Ғолибони даври ҷумҳуриявии Олимпиадаи фаннии хонандагон ва олимпиадаҳои номӣ муайян шуданд

Май 1, 2020 09:49

ДУШАНБЕ, 01.05.2020 /АМИТ «Ховар»/. Дар даври ҷумҳуриявии Олимпиадаи фаннии хонандагони муассисаҳои таҳсилоти умумӣ ва олимпиадаҳои номӣ хонандагони муассисаҳои таҳсилоти миёнаи умумии шаҳри Душанбе соҳиби 119 ҷойи ифтихорӣ — 26 медали тилло, 30 медали нуқра ва 63 медали биринҷӣ, вилояти Суғд 99 ҷойи ифтихорӣ15 медали тилло, 30 медали нуқра ва 54 медали биринҷӣ, вилояти Хатлон 81 ҷойи ифтихорӣ8 медали тилло, 24 медали нуқра ва 49 медали биринҷӣ, шаҳру ноҳияҳои тобеи ҷумҳурӣ 32 ҷойи ифтихорӣ4 медали тилло, 6 медали нуқра ва 22 медали биринҷӣ ва ВМКБ 13 ҷойи ифтихорӣ3 медали нуқра ва 10 медали биринҷӣ гардиданд. Даври ҷумҳуриявӣ рӯзҳои 18 ва 19 апрели соли равон баргузор гардид, хабар медиҳад АМИТ «Ховар» бо истинод ба маркази матбуотии Вазорати маориф ва илми Ҷумҳурии Тоҷикистон иттилоъ доданд.

Мавриди зикр аст, ки олимпиадаи мазкур дар худи макарзҳои вилоят баргузор гардид. Яъне барои хонандагони муассисаҳои таҳсилоти умумии Вилояти Мухтори Кӯҳистони Бадахшон дар Муассисаи таълимии давлатии «Мактаби Президентӣ барои кӯдакони болаёқат дар шаҳри Хоруғи Вилояти Мухтори Кӯҳистони Бадахшон», барои хонандагони муассисаҳои таҳсилоти умумии вилояти Суғд дар Муассисаи таълимии давлатии «Мактаби Президентӣ барои хонандагони болаёқат» дар шаҳри Бӯстони вилояти Суғд, барои хонандагони муассисаҳои таҳсилоти умумии вилояти Хатлон дар Муассисаи таълимии давлатии «Мактаби Президентӣ барои кӯдакони болаёқат дар ноҳияи Данғараи вилояти Хатлон» ва барои хонандагони муассисаҳои таҳсилоти умумии шаҳри Душанбе ва шаҳру ноҳияҳои тобеи ҷумҳурӣ дар Муассисаи таълимии давлатии «Мактаби байналмилалии Президентӣ» ба хотири ҷилвагири ва сироят наётани муҳаасилин ба бемории сирояти коронавирус баргузор гардиданд, ки натиҷаи онро дар Маркази милли тести назди Президенти Ҷумҳурии Тоҷикистон ҷамъбаст гардид.

Ба гуфтаи масъулони Маркази ҷумҳуриявии дарёфт ва рушди истеъдодҳои Вазорати маориф ва илмии Ҷумҳурии Тоҷикистон  даври номии олимпиадаи мазкур ба он хорит гузаронида шуд, ки ба хатмкунандагоне, ки дар олимпида иштирок намудаву ҷойҳои намоянро ба даст меоранд, имтиёзҳо муқаррар гардидааст.

Тибқи низомномаи олимпиадаҳои мазкур ғолибоне, ки соҳиби Дипломи дараҷаи 1, 2, 3, медал ва туҳфаҳои хотиравӣ гардиданд, барои дохил шудан ба муассисаҳои таҳсилоти миёна ва олии касбӣ дар сурати мувофиқат кардани фан ба ихтисос мутаносибан соҳиби 100, 75 ва 50 бал иловагӣ гардиданд.

Ҳамчунин иштирокчиёне, ки дар даври чоруми Олимпиада аз 90 то 100 холро ба даст меоранд, сазовори ҷойи якум дониста шуда, бо туҳфа, медал, «Дипломи дараҷаи 1» ва «Тавсиянома»-и Вазорати маориф ва илми Ҷумҳурии Тоҷикистон сарфароз мегарданд ва ба муассисаҳои таҳсилоти миёна ва олии касбӣ дар сурати мувофиқат кардани фан ба ихтисоси соҳаи омӯзгорӣ тариқи суҳбат қабул карда мешаванд.

Ёдовар мешавем, ки дар олимпиадаҳои мазкур аз рӯи 13 фанни таълимӣ, 945 нафар хонандаи муассисаҳои таҳсилоти умумии мамлакат иштирок намуда, 344 нафар соҳиби ҷойҳои ифтихорӣ — 53 медали тилло, 92 медали нуқра ва 198 медали биринҷӣ гардиданд.

Май 1, 2020 09:49

Хабарҳои дигари ин бахш

Фестивали байналмилалии театрҳои касбӣ «Наврӯз» дӯстдорони санъати театрро ҷамъ овард
Ҳамкории Академияи миллии илмҳои Тоҷикистон бо Агентии байналмилалии неруи атомӣ тақвият меёбад
Фестивали байналмилалии театрҳои касбӣ «Наврӯз» оғоз меёбад
Дар Душанбе бахшида ба 1155-солагии олими бузурги тоҷик Абумансури Мотурдӣ ҳамоиши илмӣ баргузор мешавад
БЛОГЕРОНИ ТОҶИК НИЁЗ БА ОМӮЗИШИ ЗАБОНИ МОДАРӢ ДОРАНД! Ва ё насли наврас аз шабакаҳои иҷтимоӣ ё рафтору гуфтори блогерон чӣ меомӯзад?
Оид ба нақши ёдгориҳои таърихӣ дар ташаккули худшиносии миллӣ конференсияи байналмилалӣ доир шуд
Дар Роштқалъа даври аввали Озмуни ҷумҳуриявии «Тоҷикистон- Ватани азиз ман» доир шуд
Таҳти унвони «Пешвои миллат ва эҳёи «Шоҳнома» ҳамчун рамзи ҳувияти миллӣ» конференсия доир шуд
Байни донишҷӯдухтарони муассисаҳои таҳсилоти миёна ва олии касбӣ озмуни «Шоҳномахонӣ» баргузор мегардад
Дар Тоҷикистон Фестивали байналмилалии театрҳои касбӣ «Наврӯз» баргузор мегардад
Бахшида ба 1160-солагии олими маъруфи тоҷик Абубакри Розӣ ҳамоиши илмӣ баргузор шуд
Филми «Сарчашма»-и коргардони тоҷик соҳиби ҷоизаи «Таваҷҷуҳи тамошобин» гардид