СУТ тавсия медиҳад, ки кӯдакони аз синни 12 боло ниқоб бипӯшанд

Август 24, 2020 10:11

ДУШАНБЕ, 24.08.2020 /АМИТ «Ховар»/. Коршиносони Созмони умумиҷаҳонии тандурустӣ (СУТ) ба ин назаранд, ки бо мақсади пешгирии тавсеаи COVID-19 кӯдакони аз синни 12 боло, мисли калонсолон  бояд ниқоб бипӯшанд. Тавре ки АМИТ «Ховар» хабар медиҳад, дар ин хусус Reuters иттилоъ додааст.

Тавсияи мазкур дар санади муштараки СУТ ва Бунёди кӯдакони Созмони Милали Муттаҳид (ЮНИСЕФ) дарҷ шудааст. Кӯдакони 12- сола ва болотар аз он бояд ниқоб бипӯшанд, агар имконияти тазмини риояи фосилаи иҷтимоӣ вуҷуд надошта бошад, чунин назар доранд мутахассисони ташкилот.

Таҳқиқот нишон медиҳад, ки кӯдакони синни болоӣ дар муқоиса бо кӯдакони хурдсол, эҳтимол метавонанд дар интиқоли уфунати коронавируси нав нақши фаъолтар дошта бошанд.

Илова бар ин коршиносон ба ин тавофуқ расидаанд, ки зарурати воситаҳои муҳофизатиро истифода намудани кӯдакони то 11-сола ба чандин омилҳо бастагӣ дорад, аз ҷумла суръат ва шиддати интиқоли уфунат дар маҳали сукунат, дастрасӣ ба ниқобҳо, инчунин ҳамкории мутақобилаи кӯдак бо одамоне, ки дар гурӯҳи хатар шомил мебошанд.

Дар ҳамин ҳол СУТ ва ЮНИСЕФ муътақиданд, ки аз кӯдакони аз панҷсола хурдтар набояд талаб карда шавад, ки ниқоб бипӯшанд.

13 июл роҳбари гурӯҳи техникии воҳиди ҳолатҳои фавқулодаи СУТ Мария Ван Керкхове иброз намуда буд, ки кӯдакони то 10-сола аз ҳама камтар ба коронавирус гирифтор мешаванд ва COVID-19 -ро ба осонӣ мегузаронанд.

Тавсеаи короновируси SARS-CoV-2, ки боиси хуруҷи COVID-19 гардид, моҳи декабри  соли гузашта шурӯъ шуда буд. Манбаи сироятёбӣ шаҳри   Ухани Чин гардид. Дар чанд моҳ беморӣ бештар аз 210 кишвари ҷаҳонро фаро гирифт. 11 март СУТ пандемияи коронавирусро эълон намуд.

Мутобиқи маълумоти охирини Донишгоҳи Ҷонс Хопкинс, ки омори COVID-19 -ро ҷамъоварӣ ва таҳлил менамояд, ҳамагӣ дар ҷаҳон 23 млн ҳолати сироятёбӣ сабт шудааст.

АКС аз бойгонии АМИТ «Ховар»

Август 24, 2020 10:11

Хабарҳои дигари ин бахш

Президенти Тоҷикистон: «Ҷашни Наврӯз ва истиқлолу озодӣ – ин ду мафҳуми барои ҳар яки мо азизу муқаддас аст»
«КАЪБА ЧӢ МЕРАВӢ, ДИЛЕРО ДАРЁБ…». Андешаҳо дар ҳошияи мулоқоти Президенти Тоҷикистон бо фаъолону намояндагони ҷомеа ва ходимони дин
Пешвои миллат: «Боиси ифтихор аст, ки Наврӯз – калимаи асили тоҷикӣ, яъне «рӯзи нав» ҳоло барои миллионҳо аҳолии сайёра ҳамчун рӯзи ҷашни фархунда вирди забон аст»
Эмомалӣ Раҳмон: «Наврӯз аз ҷумлаи бузургтарин ва маҳбубтарин ҷашнҳои тоҷикон мебошад»
СИЁСИШАВИИ ДИН — ХАТАР БА ФАРҲАНГИ МИЛЛӢ ВА СУБОТИ ҶОМЕА. Андешаҳои профессор Нозим Маҳмадизода дар ин мавзуъ
Президенти Тоҷикистон: «Бо назардошти шароити замона анъанаи неки гузаштагон – сарфаю сариштакориро бояд риоя намоем»
Сулаймон Талбакзода: «Дарси хештаншиносӣ ва хизмат ба халқу Ватанро аз Пешвои миллат бояд омӯзем»
Президенти Тоҷикистон: «Мушкилоти таъмини аҳолии сайёра бо озуқаворӣ моро водор менамояд, ки ҳар қитъа заминро оқилонаву самаранок истифода барем»
Пешвои миллат Эмомалӣ Раҳмон: «Ойинҳои наврӯзӣ аҳли башарро ба таҳаммулгароӣ, бунёдкориву созандагӣ ҳидоят менамоянд»
Пешвои миллат: «Дар шароити кунунӣ зарур аст, ки ба кишти такрорӣ, гирифтани се – чор ҳосил аз заминҳои обӣ эътибори аввалиндараҷа дода шавад»
Наврӯз дар баробари забони тоҷикӣ бунёди худшиносии тоҷиконро низ ташаккул додааст
Пешвои миллат Эмомалӣ Раҳмон: «Мақому ҷойгоҳи Наврӯз он қадар баланд буд, ки ҳеҷ монеа ва қуввае онро натавонист аз байн барад»