БА ЗИМИСТОН ОМОДА МЕШАВЕМ! Соҳибҷамол Холиқова дар хонаи худ барои бонувон курси омӯзиши консервакунонии маҳсулотро ташкил намуд

Июль 16, 2020 14:02

ДУШАНБЕ, 16.07.2020 /АМИТ «Ховар»/. Вакили Маҷлиси вакилони халқи ноҳия, сокини ҷамоати Маданияти ноҳияи Ҷалолиддини Балхӣ Соҳибҷамол Холиқова ташаббус нишон дода, тасмим гирифт, ки дар кори умумии вобаста ба омодагирӣ ба фасли зимистон саҳм бигирад. Номбурда дар манзили худ курси омӯзиши консервакунонии маҳсулоти кишоварзиро ташкил намуд.

Дар курсҳои ӯ занону духтарони ҷавон нозукиҳои ин корро омӯхта, минбаъ онро барои омода намудани шарбату мураббо ва дигар хӯришҳо барои захираи зимистон истифода мебаранд.

«Ҳангоми мулоқотҳо бо интихобкунандагон, ман ҳамеша аҳамият ва зарурати омодагӣ ба зимистон, захира намудани маҳсулоти зарурӣ, аз ҷумла таҳияи консерваҳоро барои фасли сармо таъкид мекунам. Зани боҳунари сариштакор ҳамеша ин гуна маҳсулотро дар хонааш захира дорад», — гуфт ӯ ба хабарнигори АМИТ «Ховар».

Бино ба гуфтаи ҳамсуҳбати мо, ӯ ҳар сол маҳсулоти кишоварзии аз замини худ рӯёнидашударо консерва мекунад.

«Мо зиёда аз сесад банкаҳои гуногуни консервҳои мухталифро маҳкам ва нигоҳ медорем. Дар қитъаи наздиҳавлигии худ помидор, бодиринг, қаламфур, бодинҷон, сирпиёз, карам, зардолу, шафтолу, олу, гелос ва себ парвариш мекунем. Барои ба даст овардани ҳосили фаровон заминро самаранок истифода бурдан лозим аст», — мегӯяд Соҳибҷамол Холиқова.

Ба оилаҳое, ки қитъаҳои наздиҳавлигӣ надоранд вакил тавсия медиҳад, ки маҳсулоти заруриро аз бозор, ки ҳоло бо нархи паст фурӯхта мешавад, харидорӣ намоянд.

«Ҳамчун як корманди собиқадори соҳаи тиб метавонам бигӯям, ки дар фасли зимистон бадани инсон ба витаминҳои зиёд эҳтиёҷ дорад. Дар фасли зимистон нархи сабзавот ва меваҳои тару тоза дар бозорҳо гарон аст, қисме аз онҳо ёфт намешавад, бинобар ин мо бояд ҳоло маҳсулоти консервашударо захира намоем. Ин беҳтарин роҳи бо минералҳо ва витаминҳои зарурӣ таъмин намудани аъзои оилаҳои шумо мебошад. Консерваҳо барои зимистон ин на танҳо маҳсулоти муфид, балки судманд низ мебошанд», — гуфт ӯ.

Бояд зикр кард, ки имсол дар партави супоришҳои Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ҳар як оила дар вилояти Хатлон ба масъалаи истифодабарии қитъаҳои заминҳои наздиҳавлигӣ ва омодагӣ ба зимистон масъулона муносибат мекунад. Қариб ҳар як оила ба консервакунонии меваҳо ва сабзавот барои зимистон машғул мешавад. Бисёре аз оилаҳо дар мавсим зиёда аз 600 банка консерва маҳкам мекунанд.

Июль 16, 2020 14:02

Хабарҳои дигари ин бахш

Дар чорроҳаи назди Оромгоҳи Мир Сайид Алии Ҳамадонии шаҳри Кӯлоб чароғаки роҳнамо насб гардид
ОБУ ҲАВО: Имрӯз дар шаҳри Душанбе ҳаво рӯзона 8+10 дараҷа гарм мешавад
Кумитаи давлатии идораи замин ва геодезӣ ба қисми ҳарбии ноҳияи Шамсиддини Шоҳин туҳфаҳои солинавӣ ва маводи озуқаворӣ расонид
Ҷамолиддин Абдуллозода: Донишу таҷрибаи хешро баҳри иҷрои босифат ва саривақтии дастуру ҳидоятҳои дар Паёми навбатии Президенти мамлакат дарҷ гардида, равона месозем
Ҳизбиёни Хатлон зимни амалиёти «Рӯзи ёдоварӣ» ҳудуди оромгоҳҳоро тоза намуданд
Собиқ Президенти Афғонистон Ашраф Ғанӣ фасодзадатарин шахс дар соли 2021 эълон гардид
Донишкадаи ҳарбии Тоҷикистон дар конфронс бахшида ба 80- солагии муҳорибаи Москва ширкат намуд
Дар шаҳри Истаравшан ярмарка-фурӯши маҳсулоти кишоварзӣ доир карда шуд
Дар арафаи Соли нави мелодӣ ба Мактаб-интернати ноҳияи Қубодиён кумаки моддӣ расонида шуд
Толибилмони Литсей барои хонандагони болаёқат дар шаҳри Хуҷанд соҳиби грант барои омӯзиш гардиданд
ОБУ ҲАВО: Имрӯз дар Тоҷикистон ҳавои тағйирёбанда ва бебориш дар назар аст
Ба тарбиятгирандагони Маркази дастгирии оила ва кӯдакони №2 туҳфаҳои солинавӣ тақдим гардид