«Дафтари ишқ»-и Камоли Хуҷандӣ ба забони немисӣ ба нашр расид
ДУШАНБЕ, 09.10.2020 /АМИТ «Ховар»/. «Дафтари ишқ»- чунин ном гирифтааст, китоби тозанашре, ки дар нашриёти «Ношир» ба тозагӣ рӯи чоп омад. Дар китоб бори аввал тарҷумаи 50 шеъри шоири классикии тоҷику форс Шайх Камоли Хуҷандӣ ба забони немисӣ манзури хонандагон гардонида шудааст, ки он идомаи мантиқии китоби «Ишқи минӯӣ» мебошад.
Мутарҷими нозуктабъ Александр Ҳайзер саъй намудааст, ки ашъори шоири ғазалсарои тоҷикро ба матни асл наздиктар тарҷума намуда, дар ғазалҳо қолаби бадеии авваларо ҳифз намояд. Азбаски баргардони низоми арӯзии ғазалиёти Камол ба забони немисӣ амалан имконпазир нест, ӯ кӯшиш намудааст, то маонии матлубро дар қолабҳо ва авзони дигари шеърӣ ҷой диҳад ва бад-ин васила хонандаи немисизабонро бо яке аз бузургтарин шоирони Шарқ – Шайх Камоли Хуҷандӣ шинос намояд.
Дар китоб ғазалҳо ҳам ба забони тоҷикӣ ва ҳам ба хати форсӣ ҷой дода шудаанд. Китоби «Дафтари ишқ» бо ибтикори «Маркази илмии Камоли Хуҷандӣ» ба ифтихори 700-солагии Шайх Камоли Хуҷандӣ интишор гардидааст.
Дар шаҳри Ҳисор даври сеюми Озмуни ҷумҳуриявии «Фурӯғи субҳи доноӣ китоб аст» идома дорад
Дар Осорхонаи миллӣ таҳти унвони «Абуалӣ ибни Сино – мутафаккири бузурги халқи тоҷик» намоиши ҷумҳуриявӣ ифтитоҳ ёфт
Вазири маориф ва илм бо ҷараёни даври сеюми Озмуни ҷумҳуриявии «Фурӯғи субҳи доноӣ китоб аст» шинос шуд
Дар шаҳри Бохтар «Муассисаи давлатии маҷмааи таърихии Бибихонум» таъсис дода шуд
Густариши ҳамкории илмию таҳқиқотии Тоҷикистон ва Фландрия баррасӣ гардид
Дар Бадахшон даври вилоятии Озмуни ҷумҳуриявии «Фурӯғи субҳи доноӣ китоб аст» оғоз гардид
Мониторинги радиатсионии дараи Уреҷи кӯҳҳои Фон мавриди таҳлил ва омӯзиш қарор дода шуд
Дар Ҳисор даври минтақавии Озмуни ҷумҳуриявии «Фурӯғи субҳи доноӣ китоб аст» оғоз ёфт
Иқтидори сайёҳию рекреатсионии Тоҷикистон дар доираи таҳқиқи арзишманд муаррифӣ гардид
Дар Хатлон даври вилоятии озмуни ҷумҳуриявии «Фурӯғи субҳи доноӣ китоб аст» оғоз гардид
Дар шаҳри Хуҷанд даври вилоятии Озмуни ҷумҳуриявии «Фурӯғи субҳи доноӣ китоб аст» оғоз ёфт
Дар Душанбе даври шаҳрии озмуни ҷумҳуриявии «Фурӯғи субҳи доноӣ китоб аст» оғоз шуд
