Ғолибони Чемпионати Тоҷикистон оид ба шиноварӣ муайян шуданд

Сентябрь 16, 2020 10:00

ДУШАНБЕ, 16.09.2020. /АМИТ «Ховар»/. Дар ҳавзи шиноварии Мактаби ҷумҳуриявии махсуси варзишӣ оид ба намудҳои обӣ Чемпионати Ҷумҳурии Тоҷикистон оид ба шиноварӣ баргузор гардид. Дар мусобиқа 60 тан шиноварони беҳтарини ҷумҳурӣ иштирок карданд. Рақобатҳо миёни калонсолон ва ҷавонон роҳандозӣ карда шуд. Дар ин бора намояндаи расмии Кумитаи миллии олимпии Тоҷикистон Умаралӣ Сафаралӣ ба шореҳи варзиши АМИТ «Ховар» хабар дод.

Имсол Чемпионати Ҷумҳурии Тоҷикистон оид ба шиноварӣ дар Мактаби ҷумҳуриявии махсуси варзишӣ оид ба намудҳои обӣ се рӯз идома кард. Дар мусобиқа духтарон фаъол буда, барои ишғоли мақомҳои ифтихорӣ мубориза бурданд. Дар рӯзи сеюми баргузории мусобиқа қувваозмоиҳо бештар миёни калонсолон, ҷавонон ва духтарон баргузор гардиданд, ки ин навъи шиноварӣ ҷолибу диданӣ аст.

Давоми се рӯз рақобатҳо миёни дастпаварони се мактаб — Мактаби ҷумҳуриявии махсуси варзишӣ оид ба намудхои обӣ, Мактаби махсуси варзишии захираҳои олимпии рақами 4 оид ба шиноварӣ ва ҷаҳиш ба оби пойтахт ва ҳавзи шиноварии шаҳри Хуҷанд шадид ҷараён гирифтанд, ки дар ниҳоят аксар мақомҳои ифтихориро низ маҳз шиноварони ин муассисаҳо ба даст оварданд.

Ғолибони мусобиқа бо медалу ифтихорномаҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон қадрдонӣ карда шуданд.

Сентябрь 16, 2020 10:00

Хабарҳои дигари ин бахш

Дастаи Академияи футболи ФФТ дар Мусобиқаи «Ҷоми Қошғар» сазовори ҷои дуюм гардид
Дар Душанбе Чемпионати Ассотсиатсияи волейболи Осиёи Марказӣ (CAVA) оғоз гардид
Дастаи мунтахаби Тоҷикистон оид ба футбол дар Мусобиқаи «CAFA Nations Сup 2025» иштирок мекунад
Дар Душанбе Чемпионати Ассотсиатсияи волейболи Осиёи Марказӣ оид ба волейбол байни духтарони то 16-сола баргузор мегардад
Конфедератсияи футболи Осиё тақвими бозиҳои марҳилаи интихобии Ҷоми Осиё-2026 оид ба футзалро тасдиқ намуд
ФУТБОЛ. Пагоҳ дар Душанбе марҳилаи интихобии Ҷоми Осиё-2026 байни дастаҳои занона дар гурӯҳи «H» оғоз мешавад
Рақибони дастаи мунтахаби футзали Тоҷикистон дар марҳилаи интихобии Ҷоми Осиё-2026 маълум шуданд
Дастаи мунтахаби футзали Тоҷикистон дар бозии дӯстона боз бар тими Амороти Муттаҳидаи Араб ғалаба кард
ФУТБОЛ. Фонди ҷоизавии мусобиқаи «Ҷоми Ҷавонӣ-2025» 60 ҳазор сомониро ташкил медиҳад
Бозии дӯстона байни дастаҳои мунтахаби олимпии Тоҷикистон ва Қирғизистон мусовӣ анҷом ёфт
ФУТБОЛ. Истиқлол» бар «Регар-ТадАЗ» ва «Вахш» бар «Хуҷанд» ғалаба намуд
ФУТЗАЛ. Дастаи мунтахаби Тоҷикистон дар бозии дӯстона бо тими мунтахаби Амороти Муттаҳидаи Араб ғолиб омад