СУТ: Анқариб ба се ваксини COVID-19 иҷозаи оғози марҳилаи ниҳоии озмоишҳои клиникӣ дода хоҳад шуд
ДУШАНБЕ, 19.06.2020 /АМИТ «Ховар»/. Дар айни замон олимони тамоми ҷаҳон озмоишҳои клиникии тақрибан 300 ваксинаро гузаронида истодаанд, ки аз он ҷумла, сетои онҳо марҳилаҳои аввали таҳқиқотро бомуваффақият гузаштаанд ва мумкин аст, ки дар ояндаи наздик ба марҳилаи ниҳоии озмоиш роҳ ёбанд. Чуноне ки АМИТ «Ховар» бо истинод аз Хадамоти ахбори СММ хабар медиҳад, дар ин хусус корманди пешбари илмии СУТ Суми Сваминатан дирӯз, 18 июн зимни брифинг дар Женева иттилоъ дод. Вай иброз намуд:
«Мо ба марҳилаи нав, яъне сеюми санҷиши ваксин шурӯъ мекунем. Пас аз хатми он, мо метавонем аниқ бигӯем, ки ваксин то чӣ андоза муассир ва безарар аст.» Вай гуфт, ки аз натиҷаҳои санҷиш хушбин аст, вале ҳушдор дод, ки ин раванди хеле мураккаб аст ва ҳоло пурра ба муваффақияти боварӣ доштан ғайри имкон аст. «Хабари хуш ин аст, ки мо якчанд ваксинаи номзад дорем», — илова намуд ӯ. Агар яке аз онҳо ҳама санҷишҳоро бомуваффақият гузарад, пас то охири соли равон дар бозор садҳо миллион вояи як ё якчанд ваксина пайдо хоҳад шуд.
Эҳтимолан боз миллиардҳо воя дар соли 2021 таҳия мешавад. Ва ин ҷо дар назди ҷомеаи ҷаҳонӣ саволе ба миён меояд, ки чӣ бояд кард, ки тамоми эҳтиёҷмандон эм карда шаванд.
«Мо замоне ба ин кор муваффақ мешавем, ки ҳамаи кишварҳо муттаҳид шаванд», — қайд намуд намояндаи СУТ.
“Биёед тасаввур кунем, ки дар охири сол мо панҷоҳ ё сад миллион воя хоҳем дошт. Онҳо чӣ гуна бояд тақсим шаванд? Оё одилона аст, агар кишварҳое, ки коркарди ваксинаҳоро сармоягузорӣ намудаанд ва ё қобилияти харидории онҳоро доранд, ба эмкунии аҳолии худ шурӯъ намоянд”? – пурсид ӯ.
СУТ пешниҳод мекунад, ки бояд гурӯҳҳои афзалиятнок муайян карда шаванд. «Инҳо одамоне мебошанд, ки дар сафи пеши мубориза алайҳи пандемия қарор доранд — ронандагони автомашинаҳои ёрии таъҷилӣ, аъзоёни бригадаҳои кумаки таъҷилии тиббӣ ва дигар табибон» — қайд кард Сумяв Сваминатан.
«Инчунин кормандони политсия, мағозаҳои хӯрокворӣ ва беҳдоштӣ — ҳамаи онҳое, ки бештар ба хатар мувоҷеҳ мебошанд. СУТ ба ин назар аст, ки пиронсолон ва инчунин ашхосе, ки гирифтори касалиҳои фишорбаландӣ, диабет ва дементсия мебошанд бояд дар қатори аввалинҳо эм карда шаванд. Сваминатан аз хуруҷи марговари COVID-19 дар маҳбасҳо, хонаҳои пиронсолон ва дар байни сокинони маҳаллаҳои камбизоатон ёдовар шуд. СУТ боварӣ дорад, ки ин гурӯҳҳои аҳолӣ низ бояд ба рӯйхати афзалиятҳо шомил карда шаванд.
ДАР АКС: беморони гирифтори COVID-19 дар яке аз беморхонаҳои Мадрид, Испания АКСИ Л.Изгердо
ШАРИКИИ СТРАТЕГӢ ТАҚВИЯТ МЕЁБАД. Яке аз самтҳои муҳиму афзалиятноки сиёсати хориҷии Тоҷикистонро ҳамсоягии нек бо давлатҳои минтақа ташкил медиҳад
Шавкат Мирзиёев: «Узбекистон минбаъд низ кӯшишҳои самимонаи мардуми шарафманд ва меҳнатдӯсти тоҷикро дастгирӣ менамояд»
Шавкат Мирзиёев: «Узбекистон минбаъд низ дар паҳлуи Тоҷикистон меистад»
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
ХАЙРУ САДАҚОТ – СУННАТИ НЕК. Андешаҳои вакили Маҷлиси намояндагон Файзулло Баротзода дар ин мавзуъ
Эмомалӣ Раҳмон: «Ба ҷойи намоишкориву исрофкорӣ мо бояд кӯшиш кунем, ки барои таълиму тарбияи фарзандонамон шароити беҳтарин муҳайё созем»
Сарвари давлат сокинони Тоҷикистонро ба роҳ надодан ба зиёдаравию исрофкорӣ ва намоишкориву риёкорӣ даъват намуданд
Эмомалӣ Раҳмон: «Анҷом додани хайру садақот ва саховат кардан анъана ва суннати нек мебошад»
МУҲАББАТ БА ВАТАН АЗ ИМОН АСТ. Андешаҳои раиси Шурои уламои Маркази исломии Ҷумҳурии Тоҷикистон Саидмукаррам Абдулқодирзода
МАЪРИФАТИ ҲУҚУҚӢ-МАСЪАЛАИ МУҲИМИ ЗАМОНИ МУОСИР. Андешаҳои профессор Махфират Хидирзода дар ин мавзуъ
