Дар Маҷлиси намояндагон конференсияи онлайнии Гурӯҳи дӯстӣ ва ҳамкорӣ баргузор гардид
ДУШАНБЕ, 15.09.2020 /АМИТ «Ховар»/. Имрӯз конференсияи онлайнии Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо ҳамтоёнашон аз Палатаи қонунгузории Олий Маҷлиси Ҷумҳурии Ӯзбекистон баргузор гардид. Дар ин бора котиби матбуоти Маҷлиси намояндагон Муҳаммадато Султонов ба хабарнигори АМИТ «Ховар» София Шоик иттилоъ дод.
Дар мулоқоти маҷозӣ тарафҳо доир ба равобити мутақобилан судманди Тоҷикистон ва Ӯзбекистон суҳбат намуда, зикр карданд, ки муносибатҳои ду давлати ба ҳам дӯст дар марҳилаи навин аз рушди иқтисоду тиҷорат то шарикии стратегӣ расида, дар беҳтар гардидани сатҳи муносибатҳои тарафайн ва зиндагии шоистаи мардумони кишварҳо нақши созгор гузоштаанд.
Муовини Раиси Палатаи қонунгузории Олий Маҷлиси Ҷумҳурии Ӯзбекистон Улуғбек Иноятов ва ҳамзамон роҳбари Гурӯҳи дӯстии парламенти Ӯзбекистон аз ҳамкории давлатҳои Ӯзбекистон ва Тоҷикистон дар марҳилаи навин ситоиш намуда, зикр кард, ки “ин шакли муносибат аз мо, вакилони мардумӣ тақозо менамояд дар раванди кори худ ба дӯстии давлатҳоямон равнақ бахшем”.
Муовини Раиси Маҷлиси намояндагони Маҷлиси Олии Ҷумҳурии Тоҷикистон ва роҳбари Гурӯҳи дӯстӣ ва ҳамкории Маҷлиси намояндагони Маҷлиси Олии Ҷумҳурии Тоҷикистон бо Палатаи қонунгузории Олий Маҷлиси Ҷумҳурии Ӯзбекистон Дилрабо Мансурӣ изҳор намуд, ки “рушди муносибатҳои тарафайн аз муносибатҳои неку дурбинонаи Сарварони ду давлати ба ҳам дӯст- Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва Президенти Ҷумҳурии Ӯзбекистон Шавкат Мирзиёев сарчашма гирифта, дар тамоми самтҳои муносибатҳои давлатдориямон дастовардҳо ба бор овардааст”.
Мавсуф таъкид намуд, ки “мо ба муносибатҳои неки ҳамсоядориямон ҳамеша арҷ гузошта, талош менамоем ба таҳкими муносибатҳои байнидавлатӣ мусоидат намоем”.
Ҳамзамон доир ба табодули таҷрибаи тарафайн дар рушди қонунгузорӣ ва парламентаризм суҳбатҳо доир гардид.
15 декабр иҷлосияи чоруми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мешавад
16 декабр ҷаласаи якуми якҷояи Маҷлиси миллӣ ва Маҷлиси намояндагони Маҷлиси Олӣ, даъвати ҳафтум баргузор мегардад
Дар иҷлосияи дуюми Маҷлиси намояндагон ба ду қонун тағйиру илова ворид карда шуд
15 декабр иҷлосияи чоруми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мешавад
Созишнома байни Ҳукумати Ҷумҳурии Тоҷикистон ва Ҳукумати Федератсияи Русия дар бораи таъсиси парки саноатӣ дар Тоҷикистон ба тасвиб расид
Дар Маҷлиси намояндагон бахшида ба Рӯзи таъсиси Ҳизби Халқии Демократии Тоҷикистон ҳамоиш доир шуд
Муовини Раиси Маҷлиси намояндагон бо муовини Вазири умури хориҷаи Эрон оид ба корҳои консулӣ ва парлумонӣ вохӯрӣ намуд
Ҷаласаи навбатии Шурои Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Дар кумитаи Маҷлиси миллӣ оид ба иқтисодиёт ва коммуникатсия се қонун мавриди баррасӣ қарор гирифт
Аъзои Кумитаи Маҷлиси миллӣ оид ба масъалаҳои аграрӣ, шуғли аҳолӣ ва экология ду қонунро ба Шурои Маҷлиси миллӣ пешниҳод намуданд
Доир ба заминаҳои қонунгузории гузариш ба иқтисоди рақамӣ ҳамоиш баргузор гардид
Владимир Путин бо раисони парламентҳои давлатҳои аъзои Созмони Аҳдномаи амнияти дастҷамъӣ мулоқот намуд
