БА ТАВАҶҶУҲИ МУСОФИРОН! Тоҷикистон парвозҳои байналмилалиро ба Аморати Муттаҳидаи Араб барқарор мекунад
ДУШАНБЕ, 17.07.2020. /АМИТ «Ховар»/. Парвозҳои байналмилалии мунтазам байни Ҷумҳурии Тоҷикистон ва Аморати Муттаҳидаи Араб аз 21 июли соли 2020 барқарор карда мешаванд, хабар медиҳад АМИТ «Ховар» бо истинод ба Агентии авиатсияи граждании назди Ҳукумати Ҷумҳурии Тоҷикистон.
Ҷиҳати пешгирии паҳншавии бемории сироятии коронавируси COVID-19 аксари давлатҳои дунё парвозҳои байналмилалии мунтазамро ба ва аз кишварҳои худ манъ карданд.
Дар Ҷумҳурии Тоҷикистон низ бо мақсади пешгирии паҳншавии бемории сироятии коронавируси COVID-19 ва таъмини амнияти саломатии шаҳрвандони кишвар аз 20 марти соли 2020 парвозҳои байналмилалии мунтазам аз ва ба Тоҷикистон муваққатан то ба эътидол омадани вазъият манъ карда шуда буданд.
Таҳти роҳбарӣ ва назорати бевоситаи Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати пешгирии паҳншавии бемории сироятии коронавируси COVID-19 чораҳои дахлдор андешида шуданд. Ба аҳолии кишвар мунтазам кумакҳои мақсаднок ва суроғавӣ расонда, табобатхонаҳо бо маводи лозимаи тиббӣ, доруворӣ ва хӯрока таъмин гардиданд, сатҳу сифати хизматрасонӣ ба беморон баланд бардошта шуд. Ҳамчунин шароити мусоиди хизматрасонӣ ба гирифторони ин беморӣ ва тақвият бахшидани тадбирҳои санитарию гигиенӣ миёни аҳолӣ ва марказҳои хизматрасонӣ таъмин гардид. Ҳамаи ин чораҳои андешидашуда натиҷаҳои назаррас ба бор оварда, хуруҷи ин беморӣ ба эътидол омад.
Чораҳои андешидашудаи Ҳукумати Ҷумҳурии Тоҷикистон дар самти ба эътидол овардани паҳншавии коронавируси COVID-19 имконият ба миён овард, ки давра ба давра парвозҳои байналмилалии мунтазам бо кишварҳое, ки дар доираи созишномаҳои мавҷуда ба онҳо парвозҳо амалӣ карда мешуд, барқарор карда шаванд. Аз ҷумла, аз 21 июли соли 2020 парвозҳои байналмилалии мунтазам байни Ҷумҳурии Тоҷикистон ва Аморати Муттаҳидаи Араб дар хатсайри Душанбе-Дубай-Душанбе бо назардошти риояи талаботҳои санитарию эпидемиологӣ барқарор гардида, аз ҷониби ширкатҳои ҳавопаймоии «Fly Dubai» ва ҶДММ «Сомон Эйр» ҳафтае як маротибагӣ амалӣ карда мешаванд.
«Аз ин лиҳоз, мусофиронро зарур аст, ки бо назардошти вазъи эпидемиологӣ нисбат ба коронавируси COVID-19 талаботҳои пешбинишудаи ҷониби Аморати Муттаҳидаи Арабро, ки нисбати шаҳрвандони хориҷӣ муқаррар гардидааст, риоя намоянд», — таъкид намуданд ба АМИТ «Ховар» дар Агентии авиатсияи граждании назди Ҳукумати Ҷумҳурии Тоҷикистон.
Ҳамзамон, бо мақсади пешгирии паҳншавии бемории коронавируси COVID-19, эҳтимолияти воридшавии он ба Тоҷикистон нисбати мусофироне, ки ба ҷумҳурӣ ворид мешаванд, талаботҳои санитарию эпидемиологӣ бояд ҳатман риоя карда шаванд.
АКСҲО аз бойгонии АМИТ «Ховар»
26 СЕНТЯБР-РӮЗИ МАҶЛИСИ ОЛӢ. 24 Паёми Президенти Тоҷикистон «Дар бораи самтҳои асосии сиёсати дохилӣ ва хориҷии ҷумҳурӣ» ба ин мақоми олии намояндагӣ ва қонунгузор ироа гардидаанд
Имрӯз маҷлиси Ҳукумати Ҷумҳурии Тоҷикистон баргузор шуд
ТАЪРИХИ ПАЙДОИШИ МАМНУЪГОҲИ «БЕШАИ ПАЛАНГОН». Дар Осиёи Марказӣ нахустин шуда, маҳз дар Тоҷикистон мамнуъгоҳҳо ва парваришгоҳҳо ташкил шуданд
Ба Феҳристи мероси ҷаҳонии ЮНЕСКО ворид гардидани «Бешаи палангон» бозгӯи баланд гардидани мавқеи Тоҷикистон дар раддабандиҳои байналмилалӣ аст
МАЗРААИ ИФТИХОР: «Ҷангали туғайи мамнуъгоҳи Бешаи палангон» ба Феҳристи мероси умумиҷаҳонии ЮНЕСКО ворид карда шуд
Таъкидҳои муҳим аз суханронии Президенти Тоҷикистон Эмомалӣ Раҳмон дар мубоҳисаҳои умумии Иҷлосияи 78-уми Маҷмаи Умумии Созмони Милали Муттаҳид ба хотири таъмини сулҳ, амният, пешрафт ва тараққиёти байналмилалӣ
Абдухалил Ғафурзода: «Суханронии Президенти Тоҷикистон дар мубоҳисаҳои умумии иҷлосияи 78-уми Маҷмаи умумии СММ дастурамали мукаммал баҳри баҳамоӣ, ҳамгироӣ ва ҳамзистии кулли башарият аст»
ЧЕҲРАЕ МУНАВВАР ДАР САМОИ СИЁСАТИ ДАВРОН. Дар сиёсати хориҷии Тоҷикистон таҳким ва густариши ҳамкорӣ бо давлатҳои хориҷӣ бо номи Президенти мамлакат алоқаманд аст
Сарвари давлат: «Тоҷикистон барои истифодаи имкониятҳои логистикии худ, аз ҷумла шаш пул дар сарҳад, ҷиҳати идомаи расонидани кумакҳои башардӯстона ба мардуми Афғонистон шароити заруриро фароҳам овардааст»
Президенти Ҷумҳурии Тоҷикистон: «Обшавии босуръати пиряхҳо пажӯҳиш, ҷамъоварию коркарди маълумот ва ҳамкории амиқи байналмилалиро тақозо менамояд»
ХУШХАБАР! «Ҷангали туғайи мамнуъгоҳи Бешаи палангон» ба Феҳристи мероси умумиҷаҳонии ЮНЕСКО ворид гардид
