Дар Хуҷанд бо сабаби идома ёфтани ҳолатҳои сироятёбӣ аз коронавирус қоидаҳои гузаронидани тӯйҳо шадидтар мешаванд

Октябрь 21, 2020 13:32

ДУШАНБЕ, 21.10.2020 /АМИТ «Ховар»/. 45% одамоне, ки дар маросими тӯйӣ иштирок доштаанд, маҳз дар ҳамин маъракаҳо ба коронавирус гирифтор шудаанд. Дар ин бора дирӯз дар ҷаласаи фаъолони шаҳри Хуҷанд оид ба ҷамъбасти натиҷаҳои 9 моҳи соли равон хабар дода шуд. Раиси шаҳр Маъруф Муҳаммадзода аз масъулин ва сохторҳои давлатӣ талаб кард, ки назорати риояи меъёрҳои  муҳофизатиро дар давраи пандемия пурзӯр кунанд, иттилоъ медиҳад хабарнигори АМИТ «Ховар» дар вилояти Суғд.

Муовини раиси шаҳр Фирӯза Нуруллозода омори марбут ба тасеаи коронавирусро эълон кард. Вай иброз намуд, ки аз оғози пандемия дар маркази маъмурии вилояти Суғд 4650 ҳолати сироятёбӣ бо COVID-19 сабт шудааст.

«Айни замон 128 нафар бо илтиҳоби шадиди шуш бистарӣ шудаанд, 64 нафар бо ҳамин ташхис дар поликлиникаҳо табобат мегиранд ва 35 нафар мубталоёни COVID-19 ба таври амбулаторӣ табобат мешаванд. Барои пешгирӣ аз тавсеаи беморӣ тавассути одамони сироятёфта, аъзои оила ва дигарон корҳои фаҳмондадиҳӣ гузаронида шуданд», — гуфт Нуруллозода.

Мутобиқи омор, қариб 45% одамони гирифтори коронавирус маҳз дар тӯйҳо сироят ёфтаанд ва 28% — аз хешовандони худ.

Раиси шаҳри Хуҷанд Маъруф Муҳаммадзода аз суръати тавсеаи коронавирус дар минтақа изҳори нигаронӣ ва амр намуд, ки дар бораи тамоми ҳолатҳои вобаста ба муносибати бемасъулиятонаи раисони маҳаллаҳо дар соҳаи тандурустӣ гузориш пешниҳод намоянд ва огоҳ кард, ки дар сурати вайрон намудани қоидаҳо фавран онҳо аз кор озод хоҳанд шуд.

Бо сабаби идома ёфтани ҳолатҳои сироятёбии одамон ба коронавируси нав дастур дода шуд, ки тамоми чорабиниҳои идона, хусусан тӯйҳо таҳти назорати хос гирифта шаванд, чунки маҳз дар онҷо аз ҳама бештар ҳолатҳои вайрон намудани қоидаҳо ба қайд гирифта мешаванд.

“Агар одамон қоидаҳоро риоя накунанд, мо маҷбур мешавем, ки тӯйҳоро манъ кунем. Ҳангоми додани иҷозат барои гузаронидани чорабинӣ бояд ҳатман аризаи ташкилкунандагони он дар бораи он ки онҳо уҳдадор мешаванд, ки меъёрҳои санитариро риоя намоянд, гирифта шавад», — иброз намуд раиси шаҳр.

Муҳаммадзода зикр  кард, ки мардум дигар аз ҷавобгарии маъмурӣ наметарсанд ва имрӯз бисёриҳо омодаанд, ки ба ивази иҷро намудани тамоми қоидаҳои санитарӣ маблағи ҷаримаро дар ҳаҷми 200-300 сомонӣ пардохт намоянд.

Раиси шаҳр таъкид кард, ки агар ин ҳолат идома ёбад — маблағи ҷарима зиёд хоҳад шуд. Дар ҳамин ҳол дастур дода шуд, ки аксбардорӣ ва сабти видеоӣ дар дохили идораи сабти аҳволи шаҳрвандӣ манъ карда шавад ва танҳо чор нафар — арӯсу домод ва шоҳидони онҳо ба толори ақди никоҳ роҳ дода шаванд.

Муҳаммадзода инчунин амр додааст, ки фаъолияти марказҳои фароғатӣ, бозорҳо ва марказҳои савдое, ки дар онҳо қоидаҳои гигиенӣ риоя намешаванд, боздошта шавад.

Ёдовар мешавем, ки вазъи коронавирус дар тамоми ҷаҳон мураккаб аст. Дар бисёр кишварҳо, алахусус дар Аврупо маҳдудияти нав ҷорӣ карда мешаванд.

                                                                                     АКС: Reuters

 

Октябрь 21, 2020 13:32

Хабарҳои дигари ин бахш

Гӯштини тоҷикӣ мақоми байналмилалӣ гирифт
ЭҲЁИ ҶАШНИ САДА ДАР ТОҶИКИСТОНИ СОҲИБИСТИҚЛОЛ. Мулоҳизаҳои мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Масрур Абдуллозода
ТАВОНО БУВАД, ҲАР КӢ ДОНО БУВАД (андешаҳо перомуни Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон)
ОБШАВИИ ПИРЯХҲО-МУШКИЛИ ҶАҲОНӢ. Пешниҳодҳо ва саҳми дурахшони Президенти Тоҷикистон дар масъалаи пешгирии маҳви пиряхҳои сайёра назаррас аст
ПАЁМ НАВИДЕ ФАРАҲБАХШ. Бардоштҳои мушовири бахши Ёрдамчии Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Муҳиддин Пайшанбезода дар ин бора
SIM-КОРТҲОЯТОНРО ДАР ВАҚТАШ АЗ ҚАЙД ГУЗАРОНЕД! Хабарнигори АМИТ «Ховар» бори дигар ба таваҷҷуҳ мерасонад, ки барои ин кор кадом ҳуҷҷатҳо заруранд
ЭҲТИЁТ: САКТАИ ДИЛ АЗ САРДӢ! Табиби қалб ба АМИТ «Ховар» доир ба сабабҳои авҷ гирифтани бемориҳои дилу рагҳо дар фасли зимистон маълумот дод
БИШКЕК ДАР САДРИ РӮЙХАТИ 100 ШАҲРИ ДОРОИ ҲАВОИ ОЛУДА ҚАРОР ГИРИФТ. Миёни чанд шаҳри ИДМ, ки ба ин феҳрист шомил шудаанд, ягон шаҳри Тоҷикистон нест
АМАЛИ ХАЙР ВА ИБРАТОМӮЗ! Дар Мастчоҳ ба беш аз 200 нафар кормандони идораи роҳ ва хоҷагии манзилию коммуналӣ, ки дар паи рафъи пайомадҳои бориши барф буданд, хӯроки гарм дода шуд
Дар Тоҷикистон нархи гази моеъ тақрибан 50% поён рафт
БА БИНОҲО НАЗДИК НАШАВЕД! КҲФ ва МГ аз сокинон даъват ба амал овард, ки чораҳои бехатариро риоя намоянд
ПАЁМИ ФАРОГИР ВА ДУРНАМОИ РУШДИ КИШВАР БО ТАШАББУСҲОИ ҶАҲОНӢ. Мулоҳизаҳои Президенти Академияи миллии илмҳои Тоҷикистон дар ҳошияи Паёми Сарвари давлат

Маводҳои таҳлилӣ