Гурӯҳи табибони Полша барои табодули таҷриба баҳри ташхису табобати COVID-19 ба шаҳри Хоруғ сафар карданд
ДУШАНБЕ, 12.06.2020 /АМИТ «Ховар»/. Гурӯҳи табибони Полша, ки дар ташхису табобати бемории COVID-19 таҷрибаи зиёд доранд, ба шаҳри Хоруғ сафар намуда, аз ҳолати беморони гирифтори ин навъи вирус шинос шуданд.
Тавре хабарнигори минтақавии АМИТ «Ховар» иттилоъ дод, ба зикри сардухтури беморхонаи Вилояти Мухтори Кӯҳистони Бадахшон Саидбек Давлатбеков табибони Полша асосан дар ташхису табобати бемороне, ки вазъи саломатиашон хуб нест, ба ҳамтоёни тоҷики худ кумак мерасонанд. Онҳо дорои таҷрибаи беҳтар буда, дар ихтиёри худ озмоишгоҳҳои муосири сайёр низ доранд.
«Аз рӯзҳои аввали пайдоиши бемории сироятии COVID-19 дар Тоҷикистон. дар вилоят то ба имрӯз 940 нафар бо аломатҳои ин беморӣ бистарӣ шуда, имрӯз аксари онҳо пас аз шифо ёфтан ба хонаҳояшон баргаштанд ва 115 нафар зер назорати табибон мебошанд. Муҳим он аст, ки беморон ва табибон ба ҳамдигар боварӣ ҳосил намуданд. Ҳоло ки табибони хориҷӣ дар ин ҷо қарор доранд, бо боварӣ метавонам гӯям, ки пас аз мубодилаи таҷриба дониши назариявию амалии табибони тоҷик боз ҳам хубтар мегардад»,- гуфт Саидбек Давлатбеков.
Ҳамчунин табиби полякӣ Анна Беномбекова баён дошт, ки дар баробари ташхису табобати беморон, мо инчунин ба табибон, ки дар баробари ин беморӣ хеле осебпазиранд, чораҳои муассири муҳофизатиро меомӯзем. Зеро дар аввали хурӯҷи беморӣ дар дунё аз ҳама бештар табибон осеб диданд. Ҳамзамон мо таҷрибаи табибони тоҷикро меомӯзем ва дар оянда ҳангоми сафар ба дигар минтақаи ҷаҳон аз он истифода хоҳем бурд.
Эмомалӣ Раҳмон: «Қаҳрамонони сулҳу субот ва ваҳдати миллӣ танҳо мардуми шарифу сарбаланди Тоҷикистон мебошанд»
10 АМАЛИ ЗАМИНАСОЗИ СУЛҲУ ВАҲДАТ. Ба истиқболи 28-солагии Рӯзи Ваҳдати миллӣ
ВАҲДАТИ МИЛЛӢ – КАФОЛАТИ ПОЙДОРИИ ДАВЛАТ. Мулоҳизаҳои Прокурори генералии Ҷумҳурии Тоҷикистон дар ин мавзуъ
Эмомалӣ Раҳмон ва Си Ҷинпин оғози парвозҳои мустақими мусофирбарӣ байни Душанбе ва Пекинро рӯйдоди муҳим номиданд
Ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Каролин Глейч: «Тоҷикистон сарзамине бо табиати нотакрор аст ва мебояд, ин зебоиро ба тамоми ҷаҳон нишон дод!»
Кирти Вардхан Сингҳ: «Ҳифзи пиряхҳо ҳамбастагӣ, ҳамкории байналмилалӣ ва фаҳмиши муштараки илмиро талаб мекунад»
Кэтрин Рассел, директори иҷроияи ЮНИСЕФ: «Мо мехоҳем, ки садои кӯдакон ва ҷавонон дар сиёсати иқлимӣ шунида шавад»
Ясмин Сиддиқӣ: «Обшавии пиряхҳо танҳо як мушкили муҳити зист нест, ин буҳрони об, ғизо ва рӯзгор аст»
Қоҳир Расулзода Конфронси байналмилалии сатҳи баланд оид ба ҳифзи пиряхҳоро натиҷагирӣ намуд
Шамс Аббосӣ: «Таҳти роҳбарии Эмомалӣ Раҳмон мардуми тоҷик дар самти мубориза бо тағйирёбии иқлим ва пешбурди донишҳои экологӣ қадамҳои бузург мегузоранд»
Султон Ҷамшед: «ВАО-и Тоҷикистон дар инъикоси кори конфронси сатҳи баланд муваффақ буд»
