Равоншиносон муайян карданд, ки киҳо ниқоб намепӯшанд ва карантинро риоя намекунад
ДУШАНБЕ, 27.07.2020 /АМИТ «Ховар»/. Одамони «сиёҳтинат» моили риоя намудани чораҳо ҷиҳати боздоштани густариши уфунати коронавирус намебошанд. Натиҷаи ду таҳқиқоти равоншиносони Полша дар ин маврид далели ин хулоса мебошад. Мақолаҳо оид ба ин масъала дар маҷаллаи «Personality and Individual Differences » нашр шудаанд.
Дар ин «сегонаи сиёҳ» -и хислатҳои шахсият бемориҳои рӯҳӣ, (психопатия), худдӯстдорӣ (нарцисизм) ва ҷонибдори Макиавеллизм будан шомил мебошанд. Нишонаҳои бемории рӯҳӣ — худпарастӣ, сангдилӣ, ҳаракатҳои ғайриихтиёрӣ, худдӯстдорӣ — худбинӣ ва эмпатия (надоштани ҳисси ҳамдардӣ, дилсӯзӣ) мебошанд. Нишонаҳои Макиавеллизм – майл доштан ба найрангбозӣ, ҳиллагарӣ, истисмори одамони дигар, дурӯғгӯйӣ ва ба назар нагирифтани меъёрҳои аҳлоқӣ ба хотири расидан ба манфиатҳои худ.
Барои фаҳмидани он ки кадом сифатҳои шахсии одамон ба дарки ҳолат ва рафтори онҳо дар шароити пандемия таъсир мерасонанд, равоншиносон 755 сокини Полшаро пурсидаанд. Пурсишҳо аз 15 то 29 марти соли 2020, дар ҳафтаҳои сеюм ва чаҳоруми пас аз ҷорӣ намудани маҳдудиятҳои вобаста ба пешгирии тавсеаи COVID-19 аз тарафи ҳукуматдорон гузаронида шудаанд.
Зимни пурсишҳо маълум гардид, ки пурсидашудагон аз рӯи ҷадвали «сегонаи сиёҳ» соҳиби холҳои зиёд шуда, майли риоя намудани маҳдудиятҳо ва чораҳои эҳтиётиро, аз ҷумла пӯшидани ниқобҳо дар ҷойҳои ҷамъиятӣ, зуд-зуд шустани дастҳо, нигоҳ доштани фосилаи иҷтимоӣ ва дар хона мондан, ба истиснои ҳолатҳои зарурӣ надоранд. Ҳамзамон дар байни «беморони рӯҳӣ» ва “худдӯстдорон» нафароне ёфт шуданд, ки дар шароити пандемия моил ба захира намудани молҳои зарурии рӯзгор мебошанд, аз мағозаҳо қоғази ташноб, хӯрокворӣ ва молҳои дигар харид мекунанд.
Ба назари муҳаққиқон, одамони «сиёҳтинат» ба фоидаоварии маҳдудиятҳои вобаста ба пешгирии эпидемия боварӣ надоранд ва бинобар ин онҳо хоҳиши риоя намудани онҳоро надоранд. Кӯшиши онҳо барои ташкили захираҳо – ин камоли худпарастӣ ва тарси сироятшавӣ мебошад.
Натиҷаи пажӯҳиши дуввум, ки зимни он 263 тан пурсида шуда буданд, тасдиқ намуд, ки одамоне, ки дорои хусусиятҳои худдӯстдорӣ ва дигар хислатҳои «торик» -и шахсӣ мебошанд, нисбат ба дигарон қоидаҳои пешгирикунандаи пандемияро бештар вайрон мекунанд. Ҳамзамон ин қабил одамон моиланд, ки вазъияти вобаста ба COVID-19 –ро мувофиқи табиати худ мусбат арзёбӣ намоянд, эҳтимолан онҳо фикр мекунанд, ки чунин ҳолат барои фиребгарӣ ва истисмори атрофиён мусоидат мекунад.
АКС: «News Factory»
МАВҚЕЪГИРИИ СИЁСӢ ВА АРЗЁБИИ МУШКИЛОТИ ИМРӮЗ. Андешаҳо дар ҳошияи суханронии Президенти Тоҷикистон дар мулоқот бо фаъолону намояндагони ҷомеа ва ходимони дин
Владимир Путин ба Эмомалӣ Раҳмон: Ҳеҷ неруе наметавонад муносибатҳои бародаронаи мардумони ду давлатро халалдор намояд
Маҷлиси Ҳукумати Ҷумҳурии Тоҷикистон баргузор гардид
Чанд андеша дар ҳошияи сафари расмии Президенти Тоҷикистон муҳтарам Эмомалӣ Раҳмон ба Аврупо
ШАРИКИИ СТРАТЕГӢ ТАҚВИЯТ МЕЁБАД. Яке аз самтҳои муҳиму афзалиятноки сиёсати хориҷии Тоҷикистонро ҳамсоягии нек бо давлатҳои минтақа ташкил медиҳад
Шавкат Мирзиёев: «Узбекистон минбаъд низ кӯшишҳои самимонаи мардуми шарафманд ва меҳнатдӯсти тоҷикро дастгирӣ менамояд»
Шавкат Мирзиёев: «Узбекистон минбаъд низ дар паҳлуи Тоҷикистон меистад»
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
ХАЙРУ САДАҚОТ – СУННАТИ НЕК. Андешаҳои вакили Маҷлиси намояндагон Файзулло Баротзода дар ин мавзуъ
Эмомалӣ Раҳмон: «Ба ҷойи намоишкориву исрофкорӣ мо бояд кӯшиш кунем, ки барои таълиму тарбияи фарзандонамон шароити беҳтарин муҳайё созем»
