Дар Хатлон даври аввали Озмуни «Тоҷикистон-Ватани азизи ман» тибқи тартиби нав ҷараён дорад
ДУШАНБЕ, 04.08.2020 /АМИТ «Ховар»/. Дар ноҳияҳои Қубодиён, Шаҳритуз ва Носири Хусрави вилояти Хатлон даври аввали Озмуни ҷумҳуриявии «Тоҷикистон-Ватани азизи ман» ҷамъбаст гардид. Баъд аз ҷамъбасти даври аввали озмун дар ноҳияҳои Қубодиён ҳайати ҳакамони озмун аз 16 нафар довталаб се нафарро дар номинатсияи сарояндаи жанри эстрадӣ ва ду нафарро дар номинатсияи навозандаи жанри академӣ пазируфта, барои иштирок дар даври вилоятии озмун роҳхат доданд. Дар ин бора АМИТ «Ховар» бо истинод ба маркази матбуоти Вазорати фарҳанги Ҷумҳурии Тоҷикистон иттилоъ медиҳад.
Дар ноҳияи Шаҳритуз аз 11 нафар иштирокчӣ дар номинатсияи сарояндаи жанри эстрадӣ се нафар, дар номинатсияи сарояндаи жанри академӣ як нафар ва дар номинатсияи навозандаи жанри эстрадӣ ду нафар пазируфта шуда, ба даври дуввум роҳ ёфтанд.
Дар даври аввали озмун дар ноҳияи Носири Хусрав 10 нафар довталабон иштирок намуданд. Ҳайати ҳакамони озмун ду нафар иштирокчии номинатсияи сарояндаи жанри эстрадӣ ва як нафар иштирокчии номинатсияи сарояндаи жанри анъанавиро барои санҷиши маҳорату истеъдод дар даври дуввум интихоб намуданд.
Тибқи тартиби нави баргузории даври аввал, дар вилояти Хатлон Озмуни ҷумҳуриявии «Тоҷикистон-Ватани азизи ман» аз 25 июл то 3 сентябр идома меёбад, ки беҳтаринҳои он ба даври вилоятӣ роҳхат мегиранд.
Озмуни мазкур баҳри тарғиби санъати асил, боз ҳам ғанитар гардонидани фазои маънавии ҷомеаи муосир ва таҳкими унсури дунявии фарҳанги миллии тоҷик равона гардидааст.
Тавре дар Низомномаи озмун омадааст, синни иштирокчиён аз 8 то 40 муқаррар карда мешавад. Инчунин суруду оҳангҳо дар асоси талаботи Низомномаи мазкур, ки аз ҷониби мутахассисони варзидаи соҳаи санъату фарҳанг ба тозагӣ таълиф шудаанд, ба озмун пешниҳод мешаванд.
Ҳамчунин суруду оҳанги академӣ дар сабти нотавӣ ва маводи дигар дар шакли аудиоӣ ва видеоӣ пешниҳод мегарданд (ба истиснои «минус»-и сурудҳои эстрадӣ ва анъанавӣ). Дар озмун истифодаи фонограмма манъ аст.
Дар озмун ҳангоми баҳогузорӣ ба ҳунари довталаб ба меъёрҳои асосӣ- мазмуну мундариҷа, сатҳи бадеият, навоварӣ, унсурҳои тозаэҷод, ҷаззобияти шеъру суруд, оҳангҳо, истеъдоди иҷрокунандагӣ ва маҳорати саҳнавӣ диққати аввалиндараҷа дода мешавад.
Акс аз бойгонӣ
Дар Осорхонаи миллии Тоҷикистон беш аз 800 бозёфти нодири таърихӣ ба намоиш гузошта шудааст
РӮЗИ БУЗУРГДОШТИ САЪДИИ ШЕРОЗӢ. Осори безаволи шоир дар тарбияи ахлоқӣ ва маънавии ҷомеа нақши муҳим дорад
Филми ҳунарии «Моҳӣ дар шаст» дар кинофестивали 48-уми байналмилалии Москва намоиш дода шуд
Дар Душанбе бахшида ба Рӯзи байналмилалии ҳифзи ёдгориҳои таърихию фарҳангӣ ҳамоиш баргузор гардид
«ЯК МАТОВУ САД РАНГ». Дар Кӯлоб даври шаҳрии фестивал-озмун баргузор гардид
РӮЗИ БАЙНАЛМИЛАЛИИ ҲИФЗ ВА НИГОҲДОРИИ ЁДГОРИҲО ВА ҶОЙҲОИ ТАЪРИХӢ. Қалъаи Ҳисор таърихи зиёда аз 3000-сола дорад
ТАЪРИХИ ВАТАНРО МЕОМӮЗЕМ! Имрӯз дар мавзеъҳои таърихии мамлакат Рӯзи дарҳои боз гузаронида мешавад
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир гардид
«РАҚС МОРО МУТТАҲИД МЕНАМОЯД». Таҳти чунин унвон дар Тоҷикистон фестивали байналмилалӣ доир мегардад
Дар ноҳияи Айнӣ бахшида ба зодрӯзи Қаҳрамони Тоҷикистон Садриддин Айнӣ ҳамоиши илмӣ-адабӣ баргузор гардид
ИМРӮЗ — ЗОДРӮЗИ САДРИДДИН АЙНӢ. Осори Устод Айнӣ ҳамчун сарчашмаи муҳими илмӣ ва фарҳангӣ истифода мешавад
АЙНИШИНОСЕ ПУРТАЛОШ АЗ КИШВАРИ ҲАМЗАБОН. Эҳдо ба зодрӯзи сардафтари адабиёти муосири тоҷик Садриддин Айнӣ
