Шаҳрвандони Тоҷикистон, ки дар Федератсияи Россия қарор доранд, дар ҳолати зарурӣ метавонанд тавассути телефон ва алоқаи интернетӣ бо масъулин дар тамос шаванд
ДУШАНБЕ, 14.04.2020 /АМИТ «Ховар»/. Вазорати меҳнат, муҳоҷират ва шуғли аҳолии Ҷумҳурии Тоҷикистон ба иттилои шаҳрвандоне, ки дар хориҷи мамлакат фаъолият менамоянд, мерасонад, ки вобаста ба вазъи бемории сироятии COVID-19 ва бо мақсади расонидани кумак ва машваратҳои фаврӣ ба муҳоҷирони меҳнатӣ-шаҳрвандони ҷумҳурӣ дар хориҷа дар назди вазорат алоқаи доимӣ тавассути телефон ва алоқаи интернетиро бо рақамҳои 235-03-85, 236-68-88 ва +992 935 55 50 87 +992 918 50 66 77 (вайбер) роҳандозӣ намуд, ки онҳо метавонанд бо масъулини вазорат дар тамос бошанд.
Дар ин бора хабарнигори АМИТ «Ховар» бо истинод ба маркази матбуоти Вазорати меҳнат, муҳоҷират ва шуғли аҳолии Ҷумҳурии Тоҷикистон иттилоъ медиҳад.
Масъулини вазорат аз шаҳрвандони Ҷумҳурии Тоҷикистон, ки дар шаҳру вилояти Россия қарор доранд, хоҳиш менамоянд, ки реҷаи муқарраргардидаи кишвари иқоматро риоя намоянд.
Тибқи фармони Раиси шаҳри Москва, шурӯъ аз 13 апрели соли равон бинобар хуруҷи сироятёбӣ аз коронавирус сафар дар шаҳр ва музофоти Москва дар ҳама намуди нақлиёти шахсӣ, ҷамъиятӣ ва таксӣ тибқи иҷозатномаи махсуси рақамӣ, ки онро метавон дар сомонаи шаҳрдорӣ – www.mos.ru бо нишон додани мушаххасот ва ҳадафи сафар дарёфт кард, ба роҳ монда мешавад.
Яъне рухсатҳои махсусро метавон тариқи фиристодани паёмак ба рақами кӯтоҳи 7377 ё тариқи занги телефонӣ ба рақами телефонии +7 (495) 777-77-77 фармоиш дод ва шумораи он давоми ҳафта маҳдуд карда намешавад. Барои гирифтани он бояд ҷойи истиқомати воқеиро нишон дод, на ҷойи бақайдгирифташударо.
Тавре дар реҷаи муқарраргардида омадааст, тартиби гаштугузор ва тарки ҷойи истиқомат ба аҳолӣ мисли пештара, танҳо барои харидории доруворӣ, маҳсулоти ғизоӣ, истифода аз хизматрасонии бонкиву тиббӣ ва гаштугузор бо ҳайвоноти хонагӣ бо риояи фосила аз якдигар иҷозат шудааст. Барои кӯдакони то 14-сола рухсати рақамӣ талаб карда намешавад. Ғайр аз ин, бидуни иҷозат, вале бо шаҳодатнома судяҳо, ҳуқуқшиносон, нотариусҳо, рӯзноманигорон ва инчунин кормандони амният метавонанд ҳаракат кунанд.
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
