Сарвазири мамлакат Қоҳир Расулзода дар ноҳияи Шамсиддин Шоҳин бо вазъи соҳаи кишоварзӣ шинос шуд
ДУШАНБЕ, 11.07.2020 /АМИТ «Ховар»/. Имрӯз Сарвазири мамлакат Қоҳир Расулзода бо ҳамроҳии раиси вилояти Хатлон Қурбон Ҳакимзода дар ноҳияи Шамсиддин Шоҳин аз нашъунамои зироатҳо дар ҷамоатҳои деҳоти «Шӯрообод» ва «Доғистон» дидан намуд, хабар медиҳад АМИТ «Ховар» бо истинод ба мақомоти иҷроияи ҳокимияти давлатии вилояти Хатлон.
Зимни боздид иттилоъ дода шуд, ки замини ҷамоати деҳоти «Шӯрообод» 2518 гектар буда, дар он асосан парвариши кишти зироатҳои кишоварзӣ, аз ҷумла гандум, ҷав, лубиёгӣ, картошка, боғпарварӣ ва хӯроки чорво ба роҳ монда шудааст.
Дар ҷамоати деҳоти «Доғистон» кишти гандум 1295 гектар, ҷав 70 гектар, лубиёгиҳо 55 гектар, картошка 20 гектар гузаронида шуда, 28 гектар боғҳои нав бунёд карда шудааст. Айни ҳол дар 129 гектар кишт бо суръат ҷараён дошта, дар боғҳо коркарди агротехникӣ ва нармкунии байни қаторҳо рафта истодааст.
Зимни боздиди Сарвазири кишвар аз боғи интенсивии хоҷагии деҳқонии «Сайдалӣ» масъулин иттилоъ доданд, ки дар хоҷагии мазкур 1 нафар саҳмдор ва 8 нафар кормандони кироя фаъолият намуда, дар мавсим аз замини хоҷагӣ себ, помидор, бодиринг, карам ва картошка мерӯёнанд.
Ҳамчунин иттилоъ дода шуд, ки дар асоси созишномаи байни Корхонаи воҳиди давлатии ҷумҳуриявии «Тоҷикниҳолпарвар»-и Вазорати кишоварзии Ҷумҳурии Тоҷикистон ва хоҷагии ниҳолпарварии ноҳияи Данғара дар ноҳияи Шамсиддин Шоҳин ба маблағи 452417 сомонӣ дар майдони 50 гектар боғи нав бунёд карда шуд.
Боғи мазкур ба 48 нафар саҳмдор тақсим карда шуда, самаранок истифода бурда мешавад.
Имрӯз ҳамчунин Сарвазири мамлакат Қоҳир Расулзода ба шаҳри Кӯлоб ташриф оварда, бо рафти корҳои кишоварзии Кооперативи тиҷоратӣ – истеҳсолиии ба номи Мир Сайид Алии Ҳамадонии Ҷамоти Зиракӣ, ки роҳбараш Абдуҷаббор Зардиев мебошад, шинос шуд.
Тибқи маълумоти роҳбари кооператив, айни ҳол дар заминҳо ҳосил фаровон аст. Зимни кишти такрорӣ дар масоҳати 2 гектар лубиё, 2 гектар гулкарам ва дар 1 гектар бодиринг парвариш меёбад. Дар ҳудуди ин хоҷагӣ то ба имрӯз дар масоҳати 2 гектар гармхона ва дар заминҳои назди гармхонаҳо дар масоҳати 2 гектар боғи ангур бунёд шуда, ният доранд, ки онро ба 3 гектар расонанд.
Кишварзон аллакай пиёзи барвақтиро ҷамъоварӣ намуда, ба фурӯш баровардаанд. Дар заминаи кишти такрорӣ инчунин дар майдони 10 гектар замин шолӣ коридаанд.
АКСИ БОЛО аз бойгонӣ
Шавкат Мирзиёев: «Узбекистон минбаъд низ кӯшишҳои самимонаи мардуми шарафманд ва меҳнатдӯсти тоҷикро дастгирӣ менамояд»
Шавкат Мирзиёев: «Узбекистон минбаъд низ дар паҳлуи Тоҷикистон меистад»
ТАШАККУЛИ МАКТАБИ ЗЕҲНГАРОЁНАИ ИДОРАКУНӢ ДАР СИЁСАТИ ҶУМҲУРИИ ТОҶИКИСТОН. Мулоҳизаҳои докторони илми фалсафа Хайриддин Усмонзода ва Саидмурод Фаттоҳзода
Президенти Тоҷикистон: «Сарфакорона истифода бурдани обу неруи барқро дар тамоми фаслҳои сол, ҳатто дар тобистон қатъиян таъмин намоем»
Президенти Тоҷикистон: «Бояд ҳамеша сарҷамъ ва дар зери парчами миллиамон муттаҳид бошем»
ХАЙРУ САДАҚОТ – СУННАТИ НЕК. Андешаҳои вакили Маҷлиси намояндагон Файзулло Баротзода дар ин мавзуъ
Эмомалӣ Раҳмон: «Ба ҷойи намоишкориву исрофкорӣ мо бояд кӯшиш кунем, ки барои таълиму тарбияи фарзандонамон шароити беҳтарин муҳайё созем»
Сарвари давлат сокинони Тоҷикистонро ба роҳ надодан ба зиёдаравию исрофкорӣ ва намоишкориву риёкорӣ даъват намуданд
Эмомалӣ Раҳмон: «Анҷом додани хайру садақот ва саховат кардан анъана ва суннати нек мебошад»
МУҲАББАТ БА ВАТАН АЗ ИМОН АСТ. Андешаҳои раиси Шурои уламои Маркази исломии Ҷумҳурии Тоҷикистон Саидмукаррам Абдулқодирзода
МАЪРИФАТИ ҲУҚУҚӢ-МАСЪАЛАИ МУҲИМИ ЗАМОНИ МУОСИР. Андешаҳои профессор Махфират Хидирзода дар ин мавзуъ
Профессор Мурод Муродӣ: «Барои ислом худнамоӣ ва шуҳратпарастӣ бегона аст, мусулмони ҳақиқӣ амали хайрашро пинҳонӣ ба анҷом мерасонад»
