Пагоҳ бозии Суперҷоми Тоҷикистон доир мегардад

ДУШАНБЕ, 03.04.2020. /АМИТ «Ховар»/. Пагоҳ дар Варзишгоҳи марказии шаҳри Душанбе бозии Суперҷоми Тоҷикистон-2020 байни дастаҳои  футболи   «Истиқлол»-и Душанбе  ва  «Хуҷанд»-и Хуҷанд баргузор мешавад. Дар ин бора мухбири АМИТ «Ховар» бо истинод ба Федератсияи футболи Тоҷикистон иттилоъ медиҳад.

Бозии Суперҷоми Тоҷикистон-2020 байни дастаҳои  футболи «Истиқлол»-и Душанбе  ва «Хуҷанд»-и Хуҷандро рефери ФИФА Насрулло Кабиров аз шаҳри Норак ҳакамӣ мекунад. Дар ин бозӣ ба Насрулло Кабиров ёварон Акмал Буриев (Турсунзода) ва Исмоил Нуралиев (Норак) кумак мекунанд. Гулмуроди Саъдулло дар ин вохӯрӣ довари эҳтиётӣ таъйин шудааст.

Ёдовар мешавем, ки бозии мазкур бинбар сар задани хуруҷи вируси корона бидуни тамошобин баргузор мешавад.

Суперҷоми Тоҷикистон-2020

4 апрел (шанбе)

Оғози бозӣ соати 17:00

«Истиқлол» – «Хуҷанд»

Сардовар: Насрулло Кабиров (Норак).

Ёварони довар: Акмал Буриев (Турсунзода), Исмоил Нуралиев (Норак).

Довари эҳтиётӣ: Гулмуроди Саъдулло (Душанбе).

Нозири бозӣ: Раҳимҷон Шарипов (Душанбе

Комиссари бозӣ: Беҳруз Айниддинзода (Бохтар).

Варзишгоҳи марказии шаҳри Душанбе