Видео-ҳамоиш: Баррасии таҳкими ҳамкории байнибонкӣ дар шароити пандемия
ДУШАНБЕ, 28.04.2020/АМИТ «Ховар»/. Иттиҳоди байнибонкии Созмони Ҳамкории Шанхай /СҲШ/ саҳнаи муҳими ҳамкории байнибонкӣ дар доираи СҲШ маҳсуб ёфта, дар шароити кунунии мураккаби иқтисодӣ бонкҳои аъзоро водор месозад, ки бо истифода аз тамоми имконоти мавҷуда барои барқарор намудани вазъи иқтисодиёти кишварҳои СҲШ талош намоянд. Ин нуктаро раиси Раёсати Бонки давлатии амонатгузории Ҷумҳурии Тоҷикистон «Амонатбонк» Сироҷиддин Икромӣ зимни ҳамоиши видеоӣ дар ҷамъи роҳбарони бонкҳои давлатҳои аъзои СҲШ баён кард. Корпоратсияи давлатии рушди Бонки берунаи Россия ҳамчун бонки раисикунанда дар доираи Иттиҳоди байнибонкии СҲШ созмондиҳандаи ҳамоиши видеоӣ буда, дар он роҳбарони бонкҳои аъзои Иттиҳоди байнибонкии СҲШ иштирок намуданд.
Аз «Амонатбонк» ба АМИТ «Ховар» иттилоъ доданд, ки дар ҳамоиши онлайнӣ масъалаҳои такмили механизми маблағгузории дарозмуддат, аз ҷумла маблағгузории лоиҳаҳои ширкатҳои давлатӣ ва бахши хусусӣ баррасӣ гардида, инчунин механизми ҳамоҳангсозии қарздиҳӣ, ки аз ҷониби Корпоратсияи давлатии рушди Бонки берунаи Россия бо номи «Фабрикаи маблағгузорӣ» таҳия шудааст, рӯнамоӣ гардид.
Ҳамзамон дар ҳамоиши видеоӣ масъалаҳои дастгирии иншооти инфрасохтории иқтисодиёти шаҳрӣ, васеъ намудани истифодаи асъори миллии кишварҳои аъзои СҲШ дар ҳамкории тиҷоративу иқтисодӣ матраҳ гардиданд.
Бонки давлатии амонатгузории Ҷумҳурии Тоҷикистон «Амонатбонк» аз соли 2008 инҷониб ҳамчун институти молиявии давлатӣ аъзои Иттиҳоди байнибонкии Созмони ҳамкории Шанхай мебошад.
Тавсеаи ҳамкории Тоҷикистон бо Швейтсария дар доираи лоиҳаи «Blue Peace Central Asia» баррасӣ шуд
Дар Душанбе ҷаласаи 18-уми Комиссияи байниҳукуматии Тоҷикистону Беларус доир мегардад
Таҳкими робитаҳои дуҷонибаи Тоҷикистон ва Ҷопон дар бахшҳои иқтисодӣ баррасӣ шуд
Масоили омодагӣ ва иштироки Корея дар Форуми байналмилалии сармоягузории «Dushanbe Invest – 2025» баррасӣ шуд
Резервати биосферии «Ромит» ба Феҳристи шабакаи ҷаҳонии резерватҳои биосферии ЮНЕСКО ворид карда мешавад
Хуршед Мирзо дар форуми БРИКС дар Чин омодагии Тоҷикистонро барои ҳамкории рақамӣ ва саноатӣ баён намуд
ФОРУМИ БАЙНАЛМИЛАЛИИ САРМОЯГУЗОРӢ ДАР СОҲАИ САЙЁҲӢ. Дар Душанбе имконияти нави сармоягузорӣ ба соҳаи сайёҳӣ баррасӣ шуд
«Харитаи роҳ ба самти бетарафии карбон барои Осиёи Марказӣ» дар Токио баррасӣ шуд
Кумитаи ҳифзи муҳити зист «Стратегияи миллии идоракунии партовҳо барои давраи то соли 2035»-ро таҳия менамояд
Тоҷикистон ва Хазинаи байналмилии асъор ҳамкориро дар самтҳои рушди соҳаҳои иқтисоди миллӣ густариш медиҳанд
Ҷаласаи махсуси ҳамоҳангсозии ҳарсолаи гӯруҳи ICAO оид ба такмили хатҳои ҳавоии минтақаи шарқ – «RDGЕ-SСМ/2025» идома дорад
Имрӯз дар Душанбе Форуми байналмилалии сармоягузорӣ дар соҳаи сайёҳӣ баргузор мешавад
