Хатлон: нафари пештар судшуда ба сокини шаҳри Бохтар 17 ҳазор сомонӣ зарар расонид
ДУШАНБЕ, 05.08.2020 /АМИТ «Ховар»/. Кормандони шуъбаи тафтишотии Раёсати Вазорати корҳои дохилӣ дар вилояти Хатлон дар баробари бурдани корҳои тафтишотӣ дар натиҷаи баррасии аризаи сокини шаҳри Бохтар як ҷинояти дуздиро ошкор намуданд. Дар ин бора аз Вазорати корҳои дохилӣ ба АМИТ «Ховар» хабар доданд.
Гумонбари ҷинояти дуздии моликияти шаҳрвандон Саймумин Абдулхайров, соли таваллудаш 1976, сокини ноҳияи Вахш, пеш суд шудаву адои ҷазо карда бошад ҳам, боз такроран даст ба ҷиноят задааст.
Охирҳои моҳи июни соли равон ҳангоми дар хонаи истиқоматии шаҳрванд Алиҷон Сафаров, сокини шаҳри Бохтар ба ҳайси устои таъмири хона қарор доштанаш ба боварии соҳибони хона даромада, аз набудани онҳо истифода намуда, маблағи 10 000 сомонӣ ва ҷавоҳироти тиллоиро тасарруф менамояд. Ӯ бо ин амал ба ҷабрдида 17 000 сомонӣ зарари моддӣ расонидааст.
С. Абдулхайров дар 2 ҳолати ҷинояти дуздӣ гумонбар дониста мешавад ва айни замон нисбат ба гумонбаршуда дар шуъбаи тафтишотии Раёсати ВКД дар вилояти Хатлон парвандаи ҷиноятӣ бо моддаи 244, қисми 2-и Кодекси ҷиноятии Ҷумҳурии Тоҷикистон оғоз гардида, тафтиш идома дорад.
Вазорати мудофиа: «Дар ҳамаи шаҳру ноҳияҳои Тоҷикистон чорабиниҳои пешаздаъватӣ доир карда мешаванд»
Фестивали ҷумҳуриявии афсарону сарбозон «Муҳофизони Ватан» баргузор мешавад
Намояндагони Тоҷикистон дар конфронси 10-уми минтақавии Ассотсиатсияи байналмилалии прокуророни генералӣ иштирок доранд
Соҳибкороне, ки худсарона нархи маҳсулоти хӯрокаро боло мебардоранд, ҷарима карда мешаванд
МАВСИМИ ОББОЗӢ ФАРО РАСИД. Волидайн фарзандони худро ҳангоми оббозӣ беназорат нагузоранд!
Котиби Шурои амнияти Тоҷикистон Юсуф Раҳмон бо Котиби давлатии Шурои амнияти Ҷумҳурии Беларус Александр Волфович мулоқот намуд
Котиби Шурои амнияти Тоҷикистон бо Мушовири Шурои амнияти миллии Ҷумҳурии Ироқ мулоқот намуд
Дар вилояти Хатлон 128 ҳодисаи садамавии роҳу нақлиёт ба қайд гирифта шуд
Дар ҷаласаи Шурои вазирони мудофиаи давлатҳои аъзои СААД ҳамкорӣ дар соҳаи ҳарбӣ баррасӣ карда шуд
Котиби Шурои амнияти Тоҷикистон дар Вохӯрии 13-уми байналмилалии намояндагони баландмақоми бахши амният иштирок намуд
Аз 29 то 31 май дар Душанбе ҳаракати воситаҳои нақлиёт муваққатан маҳдуд карда мешавад
«ЗАМИН», «МАРЗ» ВА «ВАТАН» — УНСУРҲОИ МУҚАДДАС ВА ҲАЁТАН МУҲИМ. Ба Рӯзи Қӯшунҳои сарҳадӣ бахшида мешавад
