Дар Суғд барои муайян намудани беморони COVID-19 озмоишгоҳи вирусологӣ фаъол мегардад

Май 21, 2020 11:30

ДУШАНБЕ, 21.05.2020 /АМИТ «Ховар»/. Интизор меравад, ки рӯзҳои наздик дар вилояти Суғд барои муайян намудани беморони коронавируси COVID-19 озмоишгоҳи вирусологӣ фаъол гардад. Ин нукта зимни мулоқоти раиси вилояти Суғд Раҷаббой Аҳмадзода ва раиси шаҳри Хуҷанд Маъруф Муҳаммадзода бо табибону кормандони марказҳои саломатии рақамҳои 2, 4 ва 5 –и шаҳри Хуҷанд зикр гардид.

Раиси вилоят зимни мулоқот бо табибону кормандон аз суханронии Сарвари давлат бо роҳбарон ва кормандони соҳаи тандурустии мамлакат, ки 20 май доир шуд, ёдовар шуда, ин гуфтаҳои Пешвои миллатро иқтибос овард:

«Таҷрибаи ҷаҳонӣ нишон медиҳад, ки то ҳол ба ҷуз аз риояи қоидаҳои беҳдоштӣ, яъне гигиенаи шахсӣ ва ҷамъиятӣ дигар роҳи самараноки пешгирӣ кардани паҳншавии ин вирус вуҷуд надорад.

Ғайр аз ин, ба Вазорати тандурустӣ ва ҳифзи иҷтимоии аҳолӣ дастур дода шуд, ки фаъолияти бонизоми беморхонаҳо, дармонгоҳҳо, марказҳои саломатӣ ва бунгоҳҳои тиббиро ба роҳ монда, ҷиҳати таъмини онҳо бо доруворӣ, таҷҳизоти замонавӣ ва маводи ғизоӣ тамоми тадбирҳои заруриро амалӣ намояд. Барои ҳалли масъалаҳои бетаъхир маблағҳои аввалин аз ҳисоби буҷети давлатӣ ва Фонди захиравии Президенти мамлакат ҷудо карда шуданд, ки то ба имрӯз барои харидории таҷҳизоту ашёи зарурии тиббӣ ва доруворӣ сарф шуда истодаанд ва истифодаи онҳо таҳти назорат қарор дорад».

Зикр шуд, ки бо дастури Асосгузори сулҳу ваҳдати миллӣ – Пешвои миллат, Президенти мамлакат муҳтарам Эмомалӣ Раҳмон аз рӯзҳои аввали пайдоиши ин вабои аср дар ҷумҳурӣ тадбирҳои саривақтӣ роҳандозӣ гардида, бо роҳбарии Сарвазири мамлакат Ситоди ҷумҳуриявӣ таъсис дода шуд. Ҷиҳати расонидани кумак ба Вазорати тандурустӣ ва ҳифзи иҷтимоии аҳолӣ дар ҳаҷми 29 миллион сомонӣ маблағҳои зарурии иловагӣ ҷудо гардида, кори Ситод зери назорати шахсии Сардори давлат қарор гирифт. Ҳамчунин дар шаҳру навоҳии вилоят низ чунин ситодҳо ташкил гардида, маблағҳои зарурӣ дар ин самт ҷудо шудаанд.

Раҷаббой Аҳмадзода иброз дошт, ки чанд рӯз қабл корвони кумакҳои моддии Пешвои миллат муҳтарам Эмомалӣ Раҳмон иборат аз 140 мошини пурбор ба 18 шаҳру навоҳии вилоят тақсим карда шуданд. Иттилоъ дода шуд, ки самараи муборизаи дастҷамъона буд, ки имрӯз сафи беморони коронавирус хеле коҳиш ёфтааст.

Раиси вилоят гуфт, ки бо андешидани тадбирҳои фаврӣ дар тамоми марказҳои саломатии шаҳр шароити зарурӣ муҳайё шудааст. Раҷаббой Аҳмадзода ба масъулин дастур дод, ки дар зудтарин фурсат рӯйхати беморони камбизоатро манзур намоянд, то ба онҳо дорувории ройгон дастрас карда шавад. Сипас ба марказҳои саломатии номбурда кумакҳои Раиси вилоят, аз қабили доруворӣ, корҷома, ниқоб, дастпӯшак, асбоби муҳофизатӣ, моддаҳои безараргардонии антисептикӣ ва дигар лавозимоти тиббӣ тақдим карда шуданд.

 

Акс аз бойгонӣ

Май 21, 2020 11:30

Хабарҳои дигари ин бахш

ЭЪТИРОФИ СИЁСАТИ ОЯНДАБИНИИ ПЕШВОИ МИЛЛАТ АЗ ҶОНИБИ ҶОМЕАИ ҶАҲОНӢ. Мулоҳизаҳои ходими адабии АМИТ «Ховар» дар ин хусус
ЭМОМАЛӢ РАҲМОН — ВОРИСИ АРЗАНДАИ МИЛЛАТИ ТОҶИК. Маротибаи аввал дар таърихи давлатдории Чин мукофоти олии давлатӣ берун аз кишвар тақдим карда шуд
Антониу Гутерриш: «Тоҷикистон дар самти пешгирии обшавии босуръати пиряхҳо шарики қавӣ ва боэътимоди Созмони Милали Муттаҳид аст»
Эмомалӣ Раҳмон: «Чин бузургтарин сармоягузори мо ба ҳисоб меравад»
Муносибатҳои Чин ва Тоҷикистон: Ба хотири ояндаи дурахшон
Эмомалӣ Раҳмон: «Ваҳдати миллӣ дар баробари Истиқлоли давлатӣ як рукни муҳимми давлатдорӣ ва шарти аслии пешрафту шукуфоии Тоҷикистон мебошад»
Президенти Тоҷикистон: «Сулҳи тоҷиконро ҳамчун нодиртарин роҳи хотима гузоштан ба мухолифатҳои мусаллаҳона эътироф кардаанд»
Пешвои миллат: «Хишти аввали бинои сулҳу ваҳдати миллӣ дар Иҷлосияи XVI Шурои Олӣ гузошта шуда буд»
Эмомалӣ Раҳмон: «Созишномаи сулҳ ва ваҳдати миллӣ барои халқи Тоҷикистон пайки шодӣ, паёми оромӣ ва номаи иқболу саодат гардид»
«МАН БА МАРДУМИ ТОҶИК ҲАВАС МЕБАРАМ, КИ ДАР ЧУНИН ТАБИАТИ ЗЕБО УМР БА САР МЕБАРАНД…». Таассуроти меҳмонон ва иштирокдорони Конфронси сеюми оби Душанбе аз тамошои манзараҳои Тоҷикистон
ИҚДОМҲОИ ПРЕЗИДЕНТИ ТОҶИКИСТОН ҶОМЕАИ ҶАҲОНРО БА ҲАМ ОВАРД! Таассуроти меҳмонон ва иштирокдорони Конфронси сеюми оби Душанбе аз тамошои дараи Ромит
ТОҶИКИСТОН — ШВЕЙТСАРИЯИ ДУЮМ. Меҳмонон ва иштирокдорони Конфронси оби Душанбе аз тамошои манзараҳои дилфиреби Варзоб, хусусан оби мусаффои дарёи Сиёма ангушти ҳайрат газиданд