КУМАК ДАР ДАВРАИ ПАНДЕМИЯ. Донишгоҳи миллии Тоҷикистон донишҷӯёнро аз қарз озод кард
ДУШАНБЕ, 30.08.2020 /АМИТ «Ховар»/. Донишгоҳи миллии Тоҷикистон миёни макотиби олии мамлакат аввалин шуда дар давраи пандемия ба донишҷӯёни худ кумак расонд, менависад «Sputnik» бо истинод ба нашрияи «Тоҷикистон».
Дар маҷмуъ, 2821 нафар донишҷӯёни Донишгоҳи миллии Тоҷикистон аз қарзҳои фаннӣ озод карда шуданд.
Пешниҳоди аз қарз озод намудани донишҷӯён қаблан аз ҷониби ректори донишгоҳ Қобилҷон Хушвахтзода баён шуда буд.
Намояндагони Шӯрои илмии донишгоҳ пешниҳоди ректорро дар давраи пандемия ҷонибдорӣ карданд.
Донишҷӯёни донишгоҳ дар маҷмуъ аз фанҳои гуногун 3587 адад қарз доштанд. Акнун онҳо метавонанд таҳсилро бидуни мушкил идома диҳанд.
Бино ба хабари АМИТ «Ховар», қаблан ректори Донишгоҳи славянии Россияву Тоҷикистон Тоҳир Хоҷазода иброз дошта буд, ки ҳамаи донишҷӯёни хориҷие, ки дар давоми таътили тобистона аз Тоҷикистон ба ватани худ баргашта натавонистанд, бо лавозимоти зарурӣ, аз ҷумла манзил ва хӯрок таъмин мебошанд.
Асосан шаҳрвандони Ӯзбекистон аз Тоҷикистон баромаданд, баъзеҳо ин ҷо монданд. Он донишҷӯёне, ки рафтанд, имтиҳонҳоро фосилавӣ супориданд. Шаҳрвандони Туркманистон ва Федератсияи Россия умуман аз Тоҷикистон берун нарафтаанд.
То имрӯз дар ДСРТ 574 нафар шаҳрвандони хориҷӣ аз 13 давлати ҷаҳон, аз ҷумла Озарбойҷон, Афғонистон, Қазоқистон, Полша, Федератсияи Россия, ИМА, Украина, Ҷумҳурии Корея, Чин ва Туркманистон таҳсил мекунанд.
АКС аз бойгонӣ
«ЯК МАТОВУ САД РАНГ». Фестивал-озмун имкон медиҳад, ки арзишҳои фарҳанги миллӣ ҳифз ва тарғиб карда шаванд
РӮЗИ БАЙНАЛМИЛАЛИИ ҲАДЯИ КИТОБ. Фаъолияти хуби китобхонаҳо воситаи муҳими китобхон шудани ҷомеа мегардад
ИҚДОМИ «ТОҶИКОНА МЕПӮШЕМ!». Ба либоси миллӣ – мероси аҷдодонамон арҷ мегузорем
Дар Хуҷанд масъалаи эҳё ва рушди ҳунарҳои бадеии халқӣ баррасӣ гардид
«ДИРӮЗ, ИМРӮЗ ВА ФАРДОИ ФАРҲАНГИ ТОҶИК». Таҳти чунин унвон дар Душанбе конференсияи ҷумҳуриявӣ доир гардид
Дар Тоҷикистон Озмуни ҷумҳуриявии «Роҳнамои беҳтарин» баргузор мешавад
Дар Давҳа намоиши ҳунарҳои мардумӣ ва барномаи консертии Рӯзҳои фарҳанги Ҷумҳурии Тоҷикистон доир гардид
Дар Давлати Қатар Рӯзҳои фарҳанги Ҷумҳурии Тоҷикистон идома доранд
Таҳти унвони «Робиаи Балхӣ — нахустбонуи соҳибдевони адабиёти тоҷику форс» конференсияи байналмилалӣ баргузор мешавад
Фаъолияти инноватсионӣ-методии китобхонаҳоро қонунгузории Ҷумҳурии Тоҷикистон чӣ гуна муқаррар намудааст?
«ҶАВОНОН — ЗИДДИ ТЕРРОРИЗМ». Таҳти ин унвон дар Осорхонаи миллӣ намоиши асарҳои рассомони ҷавон оғоз шуд
ПАЁМЕ, КИ НАВИДИ ПИРӮЗИҲОСТ. Иҷрои дастурҳои он роҳнамои миллати тоҷик барои фатҳи қуллаҳои нави армонҳои миллӣ аст
