ФУТБОЛ. Дастаи мунтахаби Тоҷикистон ба ҷамъомади таълимӣ-тамринӣ оғоз намуд

ДУШАНБЕ, 22.07.2020. /АМИТ «Ховар»/. Дастаи мунтахаби Тоҷикистон оид ба футбол дар шаҳри Душанбе ҷамъомади таълимӣ-тамриниро оғоз кард. Ҷамъомади навбатии дастаи мунтахаби Тоҷикистон муддати шаш рӯз идома меёбад. Дар ин бора мухбири АМИТ «Ховар» бо истинод ба Федератсияи футболи Тоҷикистон иттилоъ медиҳад.

Тамринҳои дастаи миллӣ дар варзишгоҳи марказии шаҳри Душанбе сурат мегиранд. Ба иттилои сармураббии дастаи  мунтахаби Тоҷикистон Усмон Тошев, дар ин тамринҳо бештар ба ҳолати физикӣ ва тайёрии ҷисмонӣ таваҷҷуҳи бештар равона карда мешавад.

Ҳайати дастаи мунтахаби Тоҷикистон барои ҷамъомади таълимӣ-тамринӣ:

Дарвозабонҳо: Рустам Ятимов («Истиқлол»), Шоҳрух Қирғизбоев («Локомотив-Помир»);

Дифоъгарон: Табрези Давлатмир, Искандар Ҷалилов, Зоир Ҷурабоев (ҳама – «Истиқлол»), Давронҷон Эргашев («Бунёдкор», Ӯзбекистон), Хуршед Бекназаров («Хуҷанд»), Аҳтам Назаров («Башундара Кингс», Бангладеш), Аъзамҷон Муродов («Душанбе-83»), Билол Сулаймонов (КМВА);

Ниммҳимоятгарон: Ҷаҳонгир Эргашев («Саиф Спортинг Клуб», Бангладеш), Комрон Турсунов («Моҳун Баган», Ҳиндустон), Алишер Ҷалилов, Эҳсони Панҷшанбе (ҳама – «Истиқлол»), Илҳомҷон Баротов («Истаравшан»), Ислом Зоиров («Локомотив-Помир»), Муҳаммаҷон Раҳимов («Истиқлол»), Хуршед Абдуллоев («Душанбе-83»),

Ҳамлаварон: Манучеҳр Ҷалилов, Рустам Соиров, Шериддин Бобоев (ҳама – «Истиқлол»), Дилшод Бозоров («Хуҷанд»), Тоҳир Маладустов («Каганат», Қиғизистон), Диловаршо Ғаниев («Регар-ТадАЗ»).

Сармураббӣ – Усмон Тошев.