COVID-19. Шумораи гирифторони коронавирус дар ҷаҳон бо ошкор гардидани беш аз 213 ҳазор ҳолати нав аз 12 миллион нафар гузашт

Июль 9, 2020 10:22

ДУШАНБЕ, 09.07.2020 /АМИТ «Ховар»/. Ба ҳолати соати 10:00-и 9 июл шумораи ҳолатҳои сироятёбӣ ба коронавируси нави COVID-19 дар ҷаҳон сар аз хуруҷи пандемия то имрӯз беш аз 12 миллион нафар шуда, зиёда аз 552 ҳазор гирифторони он вафот кардаанд ва беш аз 7 миллион нафар беморон шифо ёфтаанд, хабар медиҳад АМИТ «Ховар» бо истинод ба маълумоти Созмони умумиҷаҳонии тандурустӣ (СУТ).

Тибқи маълумоти охир, давоми шабонарӯзи гузашта 213 279 ҳолати нави гирифторшавӣ ба COVID-19 ошкор шуда, 5 518 нафар сироятшудагон фавтидаанд. Ҳамин тариқ, шумораи умумии ҳолатҳои ошкоршудаи COVID-19 дар ҷаҳон 12 170 572 нафар ва теъдоди фавтидагон 552 112 кас мебошад.

Ҳамзамон то имрӯз дар ҷаҳон 7 069 288 нафар гирифторони ин беморӣ шифо ёфтаанд.

Ба даҳгонаи кишварҳое, ки дар онҳо теъдоди зиёди гирифторони коронавирус ба қайд гирифта шудааст, ИМА (3 158 932 нафар), Бразилия (1 716 196), Ҳиндустон (769 052), Россия (700 792), Перу (312 911), Чили (303 083), Испания (299 593), Британияи Кабир (286 979), Мексика (275 003) ва Эрон (248 379) дохил мешаванд.

Ёдовар мешавем, ки 11 март СУТ хуруҷи COVID-19-ро пандемия эълон карда, имрӯз дар бораи беш аз 210 давлату ҳудуд ва ду киштии саёҳатии байналмилалии «Diamond Princess» ва «MS Zaandam», ки дар онҳо ҳолатҳои сироятёбӣ ба қайд гирифта шудаанд, гузориш медиҳад.

 

АКС аз манобеи боз

Июль 9, 2020 10:22

Хабарҳои дигари ин бахш

Сарварони кишварҳои СААД Эъломия ва Изҳоротро дар бораи ташаккули тартиботи одилонаи ҷаҳонӣ қабул карданд
«БелТА»: Тоҷикистон азм дорад дар давраи раёсаташ дар СААД амнияти дастаҷамъиро тақвият бахшад
СУТ оғози таъмини ваксинаи зидди коронавирусро нимаи аввали соли 2021 интизор аст
НА КАМ АЗ 10 ДОЛЛАР БАРОИ ЯК ВОЯ. Арзиши ваксинаи Россия бар зидди коронавирус эълон шуд
СУТ: Дар 3-6 моҳи наздик ҷаҳон ба норасоии ваксинаҳои зидди COVID-19 мувоҷеҳ хоҳад шуд
СУТ тавсия медиҳад, ки дар дохили хона ва берун аз он дар ҳолати имкон надоштани риояи фосила ниқоб пӯшида шавад
COVID-19. Дар Тоҷикистон шумораи гирифторони коронавируси нав ба 12269 нафар расид
Дар ҷаҳон зиёда аз 577 ҳазор ҳолати сироятёбӣ аз коронавирус дар як рӯз сабт шудааст
Сарони давлатҳои СААД имрӯз дар иҷлосия баланд намудани самаранокии созмон ва мушкилоти амниятиро баррасӣ мекунанд
COVID-19. Дар Тоҷикистон 95,1% гирифторони коронавируси нав шифо ёфтанд
Коронавирус дар ҷаҳон: шумораи мубталоён аз 63 млн зиёд шудааст
Нафароне, ки бо ВНМО ба сар мебаранд, эҳтимол COVID-19-ро вазнин гузаронанд. 1 декабр — Рӯзи умумиҷаҳонии мубориза бо ВНМО (ВИЧ/СПИД)