ОМОДАГӢ БА ЗИМИСТОН. Обид Юсупов аз ҳисоби замини наздиҳавлигӣ оила ва бозорро бо маҳсулоти хушсифат таъмин мекунад
ДУШАНБЕ, 21.08.2020 /АМИТ «Ховар»/. Сокини деҳаи “Сарвати Истиқлол”-и ноҳияи Кӯшониён Обид Юсупов дар 0,27 гектар замини наздиҳавлигиаш 6 гармхона ташкил намудааст, ки ҳамасола аз онҳо ҳосили фаровон мегирад. Имсол кадбонуи ин хонадон аз маҳсулоти рӯёнидаи худӣ зиёда аз 400 зарф хӯришҳои гуногун ва анвои мухталифи мураббо захира намуд. Дар ин бора аз мақомоти иҷроияи ҳокимияти давлатии вилояти Хатлон ба АМИТ «Ховар» хабар доданд.
Раиси вилояти Хатлон Қурбон Ҳакимзода зимни боздид аз замини наздиҳавлигии Обид Юсупов ба ӯ барои меҳнати арзандааш таҳсин хонд. Обид Юсупов бо вуҷуди он ки касби барқчиро соҳиб аст, замини наздиҳавлигиашро самаранок истифода бурда, дар гармхонаҳояш помидор, қаланфури булғорӣ, боимҷон, лӯбиё, маккаи дон ва дигар намуди сабзавот мекорад. Дар қисмати дигари замини наздиҳавлигӣ ӯ боғча бунёд кардааст, ки дар он дарахтони шафтолу, анҷир, хурморо барои аҳли оила парвариш менамояд.
Ба гуфти номбурда, айни замон дар гармхонаҳо ҳосили дуюми бодиринг ва помидор нашъунамои хуб дошта, барои таъмини бозор бо ин навъи сабзавот омода гардидаанд. Бодирингҳои гармхонаи мавсуф аллакай дубарга шудаанд.
Раиси вилояти Хатлон Қурбон Ҳакимзода ин амали Обид Юсуповро барои дар амал татбиқ намудани даъвати Пешвои миллат ва истифодаи самарабахши қитъаи замини наздиҳавлигӣ ҷиҳати захираи маводи ғизоӣ намунаи ибрат хонда, ба ин хонавода туҳфа тақдим намуд.
Ёдовар мешавем, ки 25 июли соли равон Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон зимни сафари корӣ дар ноҳияи Данғараи вилояти Хатлон бо назардошти вазъи кунунии ҷомеаи ҷаҳонӣ, паҳншавии пандемияи коронавирус, таъсири манфии омилҳои беруна ба иқтисоди миллӣ ба Ҳукумати мамлакат, вазорату идораҳо оид ба захираи маводи ғизоӣ, афзоиши содироти маҳсулоти кишоварзӣ супориш ва ба мардуми мамлакат барои истифодаи самараноки заминҳои наздиҳавлигӣ, рӯёнидани ду-се ҳосил ва ба таври кофӣ захира кардани маводи ғизоӣ дар хонаҳояшон дастуру ҳидоятҳо доданд.
Пешвои миллат ҳамчунин даъват намуданд, ки бояд ҳар як оила барои то ду сол захира намудани маводи ғизоӣ ва риояи сарфаю сариштакорӣ тадбирҳои муҳиму саривақтӣ андешад.
НАЗАРИ КОРШИНОС. Тоҷикистону Покистон имкон доранд ҳамкории судмандро дар соҳаҳои саноату кишоварзӣ густариш бахшанд
Дар доираи «Лоиҳа оид ба асосҳои рақамӣ дар Ҷумҳурии Тоҷикистон» Ёддошти ҳусни тафоҳум ба имзо расид
Корхонаи «Сирдарё» дар як шабонарӯз то 5 ҳазор қуттӣ шарбату афшура омода мекунад
Дар Ҷаласаи гурӯҳи электорати Хазинаи байналмилалии асъор ва Бонки ҷаҳонӣ ба масъалаи бунёди неругоҳҳои бодӣ ва офтобӣ таваҷҷуҳ зоҳир гардид
Дар рӯзномаи арабии «Аш-Шарқ ал-Авсат» мусоҳибаи раиси Кумитаи давлатии сармоягузорӣ ва идораи амволи давлатии Тоҷикистон нашр гардид
ХАТСАЙРИ ДУШАНБЕ-ИСЛОМОБОД. Нахустин парвози ширкати ҳавопаймоии Тоҷикистон «Сомон Эйр» ба Покистон анҷом дода шуд
Дар Вазорати молияи Тоҷикистон бо ноибони президентҳои Бонки ҷаҳонӣ ва Корпоратсияи Байналмилалии Молиявӣ мулоқот доир гардид
Ноиби Президенти Бонки ҷаҳонӣ Антонелла Бассани: «Дар самти таъмини оби нушокӣ хамкориро тақвият мебахшем»
Институтҳои молиявии ҷаҳонӣ ҳамкории самаранокро бо Тоҷикистон идома медиҳанд
«CASA-1000». Вазири энергетикаи Тоҷикистон ва Губернатори Хайбар-Пахтунхваи Покистон ҳамкории энергетикиро дар доираи ин тарҳ баррасӣ намуданд
Ифтитоҳи намояндагиҳои бонкҳои Озарбойҷон дар Тоҷикистон дар мулоқоти роҳбарони бонкҳои марказии ҳар ду давлат баррасӣ шуд
