«Гиряи абру хандаи навбаҳор». «Куллиёт»-и шоир Тулқин Хоҷа аз чоп баромад

Июнь 11, 2020 17:09

ДУШАНБЕ, 11.06.2020 /АМИТ «Ховар»/.  Нашриёти «Адиб» ба тозагӣ «Куллиёт»-и  шоири зиндаёд Тӯлқин Хоҷаро  аз чоп баровард, ки фарогири мероси адабии рангину дилнавоз ва саршор аз ситоиши ёру диёр аз забони муаллиф мебошад, хабар медиҳад  АМИТ «Ховар».

«Куллиёт»-и шоирро барҳақ метавон номаи иршод номид, зеро ашъори ӯ хонандаро ба роҳи рост, ба накӯкорию зебопарастӣ, ватандӯстӣ ҳидоят мекунад. Ин китоб бо фарогирии мероси адабии рангину дилнавоз хонандаро ба шеваи олами пуршебу фароз ва доғи ҳиҷрону ҳасрату сӯзу гудоз, муҳаббату вафодорӣ ба ёру диёр, гиряи абру хандаи навбаҳор, ситоиши ҳамдиёрону соҳибдилони накӯкор ошно месозад.

Мутолиаи китоб дар дили ҳаводорони назми баланд эҳсоси меҳанпарастӣ ва худшиносии миллиро бедор месозад.

Масъули чоп шогирди муаллиф Асадулло Раҳмон ва мураттиб Сафар Амирхон мебошанд. Шоири халқии Тоҷикистон Муҳаммад Ғоиб ба ин китоби хонданию мондагор охирсухани манзум навиштааст.

Хотиррасон мешавем, ки маҷмӯаи ашъори муаллими мактаби деҳаи Пушинги ноҳияи Данғара Тӯлқин Хоҷа соли 2013 низ  бо кӯшишу эҳтимоми шогирдаш Асадулло Раҳмон дар нашриёти «Адиб» ба табъ расида буд, ки бозгӯи зиндагиномаи муаалиф аст. Дар навбати худ, зиндагиномаи шоир намунаи барҷаста ва гӯёи пайванди қавӣ ва ногусастании ду халқи бародар – тоҷику ӯзбек буда метавонад.

Тӯлқин Хоҷа фарзанди миллати ӯзбек буд, вале дар мактаби деҳа (мактаби №5-и ноҳияи Данғара)  аз забону адабиёти тоҷик дарс мегуфт ва шеърҳояшро низ ба забони тоҷикӣ иншо намудааст. Ва шеърҳои хуб навиштааст. Устоди  сухан Бозор Собир дар як суҳбат бо мо гуфта буд: «Шеърҳои Тӯлқин Хоҷа намунаи беҳтарини ашъори шоирони маҳаллии мост».

                                                                             Мансур СУРУШ,
                                                                            Тағойназари БАҚО,
                                                                                        АМИТ «Ховар»

Июнь 11, 2020 17:09

Хабарҳои дигари ин бахш

ЭЪЛОН: «ВАССОФИ ВАТАН». Барои рӯзноманигорон ва корбарони саҳифаҳои иҷтимоии шабакаҳои интернетӣ фестивал-озмун баргузор мешавад
Тандиси биринҷии чеҳраи Президенти Тоҷикистон ба Осорхонаи миллӣ супорида шуд
АЗ НАВРӮЗ ТО НАВРӮЗ. Дар Донишкадаи давлатии санъати тасвирӣ ва дизайни Тоҷикистон фестивали муд баргузор мегардад
ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад