ҶДММ хоҷагии зотпарварии «Саодат»-и Хуросон саршумори говҳои ҷӯшоиро ба 1000 сар мерасонад
ДУШАНБЕ, 12.08.2020 /АМИТ «Ховар»/. ҶДММ хоҷагии зотпарварии «Саодат»-и ноҳияи Хуросон саршумори говҳои ҷӯшоиро ба 1000 сар расониданист. Хоҷагӣ имрӯзҳо бо давлатҳои Чехия, Эрон, Туркия, Чин, Россия ва Беларус ҳамкорӣ ба роҳ мондааст. Ҷамъият аз Чехия дастгоҳи замонавие ворид намудааст, ки дар як вақт имкони ҷӯшидани 32 сар говро дошта, ҳаҷми истеҳсоли шир дар як шабонарӯз зиёда аз 7 ҳазору 500 литрро ташкил медиҳад. Дар ин бора аз шуъбаи иттилоотию таҳлилии дастгоҳи раиси вилояти Хатлон ба АМИТ «Ховар»хабар доданд.
Сарвари хоҷагии зотпарварии «Саодат» Иноят Холов иброз намуд, ки корхона бо маблағи 18 миллион сомонӣ дар масоҳати 14,2 гектар бунёд гашта, дар ин ҷо ду намуди чорвои калони шохдор — зоти «Сементал» ва «Голштен» парвариш меёбанд. Шумораи онҳо 730 сар буда, қариб 500 сарро модаговҳои ҷӯшоӣ ташкил медиҳанд.
Дар ферма 112 нафар бо ҷойи кор ва маоши хуб таъминанд. Мутахассисон аз тамоми шаҳру ноҳияҳои вилоят ба кор ҷалб карда шуда, бо ҷойи хоб ва се вақт хӯроки гарм таъмин мебошанд.
Дар назди хоҷагӣ коргоҳи коркарди шир фаъолият дошта, ба истеҳсоли маҳсулоти хушсифат, ба монанди кефир, ҷурғот, сметана, қаймоқ, чакка, творог, йогурт ва шир машғул мебошад.
Ёдовар мешавем, ки корхонаи мазкур тирамоҳи соли 2014 дар заминаи комбинати шири шаҳри Душанбе бо иштироки бевоситаи Пешвои миллат муҳтарам Эмомалӣ Раҳмон ба фаъолият шурӯъ намудааст.








Ҳамкории Тоҷикистон бо Фонди ОПЕК дар самти ҳифзи муҳити зист густариш меёбад
Дар Кӯлоб таҳти роҳбарии муовини Сарвазири Тоҷикистон Усмоналӣ Усмонзода ҷаласаи гурӯҳи корӣ доир шуд
Тоҷикистон ва ИМА таъсиси Шурои муштараки кориро баррасӣ намуданд
Дар Павилиони миллии Тоҷикистон дар COP31 чорабинии минтақавӣ баргузор гардид
ПАРЧАМИ ТОҶИКИСТОН — РАМЗИ ОЗОДӢ, ШАРАФ ВА ИФТИХОРИ МИЛЛАТ. Мулоҳизаҳо дар ин маврид
Дар Душанбе ҳамкории молиявии байналмилалӣ баррасӣ шуд
Байни сохторҳои мониторинги молиявии Тоҷикистону Русия ду санади ҳамкорӣ ба имзо расид
Дар доираи COP31 Тоҷикистон, Умон ва Непал роҳҳои ҳалли мушкилоти обу иқлимро баррасӣ карданд
Соли 2027 дар гузаргоҳи гумрукии ноҳияи Спитамен сохтмон ва насби таҷҳизоти сканкунии борҳо оғоз мегардад
Ҷаласаи 45-уми пленарии Гурӯҳи Авруосиё ба таъмини амнияти иқтисодию молиявӣ мусоидат менамояд
Ҳайати Тоҷикистон дар чорабинии сатҳи баланди вазирони Осиёи Марказӣ оид ба тағйирёбии иқлим иштирок намуд
Дар Фурудгоҳи байналмилалии Душанбе беш аз 3,5 кило маснуоти тиллоӣ мусодира карда шуд






