ПАЙРАВӢ АЗ ТАШАББУСИ ПЕШВОИ МИЛЛАТ. Роҳбари клуби «Истиқлол» Шоҳрух Саидзода маоши яксолаи худро барои мубориза бо COVID — 19 бахшид

Май 5, 2020 15:37

ДУШАНБЕ, 05.05.2020/АМИТ «Ховар»/. Роҳбари клуби футболи «Истиқлол»-и Душанбе Шоҳрух Саидзода маблағи худро ба бунёде, ки барои мубориза бо коронавирус таъсис шудааст, фиристод. Дар ин бора дар саҳифаи расмии тими «Истиқлол» дар Facebook хабар дода  шудааст.

Дар хабар омадааст, ки иқдоми Президенти Ҷумҳурии Тоҷикистон Эмомалӣ Раҳмон ва Раиси шаҳри Душанбе Рустами Эмомалиро дастгирӣ намуда, президенти клуби «Истиқлол»-и Душанбе аз гирифтани музди яксолаи худ дар клуб даст каши два  онро барои мубориза бо коронавирус ҳазина кард.

Тавре АМИТ «Ховар» иттилоъ дод, то имрӯз бо пайрави аз ташаббуси Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки маоши якмоҳаи худро ба суратҳисоби махсус ҷиҳати маблағгузории  тадбирҳои мубориза бо  коронавирус таҳвил доданд,  Вазири корҳои дохилӣ Рамазон Раҳимзода, Раиси вилояти Хатлон Қурбон Ҳакимзода ва тобеинаш, роҳбарити Вазорати саноат ва техлогияҳои нав, дигар вазорату идораҳои мамлакат аз ҳисоби маоши худ ба суратҳисоби  мазкур маблағ интиқол намуданд.

АКС: скриншот аз сомонаи КФ «Истиқлол»

Ёдрас мешавем, ки то 5 майи соли равон дар ҳудуди Тоҷикистон 230 ҳолати сироятёбии шаҳрвандон ба коронавируси нави COVID-19, аз ҷумла 110 ҳолат дар шаҳри Душанбе, 22 ҳолат дар шаҳру ноҳияҳои тобеи ҷумҳурӣ, 7 ҳолат дар ВМКБ, 21 ҳолат дар вилояти Хатлон ва 70 ҳолат дар вилояти Суғд ошкор гардид.

Ҳамзамон 3 ҳолати фавти шаҳрвандон аз сирояти коронавируси нави COVID-19 дар мамлакат ба қайд гирифта шудааст.

Май 5, 2020 15:37

Хабарҳои дигари ин бахш

COVID-19: Шабонарӯзи охир дар Тоҷикистон ягон ҳодисаи нави гирифторшавӣ ба ин беморӣ ба қайд гирифта нашуд
«Sputnik»: Тоҷикистон дар Осиёи Марказӣ дар мубориза бар зидди коронавирус пешсаф гардид
Дар СУТ аниқ карданд, ки то чанд рӯз беморони COVID-19 сирояткунанда мебошанд
Шабонарӯзи охир дар Тоҷикистон ягон ҳодисаи нави гирифторшавӣ ба COVID-19 ба қайд гирифта нашуд
ТАРЗИ ҲАЁТИ СОЛИМ ГАРАВИ ХУШБАХТИИ ИНСОН АСТ. Андешаҳои Шоири халқии Тоҷикистон Камол Насрулло дар ин хусус
Шабонарӯзи охир дар Тоҷикистон ягон ҳодисаи нави гирифторшавӣ ба COVID-19 ба қайд гирифта нашуд
Шабонарӯзи охир дар Тоҷикистон ягон ҳодисаи нави гирифторшавӣ ба COVID-19 ба қайд гирифта нашуд
CУТ: вазъи COVID-19 дар соли 2021 каме идорашаванда хоҳад шуд
ХАБАРИ ХУШ! Парвозҳои мунтазам миёни Ҷумҳурии Тоҷикистон ва Ҷумҳурии Ӯзбекистон барқарор гардиданд
COVID-19. Шабонарӯзи охир дар Тоҷикистон ягон ҳодисаи нави гирифторшавии шаҳрвандон ба коронавируси нав ба қайд гирифта нашуд
Дар Тоҷикистон 99,3% гирифторони бемории COVID-19 шифо ёфтанд
COVID-19. Шабонарӯзи охир дар Тоҷикистон ягон ҳодисаи нави гирифторшавии шаҳрвандон ба коронавируси нав ба қайд гирифта нашуд