Кишоварзони Тоҷикобод дар мавзеъҳои баландкӯҳи Себистон картошка мекоранд
ДУШАНБЕ, 02.05.2020 /АМИТ «Ховар»/. Дар ин рӯзҳо дар ҳудуди Ҷамоати деҳоти Ширинчашмаи ноҳияи Тоҷикобод- дар мавзеи баландкӯҳи Себистон деҳқонон ба кишти картошка сар кардаанд. Мавзеи мазкур аз сатҳи баҳр дар баландии 1800 метр ҷойгир буда, мавсими кишти картошка дар он нисбат ба заминҳои поёноб дертар оғоз меёбад.
Тавре масъулини шуъбаи кишоварзии ноҳияи Тоҷикобод ба хабарнигори минтақавии АМИТ «Ховар» хабар доданд, дар ин мавзеъ аз ҳисоби заминҳои чарогоҳ ва аз гардиши кишоварзӣ берунмонда майдони кишти картошка васеъ карда мешавад.
Тибқи тавсияи мутахассисон ва таҷрибаи деҳқонон, картошка дар доманакӯҳҳои ноҳия нисбатан ҳосили фаровон медиҳад, аз ин рӯ аз ҳисоби заминҳои баландкӯҳи Себистон бо истифода аз тухмиҳои хушсифати маҳаллӣ картошка кишт карда мешавад.
Соли равон нақшаи кишти картошка дар ҳудуди ҷамоатҳои ноҳия дар заминҳои хоҷагиҳои деҳқонии коллективӣ ва деҳқонии инфиродӣ 1008 гектарро ташкил дода, то имрӯз 47 фоиз иҷро гардидааст. Дар заминҳои наздиҳавлигии сокинони 5 ҷамоати ноҳия нақшаи кишти картошка 1078 гектарро ташкил дода, то имрӯз 57 фоиз иҷро гардидааст.
Бо супориши раиси ноҳияи Тоҷикобод Қадриддин Фақерзода ҷиҳати сари вақт таъмин намудани хоҷагиҳо бо оби полезӣ техникаҳо барои тоза намудани каналҳои обёрикунанда сафарбар гардида, мардум бо истифода аз трактор ва дигар техникаҳои кишоварзӣ ба шудгори замин ва кишти картошка дар доманакӯҳҳо оғоз намудаанд. Кишоварзони ноҳияи Тоҷикобод аз рӯзҳои офтобӣ самаранок истифода намуда, кӯшиш доранд дар муддати 10 рӯз дар заминҳои обии доманакӯҳ пурра картошка коранд.
ЭНЕРГИЯИ «САБЗ». Дар Тоҷикистон нахустин лоиҳаи неругоҳи офтобӣ бо иқтидори 500 МВт татбиқ карда мешавад
Байни Кумитаи ҳифзи муҳити зист ва UNDP оид ба коҳиш додани истифодаи гидрофторкарбонҳо созишнома ба имзо расид
Аз 1 январ раёсат дар Шуро оид ба авиатсия ва истифодаи фазои ҳавоии ИДМ ба Тоҷикистон гузашт
Дар «Саноатсодиротбонк» оид ба нуктаҳои Паёми Президенти Тоҷикистон ба Маҷлиси Олӣ ҳамоиш доир шуд
Ҳаҷми истеҳсоли маҳсулоти саноатӣ дар Минтақаи озоди иқтисодии «Панҷ» ба 17 миллион сомонӣ баробар гардид
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
