Вилояти Суғд омодаи ҳамкорӣ бо сармоягузорони украинӣ дар соҳаҳои кишоварзӣ ва саноат аст
ДУШАНБЕ, 19.08.2020 /АМИТ «Ховар»/. Зимни мулоқоти Раиси вилояти Суғд Раҷаббой Аҳмадзода бо Сафири Фавқулода ва Мухтори Украина дар Ҷумҳурии Тоҷикистон Василий Серватюк иброз гардид, ки Суғд дорои имкониятҳои фаровон буда, сармоягузорони украинӣ метавонанд дар соҳаҳои кишоварзиву саноат ва дорусозӣ бо вилоят ҳамкории самаранок ба роҳ монанд. Дар ин бора аз мақомоти иҷроияи ҳокимияти давлатии вилояти Суғд ба АМИТ “Ховар” хабар доданд.
Зимни суҳбат ҷонибҳо бо ёдоварӣ аз муносибатҳои дӯстонаи Тоҷикистон ва Украина оид ба густариши ҳамкорӣ ва тақвияти муносибатҳои иқтисодӣ мубодилаи афкор намуданд.
Зикр шуд, ки барои коркард ва банду басти меваву сабзавот, асал, пахта ва таъсиси корхонаҳои муштарак дар самти истеҳсоли либос ва доруворӣ заминаҳои мусоид фароҳам буда, ҷонибҳо метавонанд бо амалисозии лоиҳаҳои муштарак ба равобити дуҷониба густариш бахшанд.
Василий Серватюк бо изҳори ташаккур аз истиқболи гарму самимӣ омодагии кишварашро барои тақвияти ҳамкорӣ баён дошт. Гуфта шуд, ки маҳсулоти кишоварзии дар Тоҷикистон истеҳсолшаванда аз ҷиҳати экологӣ тоза буда, бо ба роҳ мондани коркарди навъҳои гуногуни он метавон онро содирот кард.
Ҷонибҳо ҳамзамон дурнамои ҳамкориро баррасӣ карда, ҳавасмандии худро барои беҳтар намудани робитаҳои тиҷоративу иқтисодӣ баён доштанд.
Дар Бадахшон ҳаҷми истеҳсоли маҳсулоти кишоварзӣ беш аз 225 миллион сомониро ташкил дод
Дар Тоҷикистон шумораи занони соҳибкор ва роҳбарони хоҷагиҳои деҳқонӣ афзоиш меёбад
Бонки ҷаҳонӣ татбиқи Барномаи «Дастгирии сиёсати рушди устувор — Тоҷикистони рақобатпазир ва фарогир»-ро тасдиқ намуд
Агентии назорати давлатии молиявӣ ва мубориза бо коррупсия ба маблағи беш аз 624 миллион сомонӣ зарари молиявӣ ошкор намуд
Даромади буҷети Вилояти Мухтори Кӯҳистони Бадахшон 105,1 фоиз иҷро гардидааст
ҲИСОББАРОБАРКУНИИ ҒАЙРИНАҚДӢ. 3,5 миллион амалиёти пардохти андоз ва боҷҳо ба таври ғайринақдӣ анҷом дода шуд
Дар Душанбе тавсеаи ҳамкории Тоҷикистон бо JICA баррасӣ гардид
Зернизоми идораи эътимод бо истифода аз модули иловагии «Data mining» мавриди истифода қарор гирифт
Султон Раҳимзода ҷониби Қазоқистонро барои иштирок дар Форуми байналмилалии сармоягузории «Душанбе-Инвест 2025» даъват намуд
Хадамоти гумруки Тоҷикистон: дар содироти молҳои ватанӣ вазни қиёсии асосиро сурма ва маҳсулоти он дар ҳаҷми 30,4 фоиз ташкил медиҳад
Ҳаҷми Маҷмуи маҳсулоти дохилии ноҳияи Ёвон ба беш аз 1,5 миллиард сомонӣ расид
Дар Остона ҷаласаи 19-уми Комиссияи байниҳукуматии Тоҷикистону Қазоқистон оид ба ҳамкории иқтисодӣ доир шуд
