БА ТАВАҶҶУҲИ ҲАВОДОРОНИ ФУТБОЛ! Имрӯз «Ротор» бо Муҳаммад Султонов бо дастаи машҳури «Зенит» бозӣ мекунад
ДУШАНБЕ, 11.08.2020 /АМИТ «Ховар»/. Имрӯз, дар бозии аввали Премйер-лигаи Россия дар Волгоград навомад (дебютант) – «Ротор» дастаи «Зенит»-и Санкт-Петербургро қабул мекунад, хабар медиҳад АМИТ «Ховар».
Дастаи «Ротор»-ро фақат дар нохунак «навомад» номидан мумкин аст, дар асл ин дастаи собиқадор ва ботаҷриба пас аз танаффуси тӯлонӣ аз нав ба лигаи олӣ баргашт.
Тавре АМИТ «Ховар» қаблан хабар дода буд, дар ҳайати волгоградиҳо зодаи Тоҷикистон Муҳаммад Султонови 27-сола ба ҳайси нимҳимоятгар бозӣ мекунад, ки аз ҷониби мухлисон беҳтарин бозигари ин даста дар мавсими 2019/2020 эътироф шудааст.
«Инак, имрӯз дар варзишгоҳи «Волгоград Арена»-и шаҳри Волгогради Россия, ки ғунҷоиши 45 568 тамошобинро дорад, иштироки то 14 000 тамошобин дар назар аст», — менависад сомонаи даста.
Довари асосӣ: Алексей Матюнин, ба ӯ Николай Еремин ва Иля Елеференко кумак мерасонанд — ҳама аз Москва.
«Зенит» бо футболкаҳои сафед (дарвозабонаш – бо футболкаи сабз) ва «Ротор» бо футболкаҳои кабуд (дарвозабонаш — бо футболкаи норанҷӣ) ба майдон мебароянд.
Вохӯрӣ соати 18:00 бо вақти Волгоград (соати 20:00 бо вақти Душанбе) оғоз мешавад. Бозии «Ротор» — «Зенит» тариқи шабакаҳои телевизионии «Match TV» ва «Match! Премьера» мустақиман пахш мегардад.
Ёдовар мешавем, ки бори охир «Зенит» дар ин шаҳри пуршараф 16 сол пеш бозида буд. Бозӣ ҷолиб хоҳад буд!
АКСҲО аз бойгонӣ
Хабарҳои дигари ин бахш
ФУТБОЛ. Имрӯз Чемпионати Тоҷикистон байни дастаҳои Лигаи якум оғоз мешавад
Дар Душанбе Мусобиқаи байналмилалии гӯштингирӣ барои дарёфти «Ҷоми Раиси шаҳри Душанбе» доир мешавад
«РОҲИ АБРЕШИМ-2026». Мотосиклчиёни Тоҷикистон дар мусобиқаи байналмилалӣ соҳиби ҷойҳои намоён шуданд
Дастаи мунтахаби олимпии Тоҷикистон оид ба футбол ғолиби мусобиқаи байналмилалӣ дар Ҳиндустон гардид
Абубакр аз Тоҷикистон ва Ҷасур аз Узбекистон соҳиби шоҳҷоизаҳои мусобиқаи гӯштини миллӣ дар Кӯлоб шуданд
Дастаи мунтахаби Тоҷикистон оид ба футбол ба марҳилаи ниҳоии Ҷоми Осиё-2027 роҳ ёфт
БОЗИИ РӮЗ! Имрӯз бозии ниҳоии марҳилаи интихобии Ҷоми Осиё-2027 байни Тоҷикистон ва Филиппин доир мегардад
Гурӯҳи доварон аз Тоҷикистон бозии дастаҳои Сурия ва Афғонистонро ҳакамӣ мекунад
ҶОМИ ОСИЁ-2027. Пагоҳ бозии даври 6-уми марҳилаи интихобӣ байни дастаҳои мунтахаби Тоҷикистон ва Филиппин доир мешавад
Дастаи мунтахаби Тоҷикистон дар Чемпионати Осиё оид ба ҷудо дар Чин иштирок мекунад
Дар Бадахшон беҳтаринҳо дар гӯштин, волейбол ва дави наврӯзӣ муайян гардиданд
Ғолибони Шоҳҷоизаҳои Мусобиқаи гӯштини миллӣ (гӯштингирӣ) дар деҳаи Пушинги ноҳияи Данғара муайян шуданд
