Худ ва наздиконатро ҳифз намо! Аксияи Вазорати маориф ва илми ҷумҳурӣ
ДУШАНБЕ, 04.05.2020 /АМИТ «Ховар»/. «Худ ва наздиконатро ҳифз намо!» — таҳти ин унвон Вазорати маориф ва илми Ҷумҳурии Тоҷикистон аксияи тарғиботӣ роҳандозӣ кард. Аксияи мазкур бо мақсади ба роҳ мондани корҳои фаҳмондадиҳӣ оид ба риояи қоидаҳои гигиенӣ ва пешгирии бемории коронавирус (COVID-19) амалӣ гардида, дар он мураббияҳои муассисаҳои томактабӣ, роҳбарони синф ва омӯзгорони муассисаҳои таҳсилоти умумӣ, ибтидоӣ ва миёнаи касбӣ, магистрантон, аспирантон ва омӯзгорони ҷавони муассисаҳои таҳсилоти олии касбӣ ба таври ихтиёрӣ ҷалб мегарданд.
Дар доираи аксия кормандони соҳа, роҳбарони синфҳо, омӯзгорон бо вазъ ва шароити хонандагон шинос гардида, ба онҳо тавсия медиҳанд, ки дар давраи таътил омӯзишро тавассути Телевизиони кӯдакон ва наврасони «Баҳористон» мустақилона бо ёрии калонсолони аъзои оила, тавассути алоқаи электронӣ бо омӯзгорон ва ҳамсинфон ва дигар имкониятҳо ба роҳ монда, барои худ шуғли муфид интихоб намоянд.
Ҳамзамон аз волидайн ва калонсолони оила хоҳиш карда мешавад, ки барои кӯдакону наврасон дар хона шуғли муайян, аз қабили ба корҳои хонагӣ пухту паз, тоза намудани хона, ҳавлӣ ва атрофи он, ҳамкорӣ ва расонидани ёрӣ ба дигар аъзои оила машғул шудан, омӯхтани ҳунарҳои гуногун, варзиш дар шароити хона, инчунин ба китобхонӣ машғул шуда, шабакаҳои телевизионии ба синну сол мувофиқро тамошо намуда, дар доираи озмуни «Фурӯғи субҳи доноӣ китоб аст» адабиёти бадеӣ мутолиа намоянд.
Дар давраи таътили ғайринавбатӣ тамоми китобхонаҳои муассисаҳои таълимӣ фаъолият дошта, хонандагону донишҷӯён имокгн доранд китобҳои бадеӣ ва таълимию илмӣ дастрас намоянд.
Иштирокдорони аксия дар маҳаллаҳо ва хонаҳои шаҳрвандон суҳбатҳо гузаронида, барои пешгирии паҳншавии бемории коронавирус (COVID-19) варақаҳои таблиғотӣ ва дигар маводи маърифатӣ паҳн мекунанд, инчунин қоидаҳои риояи гигиенаи шахсӣ, пӯшидани ниқоб, ҳангоми суҳбат нигоҳдоштани масофаи на камтар аз 1,5 — 2 метр, мунтазам шустани дастон бо собун ва дигар маҳлулҳои зиддивирусиро тавсия медиҳанд.
АМИТ «Ховар» ва ҶСП «Ширкати байнидавлатии телевизион ва радиои «Мир»» Ёддошти тафоҳум ба имзо расониданд
Дар Душанбе мубодилаи барномаҳои фарҳангӣ ва намоиши филмҳо байни Тоҷикистон ва Чин баргузор гардид
Дар мавзуи ташаккул ва рушди синошиносӣ дар Тоҷикистон конфронси илмӣ доир гардид
Рӯзҳои фарҳанги Ҷумҳурии Тоҷикистон дар Ҷумҳурии Тотористони Федератсияи Русия доир гардид
Ду озмоишгоҳи Институти химияи Академияи миллии илмҳои Тоҷикистон бо технологияи муосир муҷаҳҳаз карда шуд
Рӯзҳои фарҳанги Ҷумҳурии Тоҷикистон дар Федератсияи Русия идома доранд
Ёдгориҳои ёфтшуда аз шаҳристони Ҳулбук арзиши баланди илмӣ дошта, дар байни таҳқиқоти солҳои охир беназир маҳсуб мешаванд
«Шоҳнома»-и Фирдавсӣ бояд машъалафрӯзи ҳар хонадони тоҷик бошад ва анъанаи неки шоҳномасароӣ барқарор шавад
Вобаста ба таъсири зеҳни сунъӣ ба ҳастии инсоният конференсияи ҷумҳуриявӣ баргузор шуд
«ШОҲНОМА — ОРМОНИ МИЛЛӢ». Он мактаби худшиносӣ ва парчами ифтихори миллии мо аст
Ҳамкории Академияи миллии илмҳои Тоҷикистон бо Маркази пажӯҳишӣ ва машваратии TRENDS густариш меёбад
Иштирокдорони Конфронси байналмилалии сатҳи баланд оид ба ҳифзи пиряхҳо аз Чин бо яке аз маконҳои таърихии Тоҷикистон шинос шуданд
