Дар ноҳияи Ҷалолиддини Балхӣ соҳибкор Алиҷон Аралов корхонаи парандапарварӣ бунёд мекунад
ДУШАНБЕ, 31.10.2020 /АМИТ «Ховар»/. Дар деҳаи Қизил-Юлдузи ҷамоати Маданияти ноҳияи Ҷалолиддини Балхӣ бо ташаббуси соҳибкори маҳаллӣ Алиҷон Аралов корхонаи парандапарварӣ ба фаъолит оғоз мекунад. Дар ин бора аз Мақомоти иҷроияи ҳокимияти давлатии ноҳия ба АМИТ «Ховар» хабар доданд.
Ба гуфти Алиҷон Аралов, барои рушди ибтидоии корхона аз фабрикаи парандапарварии ноҳияи Шаҳринав 500 мурғи тухмдори зоти голландӣ харида шуд, ки онҳоро коргарони маҳаллӣ нигоҳубин мекунанд. Тухмҳои истеҳсолшуда ҳар рӯз яклухт ва бо нархи дастрас ба бозор пешниҳод мегарданд.
Биное, ки дар он фабрикаи парандапарварӣ сохта мешавад, солҳои дароз бекор буда, ба таъмир ниёз дошт. Инак як қисми он таъмир ва қисми дигараш навсозӣ гардид. Масъулин ният доранд, ки баъди ба итмом расидани таъмир чӯҷаҳои зоти бройлер ва марҷон оварда, фаъолияташонро рушд диҳанд ва дар таъмини амнияти озуқаворӣ саҳм гузоранд.
Мақомоти иҷроияи ҳокимияти давлатии вилояти Хатлон бо дастуру супоришҳои Президенти мамлакат барои рушди соҳибкории хурду миёна шароит муҳайё менамояд. Масъулин нақша доранд, ки ба соҳибкор Алиҷон Аралов барои рушди соҳаи парандапарварӣ қитъаи замин барои кишти ҷуворимакка ва зироати хӯроки чорво ҷудо намоянд.
Ёдовар мешавем, ки дар 9 моҳи соли равон дар ноҳияи Ҷалолиддини Балхӣ 4.816,8 ҳазор дона тухм истеҳсол карда шудааст.
Дар қаламрави Тоҷикистону Узбекистон қариб 400 корхонаи муштарак фаъолият менамояд
Дар вилояти Хатлон татбиқи 368 лоиҳа ба маблағи 8,5 миллиард сомонӣ пешбинӣ шудааст
Вазири кишоварзии Узбекистон дар шаҳри Ҳисор бо фаъолияти корхонаи «Агротехсервис» шинос гардид
«Гардиши мол байни ду давлат дар ояндаи наздик ба 1 миллиард доллари амрикоӣ расонида мешавад», — бардошт аз Форуми соҳибкорию сармоягузории Тоҷикистон ва Узбекистон
Ҳайати Тоҷикистон бо роҳбарияти IFC роҳҳои тавсеаи ҳамкориро баррасӣ намуд
Дар Душанбе ҷаласаи Кумитаи муштараки роҳбарикунанда оид ба муаррифии ҳисоботи СММ баргузор шуд
Татбиқи лоиҳаҳои муштарак байни Тоҷикистон ва Узбекистон баррасӣ шуд
Ҳайати Тоҷикистон дар Бонн бо намояндагони Вазорати федералии Олмон оид ба ҳамкории иқтисодӣ ва рушд мулоқот намуд
Ҳамкории Тоҷикистон бо ниҳоди Созмони Милали Муттаҳид оид ба савдо ва рушд (UNCTAD) тақвият меёбад
Нақшаи андозҳо ва дигар пардохтҳои ҳатмӣ бо назардошти андози иҷтимоии ғайрибуҷетӣ дар шаҳри Ваҳдат 104,7 фоиз иҷро гардид
«Амонатбонк» дар доираи Ҳафтаи байналмилалии молиявӣ дар Файзобод ҳамоиши омӯзишӣ баргузор намуд
ҚАЛЪАИХУМБ — ВАНҶ — ДАРВОЗАИ РӮШОН. Вазири нақлиёти Тоҷикистон бо ҷараёни таҷдиду навсозии ин қитъаи роҳ шинос шуд
