Вазорати тандурустӣ ва ҳифзи иҷтимоии аҳолӣ ба беморхонаҳои Бадахшон лавозимоти тиббӣ ирсол намуд
ДУШАНБЕ, 08.06.2020 /АМИТ «Ховар»/. Бо мақсади пешгирӣ аз паҳншавии бемории COVID-19 Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба беморхонаҳои шаҳру ноҳияҳои вилояти Мухтори Кӯҳистони Бадахшон маводи доруворӣ, либосҳои махсуси муҳофизатӣ, ҳароратсанҷҳои фосилавӣ дастрас намуд.
Тавре муовини сардори Раёсати тандурустии вилояти Мухтори Кӯҳистони Бадахшон Нуралӣ Додалиев ба хабарнигори АМИТ “Ховар” гуфт, аз рӯзҳои аввали ошкор гардидани ин бемории сироятӣ мутахассисони Вазорати тандурустӣ ва ҳифзи иҷтимоии аҳолии ҷумҳурӣ ҳамеша бо мо дар робита буда, ҳамарӯза дар якҷоягӣ вазъиятро таҳлил мекунем. Дар таъмини доруворӣ ё лавозимоти дигари тиббӣ ҳамеша дастгирии Ҳукумати ҷумҳурӣ эҳсос карда мешавад. Ин бор барои табибони беморхонаҳои шаҳру ноҳияҳои вилоят, ки шабу рӯз дар канори беморон қарор доранд беш аз 600 дона либосҳои махсуси муҳофизатӣ, 19 ҳазор ниқобҳои яккаратаву бисёркарата, 16 ҳазор дона айнакҳои муҳофизатӣ ва 80 дона ҳароратсанҷҳои фосилавиро дастрас карда шуд. Маблағи умумии ин кумакҳо беш аз 330 ҳазор сомониро ташкил медиҳад.
Ба гуфтаи муовини сардори Раёсати тандурустии вилоят дар баробари кумаки моддӣ табибонро аз ҷиҳати маънавӣ низ дастгирӣ мекунанд. Пас аз ҳар як ҳафта бо кумаку дастгирии раиси вилоят гурӯҳи табибоне, ки ба мулоҷиаи бемориҳои сироятӣ машғуланд, барои истироҳату дамгирӣ ба шифохонаҳои Гармчашма, Ҷелондеҳ фиристода мешаванд.
Ҳамчунин муовини сардори Раёсати тандурустии вилоят аз кумакҳои пайвастаи кормандони Раёсати Вазорати корҳои дохилии вилояти Мухтори Кӯҳистони Бадахшон барои пешгирӣ аз бемориҳои сироятӣ изҳори сипос карда, зикр намуд, ки ҳамарӯза кормандони ин ниҳоди давлатӣ кучаву хиёбонҳо, биноҳои маъмурию маишӣ ва истиқоматии сокинони шаҳру деҳотро бо истифода аз мошинҳои хадамоти оташнишонӣ безарар мегардонанд. Табибон пайваста аз тариқи расонаҳои хабарии маҳалӣ ва дар суҳбатҳои инфиродӣ ба аҳолӣ роҳҳои пешгирӣ аз ин бемориро шарҳу тавзеҳ медиҳанд, зеро ин яке аз роҳҳои беҳтарини аз байн бурдани бемории COVID-19 аст.
Раиси вилоят Ёдгор Файзов зимни боздид аз беморхонаи вилоятӣ ба ҳукумати кишвар барои аз ҷиҳати моддию маънавӣ дастгирӣ намудани беморхонаҳои вилоят ва ба ҳамаи табибону ҳамшираҳои шавқат барои хизмати содиқонаву мунсифона изҳори сипос кард ва афзуд, ки пас аз байн бурдани ин бемории сироятӣ бинои ҳамаи шӯъбаҳои беморхонаи вилоятӣ ба таври комил мавриди таъмиру азнавсозӣ қарор хоҳад гирифт.
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн
Соли 2027 дар Тоҷикистон Конфронси байналмилалӣ доир ба Даҳсолаи байналмилалӣ оид ба таҳкими сулҳ барои наслҳои оянда баргузор мешавад
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
