҳангоми паҳншавии сироят дар тамоми ҷаҳон рух додаанд, хабар медиҳад Pravda.ru.

Муҳаққиқон онҳоро шаклҳои «А», «В» ва «С» таъйин карданд. Навъи аввал — «А» дар Ухан (Чин) кашф шуда буд ва гумон меравад, ки ин нусхаи аслии вирусест, ки аз кӯршапарак ба инсонҳо интиқол ёфтааст.

Мавриди зикр аст, ки ҳамин шакл дар Иёлоти Муттаҳидаи Амрико ва Австралия паҳн шудааст.

Дар Аврупо сироят бо навъи «С» ба мушоҳида мерасад, аммо дар баъзе давлатҳо, ба монанди  Швейтсария, Германия, Белгия ва Нидерландия навъи «В» вуҷуд дорад.