COVID-19. Дар шаҳри Бохтар таҳти раёсати муовини Сарвазири мамлакат Ширин Исматуллозода ҷаласаи Ситоди вилоятӣ доир гардид
ДУШАНБЕ, 04.09.2020. /АМИТ «Ховар»/. Имрӯз таҳти раёсати муовини Сарвазири Ҷумҳурии Тоҷикистон Ширин Исматуллозода дар шаҳри Бохтар ҷаласаи Ситоди вилоятӣ оид ба интиқол, пешгирӣ ва паҳншавии бемории сироятии коронавирус баргузор гардид. Дар ин бора АМИТ «Ховар» бо истинод ба шуъбаи иттилотию таҳлилии Мақомоти иҷроияи ҳокимияти давлатии вилояти Хатлон хабар медиҳад.
Муовини Сарвазири мамлакат оид ба дастуру супоришҳои Раиси Ситоди ҷумҳуриявӣ ва пешгирии мавҷи дуюми коронавируси нав ибрози андеша намуда, иброз дошт, ки бо назардошти авҷи марҳилаи дуюми ин беморӣ аз баргузории ҳама гуна чорабиниҳо муваққатан худдорӣ карда шуда, корҳои пешгирикунанда вусъат дода шаванд.
Ширин Исматуллозода зикр намуд, ки дар ҳамаи муассисаҳои таълимӣ ҷиҳати пешгирии бемории мазкур корҳои профилактикӣ ва санитарию эпидемиологӣ пурзӯр карда шаванд ва сокинон, аз ҷумла хонандагон ҳатман аз ниқоби муҳофизатӣ истифода намоянд. Чунки як омили пешгирикунандаи ин беморӣ риояи гигиенаи шахсӣ ва истифодаи ниқобҳои муҳофизатӣ мебошад.
Ҳамчунин муовини Сарвазири мамлакат дар ноҳияҳои Ҷалолиддини Балхӣ ва Дӯстӣ аз фаъолияти муассисаҳои таълимӣ, тиббӣ, беморхона ва марказҳои саломатӣ, ҷараёни гардиши усулҳои хона ба хона, захираи маводи доруворӣ, дар ҳолати омодабош қарор доштани катҳои бистарӣ боздид ба амал оварда, ба масъулин дастур дод, ки корҳои зиддиэпидемикӣ дар ҳамаи шаҳру ноҳияҳои вилоят тезонида шаванд.
Фиристодаи махсуси СММ: «Давлатҳо бояд сиёсатҳо ва амалҳоро тағйир дода, сармоягузорӣ ва татбиқи лоиҳаҳоро дар соҳаи идораи захираҳои обӣ ба роҳ монанд»
Ҷоизаи байналмилалии Президенти Ҷумҳурии Тоҷикистон дар соҳаи об таъсис дода шуд
Сарвазири Бурунди: «Тоҷикистон ба маркази муколамаи глобалӣ оид ба масъалаҳои об табдил ёфтааст»
Пешвои миллат: ««Чаҳорчӯби Душанбе барои об» муҳаррики пешбурди Рӯзномаи ҷаҳонии об пас аз соли 2030 хоҳад шуд»
Президенти Тоҷикистон: «Талаботи ҷаҳон ба оби ошомиданӣ то соли 2050 ҳадди ақалл 25 фоиз зиёд мешавад»
РАВАНДИ ОБИ ДУШАНБЕ. Ба Конфронси чоруми оби Душанбе беш аз 150 волонтёри ҷавон ҷалб гардидааст
ТАЪРИХ ГУВОҲ АСТ… Эҳдо ба 35-солагии Истиқлоли давлатии Ҷумҳурии Тоҷикистон
Стратегияи рушди соҳаи алоқа, барномаҳои давлатӣ ва омодагӣ ба 35-солагии Истиқлоли давлатӣ дар маҷлиси Ҳукумат баррасӣ гардид
Президенти Тоҷикистон аз афзоиши тӯфонҳои чанголуд дар минтақаи Осиёи Марказӣ изҳори нигаронӣ намуданд
ТАШАББУСҲОИ МОНДАГОРИ ПЕШВОИ МИЛЛАТ ДАР ШИНОХТ ВА МУАРРИФИИ ТАЪРИХУ ТАМАДДУНИ ОРИЁӢ
Меҳрномаи як ҳамзабон ба Пешвои тоҷикони ҷаҳон Эмомалӣ Раҳмон
ПАРЧАМИ НАНГУ НОМИ МО. Аз барафрохтани Парчами давлатии Тоҷикистон дар шаҳри Душанбе 14 сол сипарӣ гардид
