COVID-19. Шабонарӯзи гузашта дар ҷаҳон беш аз 136 ҳазор ҳолати нави сироятёбӣ аз коронавирус ошкор гардид

Июнь 12, 2020 08:33

ДУШАНБЕ, 12.06.2020 /АМИТ «Ховар»/. Дар ҷаҳон шумораи беморони гирифтори коронавирус шабонарӯзи гузашта 136 757 нафар зиёд шуда, ба 7 596 987 нафар расид. Ҳамзамон, аз ин теъдод то имрӯз 3 миллиону 841 ҳазору 493 кас шифо ёфтаанд ва 423 ҳазору 844 тан вафот кардаанд, хабар медиҳад АМИТ «Ховар» бо истинод ба маълумоти Созмони умумиҷаҳонии тандурустӣ (СУТ).

Шумораи зиёди сироятҳо дар ИМА ба қайд гирифта шуда, 2 089 701 нафарро ташкил медиҳад. Гузашта аз ин, 116 034 кас вафот  карда, 816 086 нафар беморони гирифтори COVID-19 шифо ёфтаанд.

Дар ҷои дуюм Бразилия қарор дорад, ки дар он 805 649 нафар сироят ёфта, 41 058 нафар вафот кардаанд ва 396 692 нафар табобат шудаанд.

Россия аз рӯи шумораи сироятёфтагони коронавирус дар ҷои сеюм буда, аз 502 436 нафар гирифторон 6 532 нафар вафот карданд ва 261 ҳазору 150 нафар сиҳат гардидаанд.

Шумораи мубталоёни COVID-19 дар Ҳиндустон ба 298 ҳазору 283 нафар, фавтидагон ба 8 ҳазору 501 кас ва шифоёфтагон ба 146 ҳазору 972 нафар расид.

Дар Британия 291 ҳазору 409 нафар гирифтори ин беморӣ шудаад. Аз рӯи теъдоди ҳолатҳои фавт Британия дар ҷои дуюм қарор дорад – 41 279 нафар.

Испания бо 289 ҳазору 787 сироятшуда дар ҷои шашум буда, дар он 27 ҳазору 136 нафар фавтидаанд.

Дар Италия 236 ҳазору 142 нафар аз бемории мазкур сироят ёфта, 34 167 каси онҳо вафот кардаанд ва 171 338 нафар бар он пирӯз шудаанд.

Дар Перу 214 788 нафар бемор шуда, 6 109 кас вафот кардаанд ва 102 429 нафар шифо ёфтаанд.

Дар Германия 186 795 ҳолати сироятёбӣ ошкор гардида, аз онҳо 8 851 нафар фавтидаанд ва 171 200 бемор сиҳат гардидаанд.

Дар ҷойи даҳум Эрон қарор дошта, дар он 180 156 нафар ба коронавирус гирифтор шуда, 8 584        кас вафот кардаанд ва 142 663 бемор табобат шудаанд.

Ёдовар мешавем, ки пандемия охири моҳи декабри соли 2019 дар шаҳри Вуҳани музофоти Ҳубейи Чин бо ошкор гардидани аввалин ҳолатҳои илтиҳоби шуши пайдоишаш номаълум оғоз ёфт.

31 декабри соли 2019 мақомоти Чин дар бораи ин беморӣ СУТ-ро огоҳ кард.

30 январ СУТ хуруҷи коронавируси навро ҳамчун як ҳолати фавқулодаи тандурустии ҷомеаи байналмилалӣ эътироф намуд.

11 феврали соли 2020 ин маризӣ бемории нави коронавирус (COVID-19) номида шуд.

11 марти соли 2020 СУТ эълом кард, ки ин беморӣ пандемия гардид.

Июнь 12, 2020 08:33

Хабарҳои дигари ин бахш

Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Пешвои миллат: «Боиси ифтихор аст, ки Наврӯз – калимаи асили тоҷикӣ, яъне «рӯзи нав» ҳоло барои миллионҳо аҳолии сайёра ҳамчун рӯзи ҷашни фархунда вирди забон аст»
Эмомалӣ Раҳмон: «Наврӯз аз ҷумлаи бузургтарин ва маҳбубтарин ҷашнҳои тоҷикон мебошад»
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
Президенти Тоҷикистон: «Бо назардошти шароити замона анъанаи неки гузаштагон – сарфаю сариштакориро бояд риоя намоем»
Сулаймон Талбакзода: «Дарси хештаншиносӣ ва хизмат ба халқу Ватанро аз Пешвои миллат бояд омӯзем»
Президенти Тоҷикистон: «Мушкилоти таъмини аҳолии сайёра бо озуқаворӣ моро водор менамояд, ки ҳар қитъа заминро оқилонаву самаранок истифода барем»
Пешвои миллат Эмомалӣ Раҳмон: «Ойинҳои наврӯзӣ аҳли башарро ба таҳаммулгароӣ, бунёдкориву созандагӣ ҳидоят менамоянд»
Пешвои миллат: «Дар шароити кунунӣ зарур аст, ки ба кишти такрорӣ, гирифтани се – чор ҳосил аз заминҳои обӣ эътибори аввалиндараҷа дода шавад»
Наврӯз дар баробари забони тоҷикӣ бунёди худшиносии тоҷиконро низ ташаккул додааст
Пешвои миллат Эмомалӣ Раҳмон: «Мақому ҷойгоҳи Наврӯз он қадар баланд буд, ки ҳеҷ монеа ва қуввае онро натавонист аз байн барад»