Театри вилоятии мусиқӣ-мазҳакавии шаҳри Кӯлоб дӯстдорони китобро ба оғӯш гирифт
КӮЛОБ, 14.04.2020. /АМИТ «Ховар»/. Дар Театри вилоятии мусиқӣ-мазҳакавии ба номи Сайдалӣ Вализодаи шаҳри Кӯлоб аз ҷониби раёсати китобхонаи вилоятии бачагонаи шаҳр Фестивали ҷумҳуриявии «Ҳафтаи китоби кӯдакону наврасони Тоҷикистон» доир гардид.
Дар саҳни театри мазкур намоиши китобҳои илмию бадеӣ аз осори пурмазмуни мутафаккирони тоҷику форс ташкил гардида буд, ки хонандагони муассисаҳои таълимии шаҳру деҳот аз ин ҷо асарҳои дӯстдоштаи худро пайдо намуданд. Ҳамчунин дар як гӯшаи дигар аз ҷониби хонандагони муассисаи таълимии №-52-и шаҳри Кӯлоб намоиши ҳунарҳои мардумӣ, аз қабили чакандӯзию гулдӯзӣ ташкил гардид, ки меҳмонон аз тамошои он ба завқ омада, ба офарандагони ин зебоиҳо аҳсан хонданд.
Тавре корманди китобхона Моҳбону Ҷумаева зикр кард, дар бинои театр баргузор намудани Фестивали ҷумҳуриявии «Ҳафтаи китоби кӯдакону наврасони Тоҷикистон» дар шаҳри Кӯлоб бесабаб набуд, зеро китобу театр як рисолат доранд — ғизои маънавӣ бахшидан ба инсон.
Дар толори Театри вилоятии мусиқӣ-мазҳакавии ба номи Сайдалӣ Вализода наврасону ҷавонон бо адибон вохӯрӣ намуда, аз онҳо доир ба китоб ва аҳамияти мутолиа дар ҳаёти инсон қиссаҳои ҷолиб шуниданд.
Аз ҷумла, зикр шуд, ки китоб манбаи дониш буда, танҳо тавассути мутолиаи он инсон ба камоли маънавӣ мерасад. Даврони наврасию ҷавонӣ беҳтарин вақт барои мутолиа кардани на танҳо осори адибони тоҷик, балки намояндагони адабиёти ҷаҳон аст.
Дар фарҷом барои болидахотирии ҳозирин аз ҷониби кӯдакону наврасон барномаи фарҳангию фароғатӣ пешниҳод карда шуд.
АКС аз бойгонии АМИТ «Ховар»
Президенти Академияи миллии илмҳои Тоҷикистон дар Конференсияи байналмилалии «Илм барои бехатарии ҷаҳон» иштирок намуд
35-СОЛАГИИ ИСТИҚЛОЛИЯТИ ДАВЛАТӢ. Дар Чойхонаи миллӣ барои дар як шабонарӯз қабули 5000 мизоҷ шароит фароҳам оварда мешавад
Ба пешвози 700-солагии Ҳофизи Шерозӣ дар Тоҷикистон барномаҳои фарҳангию маърифатӣ доир мешаванд
ШАҲРИСТОНИ ҲУЛБУК. Бозёфтҳои аз ин ёдгорӣ пайдогардида намунаи санъати олии ҳунармандӣ буда, нотакрор мебошанд
«КОРВОНИ КИТОБ». Ба китобхонаҳои шаҳру ноҳияҳои Бадахшон беш аз 6 ҳазор нусха китоб дастрас мегардад
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Дар Австрия барои шаҳрвандони Тоҷикистон Озмуни ҷумҳуриявии «Фурӯғи субҳи доноӣ китоб аст» гузаронида мешавад
Рӯзҳои фарҳанги Ҷумҳурии Тоҷикистон дар Федератсияи Русия идома доранд
