COVID-19. Мулоқоти коршиносони СУТ бо масъулини соҳаи тандурустии Тоҷикистон
ДУШАНБЕ, 15.05.2020 /АМИТ «Ховар»/. 14 май коршиносони Созмони умумиҷаҳонии тандурустӣ бо масъулини соҳаи тандурустии мамлакат вобаста ба бозбинии протоколҳои клиникӣ вохӯрӣ доир намуданд.
Дар ҷараёни вохӯрӣ аз ҷониби коршиносони Созмони умумиҷаҳонии тандурустӣ ба мутахассисони тоҷик вобаста ба протоколҳои клиникӣ тавсияҳои мушаххас дода шуданд.
Тавре қаблан иттилоъ дода будем, 12 май дар нишасти хабарии мустақим оид ба натиҷагирӣ аз сафари ҳайати Созмони умумиҷаҳонии тандурустӣ ба Тоҷикистон Роҳбари ҳайати Созмони умумиҷаҳонии тандурустӣ (СУТ) Патрик О’Коннор зикр намуд, ки тадбирҳои андешидаи Тоҷикистон ба вазъ на танҳо дар тамоми Осиёи Марказӣ, балки дар Аврупо низ таъсиррасон мебошанд.
«СУТ ба маълумоти Вазорати тандурустии Тоҷикистон эътимод дорад ва дар оянда дар ҳама марҳилаҳои вокуниш ба пайдоиши COVID-19 ба Ҳукумати Тоҷикистон кумак хоҳад кард. Мардум бояд донанд, ки чораҳои асосии мубориза бар зидди пандемия — ин риояи гигиенаи шахсӣ ва қоидаҳои беҳдошти ҷамъиятӣ, истифодаи ниқоб ва нарафтан ба ҷойҳои ҷамъиятӣ мебошанд. Ин чизест, ки имрӯз ҳам СУТ ва ҳам Вазорати тандурустии Тоҷикистон тавсия медиҳанд ва риояи ин қоидаҳо зарур ва ҳатмӣ мебошад»,- гуфт роҳбари ҳайати СУТ.
Ёдовар мешавем, ки ҳайати СУТ аз 1 май инҷониб дар Тоҷикистон қарор дошта, ҳадафи асосии ташрифи онҳо мусоидат намудан дар арзёбии хатарҳо ва таҳияи механизмҳои вокуниш, аз ҷумла иқтидори таҷрибавӣ ва лабораторӣ мебошад.
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
