Конфронси XIV филиали Иттифоқи ҷавонони Тоҷикистон дар Душанбе баргузор гардид

Август 18, 2020 13:45

 ДУШАНБЕ, 18.08.2020 /АМИТ «Ховар»/. 17 август дар толори «Кохи Суруш»-и пойтахт Конфронси XIV филиали Иттифоқи ҷавонони Тоҷикистон дар шаҳри Душанбе баргузор гардид. Дар он муовини Раиси шаҳри Душанбе Мавсума Муинӣ, муовини якуми Раиси Иттифоқи ҷавонони Тоҷикистон Ризо Назарзода, Раиси филиали Иттифоқи ҷавонони Тоҷикистон дар шаҳри Душанбе Шоҳзод Раҳимзода, собиқадорони соҳа ва фаъолон иштирок намуданд.

Тавре дар ин бора мутахассиси Раёсати кор бо ҷавонон ва варзиши шаҳри Душанбе Осим Муродзода  ба АМИТ «Ховар» хабар дод, ҳамоиш бо мақсади муайян намудани мавқеи созандаи ҷавонон дар рушди босуботи мамлакат, таъмини иштироки фаъолонаи онҳо дар ҳаёти сиёсиву иҷтимоӣ, иқтисодию фарҳангӣ ва чорабиниҳои сатҳи баланд роҳандозӣ шуд.

Дар Конфронси филиали Иттифоқи ҷавонони Тоҷикистон масъалаҳои фаъолияти филиали Иттифоқ дар шаш моҳи соли равон, тасдиқи меъёри намояндагӣ ва тасдиқи рӯйхати вакилон барои иштирок дар анҷумани 14-уми Иттифоқи ҷавонони Тоҷикистон  баррасӣ шуданд.

Зимни конфронс муовини Раиси шаҳри Душанбе Мавсума Муинӣ, муовини якуми Раиси Иттифоқи ҷавонони Тоҷикистон Ризо Назарзода, собиқадорони соҳа Наҳтулло Назаров ва Дилшод Музаффарзода андешаҳои худро перомуни нақши ҷавонон дар ҳаёти иқтисодиву иҷтимоӣ ва фарҳангии ҷумҳурӣ иброз намуданд.

Дар идомаи ҳамоиш як гурӯҳ собиқадорону масъулини соҳа ва вакилону фаъолон аз ҳисоби кормандони соҳаи тиб, маориф, фарҳанг, занон ва ҳайати эҷодии воситаҳои ахбори омма барои хизматҳои наҷибу арзанда дар рушди соҳа ва тарғибу ташвиқи он бо Сипоснома ва ифтихорномаҳои филиали Иттифоқи ҷавонони Тоҷикистон дар шаҳри Душанбе сарфароз гардонида шуданд.

Тибқи қарорҳои қабулнамудаи филиали Иттифоқи ҷавонони Тоҷикистон дар шаҳри Душанбе маълум гардид, ки пас аз баргузории конфронсҳои маҳаллӣ номзадии 600 нафар вакилон барои иштирок дар конфронси шаҳрӣ ва аз конфронси шаҳрӣ 380 нафар вакилон барои иштирок дар Анҷумани XIV Иттифоқи ҷавонони Тоҷикистон, ки 31 август баргузор мегардад, интихоб ва пешбарӣ гардид.

Август 18, 2020 13:45

Хабарҳои дигари ин бахш

Дар Тошканд густариши ҳамкорӣ байни муассисаҳои таҳсилоти олии касбии Тоҷикистон ва Узбекистон баррасӣ шуд
«МегаФон Life»: маблағро тариқи паёмрасон интиқол диҳед!
Дар Бадахшон масъалаи таъмири роҳҳои дорои аҳамияти маҳаллӣ баррасӣ гардид
Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад