Ҷаласаи навбатии ситоди Вазорати тандурустӣ ва ҳифзи иҷтимоии аҳолӣ масъалаҳои муҳимро баррасӣ намуд

Май 21, 2020 14:10

ДУШАНБЕ, 21.05.2020. /АМИТ Ховар/. Мақсади мулоқоти дирӯзаи Пешвои миллат бо роҳбарону кормандони соҳаи тандурустӣ-ин баррасии воқеии вазъи ҷорист, ки кормандони соҳаи тандурустӣ дар бартарафсозии он нақши асосӣ доранд. Инчунин дарёфти  роҳҳои ҳалли мушкилоти мавҷуда ва вазифаҳо барои давраи наздиктарин ва марҳалаҳои минбаъда мебошад.

Ин нуктаро имрӯз зимни ҷаласаи навбатии ситоди Вазорати тандурустӣ ва ҳифзи иҷтимоии аҳолии Ҷумҳурии Тоҷикистон оид ба масъалаҳои коронавирус  Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода баён дошт. Дар ин бора аз Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба АМИТ «Ховар» хабар доданд.

Дар ҷаласаи мазкур муовинони вазир Саида Умарзода, Мирҳамуддин Камолзода, Шодихон Ҷамшед, сардорони раёсатҳои зерсохтори вазорат ва ҳамзамон онлайн сардорони раёсатҳои тандурустии вилоятҳо ва роҳбарони беморхонаҳои шаҳру ноҳияҳои мамлакат иштирок намуданд.

Ҷамолиддин Абдуллозода таваҷҷуҳи ҳозиринро ба дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки 20 майи соли равон зимни вохӯрӣ бо роҳбарону кормандони соҳаи тандурустӣ ироа гардиданд, ҷалб намуд.

Ҳамзамон дар ҷаласа масъалаҳои назорати қатъии гирифторони бемории КОВИД-19, ки ҳолаташон сабук буда, зери назорати табибон дар хона табобат мегиранд, таҳлили фавти шаҳрвандон аз бемориҳои гуногун, таъмини табибон бо маводи муҳофизатӣ, муносибати кормандони марказҳои кумаки аввалини тиббию санитарӣ бо беморон, таъмин намудани муассисаҳои тандурустӣ бо маводи тиббӣ ва зиддивирусӣ, назорати қатъии тақсимоти маводи доруворӣ мавриди баррасӣ қарор дода шуданд.

Вобаста ба иҷрои вазифаҳое, ки Пешвои миллат муҳтарам  Эмомалӣ Раҳмон зимни суханронии хеш бо роҳбарон ва кормандони соҳаи тандурустӣ баён доштанд, аз ҷониби Вазири тандурустӣ ва ҳифзи иҷтимоии аҳолии  Ҷумҳурии Тоҷикистон Ҷамолиддин Абдуллозода ба масъулин дастуру супоришҳои мушаххас дода шуд.

Май 21, 2020 14:10

Хабарҳои дигари ин бахш

COVID-19. Дар Тоҷикистон шумораи гирифторони коронавируси нав ба 9214 нафар расид
Аъзои ташкилоти ҷамъиятии «Маркази маънавиёт ва маърифати ӯзбекон»-и вилояти Суғд номзадии Пешвои миллат Эмомалӣ Раҳмонро ба мансаби Президенти ҶТ дастгирӣ намуданд
Ҷавонону варзишгарони ВМКБ изҳорот қабул намуданд
СУТ бозгардонидани тадбирҳои миқёсан густурдаи мубориза бо COVID-19-ро дар ҷаҳон истисно намекунад
Котиби генералии СММ иброз дошт, ки хуруҷи коронавирус аз назорат мебарояд
COVID-19. Дар Тоҷикистон 86,5%-и гирифторони коронавируси нав шифо ёфтанд
ХАБАРИ ФАВРӢ! Дар Тоҷикистон 41 ҳолати нави сирояти COVID-19 ва 1 фавт ба қайд гирифта шуд
ХАБАРИ ФАВРӢ! Дар Тоҷикистон 39 ҳолати нави сирояти COVID-19 ба қайд гирифта шуд
КМИР шахсони боэътимоди номзадҳо ба мансаби Президенти Ҷумҳурии Тоҷикистонро дар асоси рӯйхати пешниҳоднамудаи онҳо ба қайд гирифт
САҲМИ САРВАРОНИ ТОҶИКИСТОН ВА ӮЗБЕКИСТОН ДАР ТАҲКИМИ ДӮСТӢ, ҲАМСОЯГИИ НЕК, ЭЪТИМОД ВА ИФТИТОҲИ САҲИФАҲОИ НАВ ДАР МУНОСИБОТИ ШАРИКИИ СТРАТЕГИИ ТОҶИКОНУ ӮЗБЕКОН. Дар ин мавзӯъ имрӯз дар Душанбе Конференсияи илмию амалӣ ба кор оғоз намуд
Қарори Раиси КМИР дар бораи бақайдгирии номзадҳо ба мансаби Президенти Ҷумҳурии Тоҷикистон ба тасвиб расид
COVID-19. Дар Тоҷикистон шумораи гирифторони коронавируси нав ба 9049 нафар расид