ҶАБҲАИ БУЗУРГИ СОЗАНДАГӢ ДАР ШАҲРУ ДЕҲОТИ ТОҶИКИСТОН. Маркази шаҳри Исфара чароғон мегардад
ДУШАНБЕ, 31.08.2020 /АМИТ «Ховар»/. Бо мақсади сазовор пешвоз гирифтани ҷашни 30-солагии Истиқлолияти давлатии Ҷумҳурии Тоҷикистон ва дар доираи «Соли равшаннамоӣ ва чароғонкунӣ» дар шаҳри Исфара барои муҳайё намудани шароити мусоид ҷиҳати сайру гашт ва фароғати сокинон корҳои сохтмонӣ ва чароғонкунии маркази шаҳр оғоз гардидаанд. Дар ин бора аз дафтари матбуоти раиси шаҳри Исфара ба хабарнигори АМИТ «Ховар» иттилоъ доданд.
Масъулини мақомоти иҷроияи ҳокимияти давлатии шаҳр вазифадор гардидаанд, ки ҷиҳати чароғонкунии ороишии боғҳои фарҳангию фароғатӣ, мавзеъҳои ёдгориҳои таърихӣ, роҳҳои нақлиётии дохилишаҳрӣ, равшаннамоии намои берунии биноҳои маъмурӣ, тиҷоратию хизматрасонӣ ва истгоҳҳо тадбирҳои зарурӣ андешанд.
Аз ҳисоби буҷети маҳаллӣ барои харидану дастрас намудани 138 адад чароғҳои ба талабот ҷавобгӯй маблағи зарурӣ ҷудо гардидааст.
Ҳамчунин бо ташаббуси фаъолони Ҳизби Халқии Демократии Тоҷикистон дар доираи омодагиҳо ба ҷашни 30-солагии Истиқлолияти давлатии Ҷумҳурии Тоҷикистон ва тадбирҳои ободкоронаи «1300 рӯзи меҳнати зарбдор» корҳои сохтмони бинои нави маъмурии Кумитаи иҷроияи шаҳрии ҳизб идома доранд.
Тарҳи сохтмони иншоот аз ҷониби Ҷамъияти Саҳомии Кушодаи «Пажӯҳишгоҳи илмӣ ва лоиҳакашиву ҷустуҷӯии САНИИОСП» омода шудааст. Иншоот аз таҳхона ва се ошёна иборат буда, сохтмони он бо саҳми фаъолони ташаббускору саховатпешаи ҳизб аз ҷониби бинокорони ҶДММ «Ширкати сохтмонии Исфара» анҷом дода мешавад.
Дар Минтақаи озоди иқтисодии «Данғара» татбиқи лоиҳаҳои нави сармоягузорӣ бо сармоягузорони Чин баррасӣ гардид
35-СОЛАГИИ ИСТИҚЛОЛИ ДАВЛАТӢ. Дар ноҳияи Бобоҷон Ғафуров муассисаҳои таълимӣ сохта мешаванд
СОЛИ ОБОДОНИЮ СОЗАНДАГӢ. Дар деҳаи Пандовчии ноҳияи Нуробод толори варзишӣ бунёд карда мешавад
35-СОЛАГИИ ИСТИҚЛОЛИ ДАВЛАТӢ. Дар Шаҳристон бинои нави Маркази таъминоти бехатарии озуқаворӣ сохта мешавад
СОЛИ ОБОДОНИЮ СОЗАНДАГӢ. Дар ҳудуди Қасри бостонии Ҳулбук корҳои ободкорию сабзгардонӣ идома доранд
Ҳайати Тоҷикистон дар намоишгоҳи «Ҳафтаи байналмилалии сабз» дар шаҳри Берлини Олмон иштирок дорад
35-СОЛАГИИ ИСТИҚЛОЛИ ДАВЛАТӢ. Дар шаҳри Гулистон корхонаи истеҳсоли масолеҳи сохтмонӣ бунёд мегардад
ФЕСТИВАЛИ АНОРПАРВАРОН. Чӣ бояд кард, то дар бозорҳо анори тоҷикӣ фаровон гардад?
Фурудгоҳҳои байналмилалии Душанбе, Бохтар ва Кӯлоб навсозӣ мешаванд
Ҳамкории Тоҷикистон ва Покистон дар соҳаҳои иқтисоду тиҷорат густариш меёбад
Данғара – Гулистон — аввалин роҳи мошингарди Тоҷикистон, ки бо тарҳи «роҳҳои сабз» навсозӣ мешавад
Беш аз 22 фоиз сармоягузории ба рушди Шабакаи нақлиётии АвруОсиё равонашуда ба кишварҳои Осиёи Марказӣ рост меояд
