Миннатдории соҳибкорон ва аъзои Палатаи савдо ва саноат аз иқдоми навбатии Пешвои миллат
ДУШАНБЕ, 10.06.2020 /АМИТ «Ховар»/. Соҳибкорони ҷумҳурӣ, бизнес ассотсиатсияҳо ва аъзоёни Палатаи савдо ва саноати мамлакат ба Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати пешбинӣ намудани имтиёзҳои гуногун вобаста ба муомилоти бонкӣ, андозу боҷҳои давлатӣ миннатдории худро мерасонанд. Номаи расмии онҳо дар ин хусус ба АМИТ «Ховар» ворид гардид.
Ёдовар мешавем, ки 5 июн Фармони Президенти Ҷумҳурии Тоҷикистон «Дар бораи пешгирии таъсири бемории сироятии СOVID-19 ба соҳаҳои иҷтимоию иқтисодии Ҷумҳурии Тоҷикистон» ба тасвиб расид.
Тибқи фармони мазкур, аз 1 май то 1 августи соли 2020 субъектҳои соҳибкории хурду миёна, ки бо сабаби паҳншавии бемории сироятии СOVID-19 пурра аз фаъолият бозмондаанд, аз пардохти маблағи иҷораи моликияти давлатӣ озод карда мешаванд.
Аз 1 апрел то 1 сентябри соли 2020 ба иншоотҳои соҳаи сайёҳӣ, меҳмонхонаҳо, ташкилотҳои хӯроки умумӣ, марказҳои саломатию варзишӣ, осоишгоҳҳо, ҳамлу нақли мусофиркашонии байналмилалӣ ва аэронавигатсия таътили пардохтҳои андозӣ пешбинӣ гардида, ҳисобкунии фоизҳо барои сари вақт пардохт нагардидани андозҳо барои ҳамин давра манъ карда шуд.
Инчунин, аз 1 май то 1 сентябри соли 2020 барои субъектҳои хоҷагидорие, ки дар муҳлати муқарраршуда андози иҷтимоиро пардохт накардаанд, аз ҷавобгарии андозӣ озод карда шуданд.
«Ташшабуси навбатии Пешвои миллат вобаста ба пешгирии таъсири бемории сироятии COVID-19 ба соҳаҳои иҷтимоию иқтисодии мамлакат ва дар заминаи он, дастгирии бахши хусусӣ, соҳибкорони хурду миёна, бахшҳои осебпазир аз қабили сайёҳӣ, меҳмонхонаҳо, ташкилотҳои хӯроки умумӣ ва осоишгоҳҳо муҳим арзёбӣ мешавад», — омадааст дар номаи миннатдории соҳибкорон, бизнес ассосиатсияҳо ва аъзоёни Палатаи савдо ва саноат.
Зикр шудааст, ки иқдоми навбатии Сарвари давлат ба соҳибкорон ва шаҳрвандони ҷумҳурӣ руҳияи нав бахшида, барои пешрафти фаъолияти субъектҳои соҳибкории хурду миёна ва дигар самтҳои осебпазир ниҳоят муҳим мебошад ва он дар навбати худ ба рушди минбаъдаи иқтисодиёт ва иҷтимоиёти Тоҷикистон таъсири мусбӣ мерасонад.
ДАР АКС: як гурӯҳ ғолибони озмуни соҳибкорони муваффақи Тоҷикистон. Акс аз бойгонии АМИТ«Ховар»
Дар шаҳри Даҳва ҷалби маблағгузории Қатарӣ барои татбиқи лоиҳаҳои афзалиятноки Тоҷикистон баррасӣ гардид
Дар Кумитаи ҳифзи муҳити зист Рӯзи Конститутсияи Тоҷикистонро бо тантана ҷашн гирифтанд
Кишоварзони вилояти Хатлон нақшаи ҷамъоварии ҳосили пахтаро пурра иҷро намуданд
Шурои машваратии Комиссияи байнидавлатӣ оид ба рушди устувори Фонди байналмилалии наҷоти Арал баргузор гардид
Ҳаҷми маблағгузории иқлимӣ барои кишварҳои дар ҳоли рушд ҷиҳати татбиқи 22 лоиҳа тасдиқ гардид
Дар Суғд ба 60 нафар занони ҳунарманд гранти Раиси вилоят супорида шуд
Тоҷикистон ва Қатар роҳҳои густариши ҳамкорӣ дар соҳаи авиатсияи гражданиро баррасӣ карданд
Дар Тоҷикистон тайи ду даҳсолаи охир беш аз чор миллион ҷойи кор таъсис ва барқарор гардидааст
Дар Душанбе Муколамаи минтақавии кишварҳои Осиёи Марказӣ таҳти унвони «80 миллион нафар, 5 кишвар, 1 овоз» доир гардид
Дар Форуми байналмилалии «Хатлон инвест-2025» байни ширкату корхонаҳои истеҳсолию саноатӣ санадҳои нави ҳамкорӣ ба имзо мерасанд
Ҳайати Тоҷикистон дар ҷаласаи умумии солонаи аъзоёни Шабакаи байниидоравии Камден иштирок намуд
БАРНОМАИ КАБУДИРЗОРКУНӢ. Дар доираи ин барнома дар Тоҷикистон ҳудуди ду миллиард дарахт шинонида мешавад
