Шаҳрвандони Тоҷикистон, ки дар сарҳади Қазоқистон бо Ӯзбекистон дармондаанд, бо ғизо ва ҷойи хоб таъмин мешаванд

Июнь 6, 2020 09:35

ДУШАНБЕ, 05.06.2020 /АМИТ «Ховар»/. 2 июни соли ҷорӣ 237 шаҳрванди Ҷумҳурии Тоҷикистон аз гузаргоҳи «Жибек Жоли»-и байни сарҳади давлатии Ҷумҳурии Қазоқистон ва Ҷумҳурии Ӯзбекистон дар ҳамоҳангӣ бо мақомоти ду кишвари мазкур ва мусоидати сохторҳои дахлдори Тоҷикистон ба Ватан баргардонида шуданд.

Тавре АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад, тибқи маълумоти расида, имрӯзҳо гурӯҳи дигари шаҳрвандони Ҷумҳурии Тоҷикистон (беш аз 30 нафар), ки нияти бозгашт ба Ватанро доранд, бино бар баста будани марзҳои давлатӣ дар назди гузаргоҳи номбурда ҷамъ омадаанд. Чунин ҳолат боис мегардад, ки то гирифтани иҷозати убури сарҳад аз мақомоти дахлдори Қазоқистон ва Ӯзбекистон мардуми дар марз дармонда сарсону саргардон шаванд.

«Намояндагиҳои дипломатӣ ва консулии Ҷумҳурии Тоҷикистон дар Ҷумҳурии Қазоқистон дар ҳамкорӣ бо ҷамъияти тоҷикони муқими он кишвар бо истифода аз имкониятҳои мавҷуда ба шаҳрвандони дар минтақаи марзӣ дармонда ҷиҳати таъмини онҳо бо ғизо ва ҷойи хоб мусоидат менамоянд»,- таъкид намуданд дар Вазорати корҳои хориҷии Ҷумҳурии Тоҷикистон.

Таъкид бояд кард, ки аз 16 марти 2020 бино бар эълон гардидани вазъияти фавқулода дар Қазоқистон ва ҷорӣ шудани чораҳои маҳдудкунанда дар Ӯзбекистон бар асари ҳамагирии COVID-19, барои ворид шудан ба хоки он ду кишвар маҳдудиятҳо ҷорӣ шудаанд.

Вазорати корҳои хориҷии Ҷумҳурии Тоҷикистон, ба ҳамватанон тавсия медиҳад, ки то ба эътидол омадани вазъи эпидемиологӣ дар минтақа аз сафар ба Қазоқистон ва Ӯзбекистон ва убури транзитӣ аз он ду кишвар худдорӣ намоянд.

Июнь 6, 2020 09:35

Хабарҳои дигари ин бахш

Фарҳод Раҳимӣ ҳамлаи таҷовузкоронаи Қирғизистонро ба шеваи таҳоҷуми гурӯҳҳои террористии байналмилалие, чун «Ал-Қоида»* ва «ДОИШ»* шабоҳат дод
ҲАМЛАИ ТАҶОВУЗКОРОНАИ ҚИРҒИЗИСТОН. Тибқи қисми 2-и моддаи 11-и Конститутсияи Ҷумҳурии Тоҷикистон ташвиқоти ҷанг манъ аст
БА ОСИЁБИ ДУШМАНОНИ МИЛЛАТ ОБ НАРЕЗЕД! Изҳороти Мақомоти иҷроияи ҳокимияти давлатии вилояти Суғд ба гузориши иғвоангези Радиои «Озодӣ»
НЕК АНДЕША КУНЕД! Муроҷиат ба мардуми Қирғизистон
Кумакҳои моддии Пешвои миллат ба оилаҳои аз низоъҳои наздисарҳадӣ зарардидаи вилояти Суғд дастрас гардиданд
ҲАМЛАИ ТАҶОВУЗКОРОНАИ ҚИРҒИЗИСТОН. Найранг ва иғвоангезии Садир Жапаров дар иҷлоси 77-уми Маҷмаи Умумии СММ
ҲАМЛАИ ТАҶОВУЗКОРОНАИ ҚИРҒИЗИСТОН. Муовини Раиси ноҳияи Мурғоб Абдулқаюм Мурзамат мегӯяд «бо паҳн кардани маълумоти бардурӯғ дар шабакаҳои иҷтимоӣ душманони ду миллат мехоҳанд вазъро нооромтар созанд»
«ЧУН ТЕҒ БА ДАСТ ОРӢ, МАРДУМ НАТАВОН КУШТ…». Имрӯз дар Тоҷикистон Рӯзи Рӯдакӣ таҷлил мешавад
«СУХАНРОНИИ ЖАПАРОВ МЕТАВОНАД САБАБИ БАДТАР ШУДАНИ ВАЗЪИ АМНИЯТ ДАР ОСИЁИ МАРКАЗӢ ГАРДАД». Чунин мешуморад сиёсатшиноси мустақил, номзади илмҳои сиёсӣ Шералӣ Ризоён
П Р О Т О К О Л. Тоҷикистон ва Қирғизистон санад дар бораи баргардонидани қувваҳои иловагӣ ва техникаҳои ҳарбиро ба маҳалли доимиашон имзо намуданд
Маркази ҷумҳуриявии илмии хун: Барои тамоми ҳолатҳои фаврӣ хуни кофӣ мавҷуд аст
ҲАМЛАИ ТАҶОВУЗКОРОНАИ ҚИРҒИЗИСТОН. Ваколатдор оид ба ҳуқуқи инсон дар Тоҷикистон Умед Бобозода даъват кард, ки ба ҳодисаҳои охир бо чашми ҳақиқат ва аз рӯи воқеият баҳо дода шавад