COVID-19. Дар Тоҷикистон дастгоҳи ёрирасони нафасдиҳии сунъӣ сохта шуд

Май 21, 2020 10:10

ДУШАНБЕ, 21.05.2020. /АМИТ «Ховар»/. Олимони соҳаи тибби мамлакат дар якҷоягӣ бо олимони Академияи миллии илмҳои  Тоҷикистон дастгоҳи ёрирасони нафасдиҳии сунъиро  ба истифода доданд.  

Ин дастгоҳро   табибон дар Беморхонаи  ёрии таъҷилии шаҳри Душанбе якчанд муддат озмоиш намуданд.

Натиҷаи озмоиш нишон дод, ки  ин дастгоҳ пурра ба дастгоҳҳои нафасдиҳии сунъии стандартӣ ҷавобгӯ буда, барои бемороне, ки аз нафастангӣ душворӣ мекашанд, пешбинӣ шудааст.

Таҷҳизот бо неруи барқ фаъолият намуда, 5 кг вазн дорад.

Ба иттилои президенти Академияи миллии илмҳои Тоҷикистон, академик Фарҳод Раҳимӣ, таҷҳизоти  нафасдиҳии сунъӣ аллакай дар Беморхонаи  ёрии таъҷилӣ дар шаҳри Душанбе  дастрас гардида, аз он барои осон гардидани нафасгирии беморон истифода бурда мешавад.

Дар вазъияти имрӯза, ки қисме аз сокинони мамлакат гирифтори бемории сироятии коронавирус ҳастанд, ихтирои чунин дастгоҳ зарурӣ ва саривақтӣ мебошад. Зеро яке аз нишонаҳои бемории сироятии коронавирус ин- нафастангӣ аст.  Таҷҳизоти нафасдиҳии  сунъӣ барои кумаки беморони сироягирифтаи ин вируси хатарнок басо ёрирасон аст.

Олимони мамлакат аз рӯзҳои аввали паҳн гардидани бемории сироятии  коронавирус ба ихтирои маҳлулу дастгоҳи  ёрирасони нафасдиҳии сунъӣ шурӯъ намуданд, ки кӯшишҳои онҳо бенатиҷа намонд. Тавре қаблан иттилоъ дода будем, бори аввал дар мамлакат истеҳсоли гипохлориди натрий ва оби нуқра низ аз ҷониби олимони мамлакат ба роҳ монда шуд.

Тавре академик Фарҳод Раҳимӣ дар суҳбат ба хабарнигори АМИТ «Ховар» иброз намуд, ҳамзамон дар ин муддат аз ҷониби олимони тоҷик ду навъи дору истеҳсол гардидааст, ки яке барои баланд намудани имунитети  одам ва дуюмин барои нест намудани микробҳо дар организм пешбинӣ шудаанд. «Ин доруҳо «Камолид» (аз решаи камол) ва «Седармона» (аз се гиёҳ) омода шуда, хосияти зиддивирусӣ ва баландбардории иммунитетро доранд», — гуфт президенти Академияи миллии илмҳои Тоҷикистон Фарҳод Раҳимӣ.

Зикр гардид, тамоми таҷҳизоти дастгоҳи нафасдиҳии сунъӣ  пурра истеҳсоли ватанӣ буда, он мувофиқ ба талаботи имрӯза сохта шудааст.  Масъулин  тасмим  доранд, ки марҳала ба марҳала шумораи чунин дастгоҳи нафасдиҳиро зиёд намоянд.

Май 21, 2020 10:10

Хабарҳои дигари ин бахш

ЭЪТИРОФИ СИЁСАТИ ОЯНДАБИНИИ ПЕШВОИ МИЛЛАТ АЗ ҶОНИБИ ҶОМЕАИ ҶАҲОНӢ. Мулоҳизаҳои ходими адабии АМИТ «Ховар» дар ин хусус
ЭМОМАЛӢ РАҲМОН — ВОРИСИ АРЗАНДАИ МИЛЛАТИ ТОҶИК. Маротибаи аввал дар таърихи давлатдории Чин мукофоти олии давлатӣ берун аз кишвар тақдим карда шуд
Антониу Гутерриш: «Тоҷикистон дар самти пешгирии обшавии босуръати пиряхҳо шарики қавӣ ва боэътимоди Созмони Милали Муттаҳид аст»
Эмомалӣ Раҳмон: «Чин бузургтарин сармоягузори мо ба ҳисоб меравад»
Муносибатҳои Чин ва Тоҷикистон: Ба хотири ояндаи дурахшон
Эмомалӣ Раҳмон: «Ваҳдати миллӣ дар баробари Истиқлоли давлатӣ як рукни муҳимми давлатдорӣ ва шарти аслии пешрафту шукуфоии Тоҷикистон мебошад»
Президенти Тоҷикистон: «Сулҳи тоҷиконро ҳамчун нодиртарин роҳи хотима гузоштан ба мухолифатҳои мусаллаҳона эътироф кардаанд»
Пешвои миллат: «Хишти аввали бинои сулҳу ваҳдати миллӣ дар Иҷлосияи XVI Шурои Олӣ гузошта шуда буд»
Эмомалӣ Раҳмон: «Созишномаи сулҳ ва ваҳдати миллӣ барои халқи Тоҷикистон пайки шодӣ, паёми оромӣ ва номаи иқболу саодат гардид»
«МАН БА МАРДУМИ ТОҶИК ҲАВАС МЕБАРАМ, КИ ДАР ЧУНИН ТАБИАТИ ЗЕБО УМР БА САР МЕБАРАНД…». Таассуроти меҳмонон ва иштирокдорони Конфронси сеюми оби Душанбе аз тамошои манзараҳои Тоҷикистон
ИҚДОМҲОИ ПРЕЗИДЕНТИ ТОҶИКИСТОН ҶОМЕАИ ҶАҲОНРО БА ҲАМ ОВАРД! Таассуроти меҳмонон ва иштирокдорони Конфронси сеюми оби Душанбе аз тамошои дараи Ромит
ТОҶИКИСТОН — ШВЕЙТСАРИЯИ ДУЮМ. Меҳмонон ва иштирокдорони Конфронси оби Душанбе аз тамошои манзараҳои дилфиреби Варзоб, хусусан оби мусаффои дарёи Сиёма ангушти ҳайрат газиданд