ВКД ҶТ ХАБАР МЕДИҲАД: Ҷинояткорон бе ҷазо намонданд

Июнь 29, 2020 20:01

ДУШАНБЕ, 29.06.2020 /АМИТ «Ховар»/. Ҷиҳати таъмини волоияти қонун, пешгирии қочоқ ва муомилоти ғайриқонунии маводи мухаддир аз тарафи мақомоти ҳифзи ҳуқуқ санаи 01-уми майи соли ҷорӣ қочоқчии ашаддии маводи мухаддир Қобилов Шароф Қамурович, санаи таваллудаш 20-уми ноябри соли 1976, зода ва истиқоматкунандаи ноҳияи Рӯшон, ҷамоати деҳоти Назаршо Додхудоев, деҳаи Баррӯшон, муваққатан бекор, оиладор, соҳиби 1 фарзанд, қаблан суд шудааст ва ҷинояткори махсусан хавфнок Гадомамадов Фирдавс Ёрмамадович, санаи таваллудаш 24-уми декабри соли 1976, зода ва истиқоматкунандаи ноҳияи Рӯшон, ҷамоати деҳоти Назаршо Додхудоев, деҳаи Баррӯшон, муваққатан бекор, ду маротиба суд шудааст, дастгир карда шуданд, хабар медиҳад АМИТ «Ховар» бо истинод ба маркази матбуоти ВКД ҶТ.

Аз ҷониби Раёсати КДАМ ҶТ дар ВМКБ нисбати Қобилов Шароф Қамурович бо моддаҳои 200, қ. 3 банди «г», 289, қ. 3, 328, қ. 2 ва 335 иловаи 1-и қ. 2 банди «д» ва нисбати нисбати Гадомамадов Фирдавс Ёрмамадович бо моддаҳои 200, қ. 3 банди «г» ва 289, қ. 3 КҶ ҶТ парвандаи ҷиноятӣ оғоз гардида, барои моҳиятан баррасӣ гардидан ба Суди ВМКБ ирсол карда шуд.

Дар ин замина, як гурӯҳ ҷавонони ноогоҳу гумроҳ ва бо ГМҶ алоқаманди ноҳия ҷиҳати дастгирии қочоқчиёни воситаҳои нашъадор барои пешбурди фаъолияти хизматии кормандони мақомоти ҳифзи ҳуқуқи ноҳияи Рӯшон монеагӣ эҷод намуданд, ҳамзамон тартиботи ҷамъиятиро вайрон ва осудагии одамонро халалдор карда, ба майдаавбошӣ даст задаанд.

Баҳри ҳифзи тартиботи ҷамъиятӣ ва риояи қонуният 19 июни соли ҷорӣ нисбати Ғуломайдаров Ёдгор Мамадбекович, соли таваллудаш 1976, зода ва истиқоматкунандаи деҳаи Дерзуди ҷамоати Назаршо Додхудоеви ноҳияи Рӯшон, муҷаррад, бекор, Мавлододов Ҳабиб Федкаевич, соли таваллудаш 1987, зода ва истиқоматкунандаи деҳаи Дерзуди ҷамоати Назаршо Додхудоеви ноҳияи Рӯшон, оиладор, соҳиби 2 фарзанд, бекор ва Бахтибеков Илчибек Рамазонович, соли таваллудаш 1965, зода ва истиқоматкунандаи кӯчаи Х. Шодмонов, ҷамоати деҳоти Рӯшони ноҳияи Рӯшон, оиладор, соҳиби 2 фарзанд, нафақахӯр, протоколҳои дахлдор тартиб дода шуда, дар асоси қарори Суди ноҳияи Рӯшон барои содир намудани ҳуқуқвайронкунии маъмурӣ бо моддаи 460-и Кодекси ҳуқуқвайронкунии маъмурии Ҷумҳурии Тоҷикистон ба ҳабси маъмурӣ гирифта шуданд.

Ҳамчунин, барои вайрон намудани талаботи моддаи 460 Кодекси ҳуқуқвайронкунии маъмурии ҶТ сокинони ноҳияи Рӯшон Ғарибшоев Ғарибшо Амиршоевич, соли таваллудаш 1984, истиқоматкунандаи деҳаи Вамар, Бодуров Дарзу Меҳмонович, соли таваллудаш 1987, истиқоматкунандаи деҳаи Дерзуд, Хушназаров Азамат Ақназарович, соли таваллудаш 1991, истиқоматкунандаи деҳаи Баррӯшон, Мазабшоев Муҳаммад Худоёрович, соли таваллудаш 1991, сокини деҳаи Дерзуд, Фародбеков Аъзамҷон Ширинбекович, соли таваллудаш 1977, истиқоматкунандаи деҳаи Баррӯшон, ҳар кадом ба маблағи 406 сомонӣ ҷарима карда шуданд. Номбурдагон ба амалҳои ғайриқонунии худ иқрор шуда, изҳори пушаймонӣ карданд.

Ёдрас менамоем, зарарҳое, ки аз чониби чинояткорон расонида шуда буданд, аз ҷониби худи онҳо пурра барқарор карда шуданд.

Июнь 29, 2020 20:01

Хабарҳои дигари ин бахш

ДАЪВАТИ ТИРАМОҲӢ. Аввалин гурӯҳи ҷавонони шаҳри Панҷакент ба хизмати Ватан раҳсипор шуданд
ДАЪВАТИ ТИРАМОҲӢ. 60 нафар ҷавонони Файзобод ба сафи муҳофизони Артиши миллӣ пайвастанд
Теъдоди осебдидагон дар заминларзаи Эрон аз 500 нафар гузашт
ДАЪВАТИ ТИРАМОҲӢ. Латиф Холиқов, падари наваскар: «Ифтихор мекунам, ки фарзандонам ба сафи муҳофизони Ватан пайвастаанд»
ИМРӮЗ- РӮЗИ ТАЪСИСИ ВОҲИДҲОИ ОПЕРАТИВӢ. 90% ҷиноятҳо аз ҷониби кормандони сохтори фаврӣ ошкор карда мешаванд
СММ дар бораи кушта шудани беш аз 40 нафар дар таркиши Кобул хабар дод
ДАЪВАТИ ТИРАМОҲӢ. Дар Истаравшан ба 10 нафар наваскарони фаъол дар вазъияти тантанавӣ шаҳодатномаҳои ронандагӣ супорида шуданд
ДАЪВАТИ ТИРАМОҲӢ. Ҷавонони Шаҳринав бо дуои неки модарон ба сафи Артиши миллӣ сафарбар шуданд
ДАЪВАТИ ТИРАМОҲӢ. Шаҳру ноҳияҳои Данғара, Вахш, Фархор ва Норак аввалин шуда, ин маъракаи сиёсиро ба анҷом расониданд
ДАЪВАТИ ТИРАМОҲӢ. 100 нафар ҷавонони шарафманди ноҳияи Ашт ба сафи Қувваҳои мусаллаҳи Тоҷикистон шомил шуданд
ДАЪВАТИ ТИРАМОҲӢ. Дар Ҳисор маросими гусели наваскарон ба сафи Артиши миллӣ бошукӯҳ таҷлил гардид
ДАЪВАТИ ТИРАМОҲӢ. Наваскарони шаҳри Кӯлобро бо иҷрои маросими мардумии «Нонгазон» ба хизмати содиқона гусел намуданд

Хабарҳои муҳимтарин