«Куруш» — чунин номгузорӣ шуд кинотеатри замонавии «Тоҷикфилм»
ДУШАНБЕ, 15.04.2020. /АМИТ «Ховар»/. Кинотеатри замонавӣ дар назди Муассисаи давлатии «Тоҷикфилм» ба ифтихори шоҳаншоҳи ориётабор «Куруш» номгузорӣ шуд. Дар ин бора аз Муассисаи давлатии «Тоҷикфилм» ба АМИТ «Ховар» иттилоъ доданд.
Директори Муассисаи давлатии «Тоҷикфилм» Маҳмадсаид Шоҳиён зимни ҷаласаи ҷамъбасти семоҳа иброз намуд, ки кинотеатр то оғози Кинофестивали байналмилалии «Душанбе» ба истифода дода мешавад. Ҳамчунин дар ҷаласаи мазкур масъалаҳои мубрам оид ба кинои ватанӣ, назорат ва паҳнкунии маводи аудиовизуалӣ баррасӣ гардиданд.
Тавре қаблан хабар дода будем, «Тоҷикфилм» тасмим гирифтааст, ки дар заминаи толори якуми муассиса кинотеатри замонавӣ таъсис диҳад.
Ба гуфти М. Шоҳиён, таъсиси кинотеатр дар «Тоҷикфилм» ниҳоят муҳим мебошад. Зеро барои баргузории фестивалҳои синамоӣ ва ҳафтаи филмҳои мамлакатҳои ба мо дӯст доштани кинотеатри замонавӣ ба манфиати кор аст.
Кинотеатри замонавӣ бо назардошти беш аз 200 ҷойи нишаст сохта шуда, дар он насби таҷҳизоти садоии 5Х1 ва экрани васеъ, курсиҳои бароҳат бо шароити зарурӣ ва мувофиқ ба талаботи замон дар назар аст.
Дар шаҳри Душанбе кинотеатрҳои замонавӣ ангуштшумор мебошанд. Аз ин рӯ ин иқдоми «Тоҷикфилм» ба манфиати муассиса ва ҷомеа мебошад.
Дар Душанбе маросими кушодашавии 46-умин сессияи баҳории Академияи хурди илмҳои Тоҷикистон баргузор шуд
Санъати нодир — кундал дар Тоҷикистон рушд меёбад
«КӮЗАИ ВАҲДАТ». Ин кӯзаи мунаққаш аз хоки тамоми минтақаҳои Тоҷикистон сохта шудааст
Аксари ҳунармандони «Оркестри симфонии кӯдакон ва наврасон» ғолибони Озмуни ҷумҳуриявии «Тоҷикистон — Ватани азизи ман» мебошанд
Дар Вазорати фарҳанг оид ба нақши муассисаҳои фарҳанг дар рушди маънавиёти ҷомеа ҳамоиш доир шуд
«ОФТОБИ НАЗМИ ОЛАМ». Дар Душанбе бахшида ба бузургдошти 700-солагии Ҳофизи Шерозӣ ҳамоиш баргузор гардид
Дар Париж барномаи фарҳангии Шашмақом баргузор гардид
ПАНДИ ҲОФИЗ — ҲИДОЯТГАРИ ИНСОНҲО БА СӮИ КАМОЛОТИ МАЪНАВӢ. Бардошт аз конфронси илмӣ-байналмилалӣ дар ЮНЕСКО
Дар қароргоҳи ЮНЕСКО ба ифтихори 700-солагии Ҳофизи Шерозӣ намоиши ҷашнӣ ифтитоҳ гардид
Тоҷикистон дар қароргоҳи ЮНЕСКО 700-солагии Ҳофизи Шерозиро таҷлил менамояд
Даври дуюми Озмуни ҷумҳуриявии «Тоҷикистон — Ватани азизи ман» оғоз гардид
Дар Академияи миллии илмҳои Тоҷикистон бахшида ба Рӯзи Ваҳдати миллӣ конференсияи ҷумҳуриявӣ баргузор гардид
