COVID-19. Раҷаббой Аҳмадзода аз беморхонаи сироятӣ ва беморхонаи клиникии вилоятӣ дидан намуд
ДУШАНБЕ, 31.07.2020. /АМИТ «Ховар»/. 30 июл Раиси вилояти Суғд Раҷаббой Аҳмадзода ба Беморхонаи сироятии вилоят ташриф оварда, бо кормандони соҳаи тиб мулоқот анҷом дод. Дар ин бора ба АМИТ «Ховар» аз хадамоти матбуоти Раиси вилоят хабар доданд.
Раҷаббой Аҳмадзода аз меҳнати шоистаи табибон ҷиҳати табобати беморони ба коронавирус гирифторшуда изҳори сипос карда, зикр намуд, ки хизматҳои онҳо аз ҷониби Давлату Ҳукумат қадр карда мешавад.
Аҳмадзода мутазаккир шуд, ки бо назардошти мавҷуд будани эҳтимоли хуруҷи дуюми коронавирус, ки алакай дар кишварҳои ҳамсоя ба қайд гирифта шудааст,табибони моро мебояд аз таҷрибаи кории худ хулосаҳои заруриро бароварда, барои пешгирии он ҳамаҷониба омодагӣ бинанд. Ба масъулини Раёсати тандурустӣ дастур дода шуд, ки маводи доруворӣ, либосҳои махсуси муҳофизатӣ ва лавозимоти тиббиро захира намоянд.
Дар ин рӯз ба табибон маводи ғизоӣ ва маҳсулоти мавриди ниёзи аввал ба сифати кумак дастрас карда шуд.
Ҳамчунин Раиси вилоят аз Беморхонаи клиникии вилояти Суғд ба номи С. Қутфиддинов боздид кард. Дар ин ҷо барои табобати мубталоёни бемории КОВИД-19 шароити зарурӣ фароҳам оварда шуда, саҳми табибони ин муассисаи тиббӣ дар муолиҷаи беморон ва пешгирии интиқоли бемории сироятӣ назаррас аст. То ҳол ин беморхона махсус барои табобати гирифторони КОВИД-19 фаъолият дошта, таҷриба ва тарзи муолиҷаву корбарии табибони он дар давраи пандемия аз ҷониби мутахассисони Созмони умумҷаҳонии тандурустӣ баҳои баланд гирифтааст.
Раиси вилоят барои фаъолияти шоёни кормандони соҳаи тиб миннатдории Мақомоти иҷроияи ҳокимияти давлатии вилоятро баён дошта, таъкид намуд, ки мардум ба нерӯи зеҳнӣ ва таҷрибаи табибон боварии калон дорад.
Эмомалӣ Раҳмон: «Қаҳрамонони сулҳу субот ва ваҳдати миллӣ танҳо мардуми шарифу сарбаланди Тоҷикистон мебошанд»
10 АМАЛИ ЗАМИНАСОЗИ СУЛҲУ ВАҲДАТ. Ба истиқболи 28-солагии Рӯзи Ваҳдати миллӣ
ВАҲДАТИ МИЛЛӢ – КАФОЛАТИ ПОЙДОРИИ ДАВЛАТ. Мулоҳизаҳои Прокурори генералии Ҷумҳурии Тоҷикистон дар ин мавзуъ
Эмомалӣ Раҳмон ва Си Ҷинпин оғози парвозҳои мустақими мусофирбарӣ байни Душанбе ва Пекинро рӯйдоди муҳим номиданд
Ҷашни Тиргон бо баргузории иди зардолу ва намоиши «Хушкмеваҳои Тоҷикистон» таҷлил мегардад
Каролин Глейч: «Тоҷикистон сарзамине бо табиати нотакрор аст ва мебояд, ин зебоиро ба тамоми ҷаҳон нишон дод!»
Кирти Вардхан Сингҳ: «Ҳифзи пиряхҳо ҳамбастагӣ, ҳамкории байналмилалӣ ва фаҳмиши муштараки илмиро талаб мекунад»
Кэтрин Рассел, директори иҷроияи ЮНИСЕФ: «Мо мехоҳем, ки садои кӯдакон ва ҷавонон дар сиёсати иқлимӣ шунида шавад»
Ясмин Сиддиқӣ: «Обшавии пиряхҳо танҳо як мушкили муҳити зист нест, ин буҳрони об, ғизо ва рӯзгор аст»
Қоҳир Расулзода Конфронси байналмилалии сатҳи баланд оид ба ҳифзи пиряхҳоро натиҷагирӣ намуд
Шамс Аббосӣ: «Таҳти роҳбарии Эмомалӣ Раҳмон мардуми тоҷик дар самти мубориза бо тағйирёбии иқлим ва пешбурди донишҳои экологӣ қадамҳои бузург мегузоранд»
Султон Ҷамшед: «ВАО-и Тоҷикистон дар инъикоси кори конфронси сатҳи баланд муваффақ буд»
